О внесении изменения и дополнений в решение маслихата Аккайынского района Северо-Казахстанской области от 12 августа 2022 года № 17-3 «Об определении размера и порядка оказания жилищной помощи в Аккайынском районе» Күшін жойған

Солтүстік Қазақстан облысы Аққайың ауданы мәслихатының 2022 жылғы 12 тамыздағы № 17-3 «Аққайың ауданында тұрғын үй көмегін көрсетудің мөлшері мен тәртібін айқындау туралы» шешіміне өзгеріс пен толықтырулар енгізу туралы Солтүстік Қазақстан облысы Аққайың ауданы мәслихаты ШЕШТІ:

1. Солтүстік Қазақстан облысы Аққайың ауданы мәслихатының «Аққайың ауданында тұрғын үй көмегін көрсетудің мөлшері мен тәртібін айқындау туралы» 2022 жылғы 12 тамыздағы № 17-3 шешіміне (нормативтік құқықтық актілерді мемлекеттік тіркеу тізілімінде № 29128 болып тіркелген) келесі өзгеріс пен толықтырулар енгізілсін: көрсетілген шешіммен бекітілген Аққайың ауданында тұрғын үй көмегін көрсетудің мөлшері мен тәртібінде: 1-тармақта: бесінші абзац жаңа редакцияда жазылсын: «Аз қамтылған отбасының (азаматтың) жиынтық табысына шекті жол берілетін шығыстар үлесі 5 (бес) пайыз мөлшерінде.»; мынадай мазмұндағы 6-1-тармақпен толықтырылсын:

«6-1. Уәкілетті орган тұрғын үй қатынастары және тұрғын үй-коммуналдық шаруашылық саласында басшылықты және салааралық үйлестіруді жүзеге асыратын орган белгілеген тәртіппен және мерзімдерде тұрғын үй көмегін көрсетуден бас тартады.»; мынадай мазмұндағы 10-тармақпен толықтырылсын:

«10. Тұрғын үй көмегі келесі жағдайларда тоқтатылады:

1) алушының қайтыс болуы;

2) алушының Аққайың ауданынан тыс тұрақты тұруға шығуы;

3) алушыны мемлекеттік медициналық-әлеуметтік мекемелерге тұруға жіберу;

4) өтініш беруші ұсынған дұрыс емес мәліметтерді анықтау.»; мынадай мазмұндағы 11-тармақпен толықтырылсын:

«11. Артық төленген сомалар ерікті немесе Қазақстан Республикасының заңнамасында белгіленген өзге де тәртіппен қайтарылуға жатады.».

2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.