О внесении изменений в приказ Министра энергетики Республики Казахстан от 11 мая 2018 года № 170 «Об утверждении Правил извещения с использованием информационных систем» Қолданыста

«Ақпараттық жүйелерді пайдалана отырып хабарлау қағидаларын бекіту туралы» Қазақстан Республикасы Энергетика министрінің 2018 жылғы 11 мамырдағы № 170 бұйрығына өзгерістер енгізу туралы БҰЙЫРАМЫН:

1. «Ақпараттық жүйелерді пайдалана отырып хабарлау қағидаларын бекіту туралы» Қазақстан Республикасы Энергетика министрінің 2018 жылғы 11 мамырдағы № 170 бұйрығына (Нормативтік құқықтық актілерді мемлекеттік тіркеу тізілімінде № 17012 болып тіркелген) мынадай өзгерістер енгізілсін: бұйрықтың тақырыбы жаңа редакцияда жазылсын: «Цифрлық жүйелерді пайдалана отырып хабарлау қағидаларын бекіту туралы»; бұйрықтың кіріспесі жаңа редакцияда жазылсын: ««Жер қойнауы және жер қойнауын пайдалану туралы» Қазақстан Республикасы Кодексінің 68-бабының 4-тармағына сәйкес БҰЙЫРАМЫН:»; бұйрықтың 1-тармағы жаңа редакцияда жазылсын: «1. Қоса беріліп отырған Цифрлық жүйелерді пайдалана отырып хабарлау қағидалары бекітілсін.»; көрсетілген бұйрықпен бекітілген Ақпараттық жүйелерді пайдалана отырып хабарлау қағидаларында: тақырып жаңа редакцияда жазылсын: «Цифрлық жүйелерді пайдалана отырып хабарлау қағидалары»; 1-тармақ жаңа редакцияда жазылсын: «1. Осы Цифрлық жүйелерді пайдалана отырып хабарлау қағидалары (бұдан әрі – Қағидалар) «Жер қойнауы және жер қойнауын пайдалану туралы» Қазақстан Республикасы Кодексінің (бұдан әрі – Кодекс) 68-бабының 4-тармағына сәйкес әзірленді және Кодексте реттелетін қатынастардың қатысушыларын (бұдан әрі – қатысушылар) «Қазақстан Республикасының жер қойнауын пайдалануды басқарудың бірыңғай мемлекеттік жүйесі» (бұдан әрі – ББМЖ) интеграцияланған цифрлық жүйесін пайдалана отырып хабарлау тәртібін айқындайды.»; 2-тараудың тақырыбы жаңа редакцияда жазылсын: «2-тарау. Цифрлық жүйелерді пайдалана отырып хабарлау тәртібі».

2. Қазақстан Республикасы Энергетика министрлігінің Жер қойнауын пайдалану департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жариялағаннан кейін оны Қазақстан Республикасы Энергетика министрлігінің интернет-ресурсында орналастыруды;

3) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.

4. Осы бұйрық 2026 жылғы 11 шілдеден бастап қолданысқа енгізіледі және ресми жариялануға тиіс. 2027 жылғы 1 қаңтардан бастап осы бұйрықтың 1-тармағының он екінші абзацы мынадай редакцияда қолданылады деп белгіленсін: «1. Осы Цифрлық жүйелерді пайдалана отырып хабарлау қағидалары (бұдан әрі – Қағидалар) «Жер қойнауы және жер қойнауын пайдалану туралы» Қазақстан Республикасы Кодексінің (бұдан әрі – Кодекс) 68-бабының 4-тармағына сәйкес әзірленді және Кодексте реттелетін қатынастардың қатысушыларын (бұдан әрі – қатысушылар) «Отын-энергетика кешенін басқарудың бірыңғай мемлекеттік жүйесі» (бұдан әрі – ББМЖ) цифрлық жүйесін пайдалана отырып хабарлау тәртібін айқындайды.». «КЕЛІСІЛДІ» Қазақстан Республикасының Жасанды интеллект және цифрлық даму министрлігі «КЕЛІСІЛДІ» Қазақстан Республикасының Мәдениет және ақпарат министрлігі «КЕЛІСІЛДІ» Қазақстан Республикасының Өнеркәсіп және құрылыс министрлігі