О корректировке базовых налоговых ставок земельного налога на 1 квартал 2003 года Күшін жойған

2003 жылдың 1 тоқсанына жер салығының негізгі салық ставкаларын түзету туралы 📌 Ескерту. ҚР заңнамасына қайшы келгендіктен ШҚО әділет департаменті бастығының 2004 жылғы 27 желтоқсандағы хатының негізінде күші жойылды. Аумақтардың жерлерін аймақтарға бөлу нобайларының жобаларына жасалынған техникалық-экономикалық ескертулерді жою қажеттігіне байланысты қалалар мен аудандардың әкімдері және олардың өкілетті органдары "Жер туралы" Қазақстан Республикасы Заңының 7-бабына сәйкес жерлерді аймақтарға бөлу нобайын облыстық өкілдік органдардың бекітуіне жаңа салықтық жылдың басталуына дейін енгізе алмайды. "Қазақстан Республикасындағы жергілікті мемлекеттік басқару туралы" Қазақстан Республикасының 2001 жылғы 23 қаңтардағы Заңының 6-бабы 1-тармағының 15) тармақшасына, "Салық және бюджетке төленетін басқа да міндетті төлемдер туралы" Қазақстан Республикасы Кодексінің 338-бабының 1-тармағына сәйкес Шығыс Қазақстан облыстық мәслихаты ШЕШІМ ҚАБЫЛДАДЫ:

1. Облыстың қалалары мен аудандарының жерлерді аймақтарға бөлу жобаларын (нобайларын) аяқтағанға дейін "Салық және бюджетке төленетін басқа да міндетті төлемдер туралы" Қазақстан Республикасы Кодексінің 332, 334-баптарында көзделген жер салығының негізгі ставкалары уақытша 2003 жылдың 1 тоқсанына көтерілсін:

1) облысқа бағынатын қалалардағы (Өскемен, Лениногор, Семей, Зырян қалалары) елді мекендер жерлеріне - 30%-ға;

2) қалған елді мекендерде - 20%-ға;

3) елді мекендер шегінен тысқары орналасқан өнеркәсіп жерлеріне - 30%-ға;

4) елді мекендер шегінде, бірақ селитебтік аумақ шектерінен тысқары орналасқан өнеркәсіп жерлеріне - 20%-ға.

2. Осы шешімнің орындалуына бақылау жасау бюджет, экономикалық реформалар және аймақтық даму мәселелері жөніндегі тұрақты комиссияға жүктелсін.

3. Шешім Шығыс Қазақстан облысының әділет басқармасында тіркелгеннен кейін заңды күшіне енеді және 2003 жылдың 1 қаңтарынан бастап қолданысқа енгізіледі.