О внесении изменений в приказ Министра национальной экономики Республики Казахстан от 1 апреля 2015 года № 299 «Об утверждении Правил проведения комплексной вневедомственной экспертизы технико-экономических обоснований и проектно-сметной документации, предназначенных для строительства новых, а также изменения (реконструкции, расширения, технического перевооружения, модернизации и капитального ремонта) существующих зданий и сооружений, их комплексов, инженерных и транспортных коммуникаций независ Күшін жойған

«Қаржыландыру көздеріне қарамастан, жаңа үйлер мен ғимараттарды, олардың кешендерін, инженерлік және көлік коммуникацияларын салуға, сондай-ақ бұрыннан барын өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізу қағидаларын бекіту туралы» Қазақстан Республикасы Ұлттық экономика министрінің 2015 жылғы 1 сәуірдегі № 299 бұйрығына өзгерістер енгізу туралы БҰЙЫРАМЫН:

1. «Қаржыландыру көздеріне қарамастан, жаңа үйлер мен ғимараттарды, олардың кешендерін, инженерлік және көлік коммуникацияларын салуға, сондай-ақ бұрыннан барын өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізу қағидаларын бекіту туралы» Қазақстан Республикасы Ұлттық экономика министрінің 2015 жылғы 1 сәуірдегі № 299 бұйрығына (Нормативтік құқықтық актілерді мемлекеттік тіркеу тізілімінде № 10722 болып тіркелген, 2015 жылғы 21 сәуірде «Әділет» ақпараттық-құқықтық жүйесінде жарияланған) мынадай өзгерістер енгізілсін: көрсетілген бұйрықпен бекітілген Қаржыландыру көздеріне қарамастан, жаңа үйлер мен ғимараттарды, олардың кешендерін, инженерлік және көлік коммуникацияларын салуға, сондай-ақ бұрыннан барын өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізу қағидаларында: Қағиданың 2-қосымшасында: 1-тармақтың 10) тармақшасы мынадай редакцияда жазылсын: «10) Қазақстан Республикасының Экологиялық кодексіне 1-қосымшада көрсетілген көзделіп отырған қызмет түрлері мен объектілер үшін – қоршаған ортаға әсерді бағалау нәтижелері бойынша қорытынды не көзделіп отырған қызметтің әсерін скринингілеу нәтижелері туралы қорытынды.»; Қағиданың 3-қосымшасында: 4-тармақ мынадай редакцияда жазылсын: «4. Жобалардың санитариялық-эпидемиологиялық сараптамасы бөлігінде сараптама жүргізу үшін қажет арнайы (қосымша) бастапқы құжаттар: 1) халықтың санитариялық-эпидемиологиялық салауаттылығы саласындағы ведомствоның аумақтық бөлімшелерімен ауыз сумен жабдықтаудың бетіндегі және жерасты негіздерінің санитариялық қорғау аймағын, эпидемиологиялық маңыздылығы бар обьектілердің санитарлы-қорғау аймақтарын қысқарту бөлігінде түзету бойынша келісу; 2) қалалық және ауылдық елді мекендеріне, курорт аймақтарына құрылыс салудың, елді мекендерге жоспарлаудың және құрылыс салудың бас жоспары; 3) Қазақстан Республикасының Экологиялық кодексіне 1-қосымшада көрсетілген көзделіп отырған қызмет түрлері мен объектілер үшін – қоршаған ортаға әсерді бағалау нәтижелері бойынша қорытынды не көзделіп отырған қызметтің әсерін скринингілеу нәтижелері туралы қорытынды.»; Қағиданың 4-қосымшасында: 1-тармақтың 3) және 4) тармақшалары мынадай редакцияда жазылсын: «3) тапсырыс беруші бекіткен күрделі жөндеу жобасын әзірлеуге арналған тапсырма; 4) Қазақстан Республикасының Экологиялық кодексіне 1-қосымшада көрсетілген көзделіп отырған қызмет түрлері мен объектілер үшін – қоршаған ортаға әсерді бағалау нәтижелері бойынша қорытынды не көзделіп отырған қызметтің әсерін скринингілеу нәтижелері туралы қорытынды.»; Қағидаларға 5-қосымшада: Реттік нөмірі 9-жол мынадай редакцияда жазылсын: « 9 Уәкілетті органдардың келісімдері (объектілердің функционалдық мақсаттары мен қажеттілігі бойынша): ветеринария саласындағы уәкілетті мемлекеттік орган; азаматтық және мемлекеттік авиация саласындағы уәкілетті мемлекеттік орган (әуеайлақтан 15 км шегінде орналасқан және биіктігі 45 м және одан жоғары объектілер бойынша); Қазақстан Республикасының Экологиялық кодексіне 1-қосымшада көрсетілген көзделіп отырған қызмет түрлері мен объектілер үшін – қоршаған ортаға әсерді бағалау нәтижелері бойынша қорытынды не көзделіп отырған қызметтің әсерін скринингілеу нәтижелері туралы қорытынды; Қазақстан Республикасының сәулет, қала құрылысы және құрылыс саласындағы заңнамасында және нормативтік-техникалық құжаттарда көзделген құрылыс жобасын өзге де келісулер. ».

2. Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

4. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі. «КЕЛІСІЛДІ» Қазақстан Республикасы Экология, геология және табиғи ресурстар министрлігі