О внесении дополнения и изменения в приказ Заместителя Премьер-Министра Республики Казахстан - Министра индустрии и торговли Республики Казахстан от 14 сентября 2005 года N 302 "Об утверждении Правил по определению монопольного дохода" Күшін жойған

"Монополиялық табысты айқындау ережесін бекіту туралы" Қазақстан Республикасы Премьер-Министрінің орынбасары - Қазақстан Республикасы Индустрия және сауда министрінің 2005 жылғы 14 қыркүйектегі N 302 бұйрығына толықтыру мен өзгеріс енгізу туралы Бәсекелестікті қорғау және дамыту саласындағы заңдарға тәуелді кесімдерді жетілдіру мақсатында  БҰЙЫРАМЫН:

1. "Монополиялық табысты айқындау ережесін бекіту туралы" Қазақстан Республикасы Премьер-Министрінің орынбасары - Қазақстан Республикасы Индустрия және сауда министрінің 2005 жылғы 14 қыркүйектегі (Нормативтік құқықтық кесімдерді Мемлекеттік тіркеу тізілімінде 3836-нөмірімен тіркелген, "Заң газеті" 2005 жылғы 19 қазандағы N 193 (927) газетінде және Қазақстан Республикасының орталық атқарушы және өзге мемлекеттік органдардың нормативтік құқықтық кесімдері бюллетенінде жарияланған) N 302  бұйрығына  мынадай толықтыру мен өзгеріс енгізілсін: көрсетілген бұйрықпен бекітілген Монополиялық табысты айқындау жөніндегі ережесінде: 4-тарауының 8-тармағы мынадай мазмұндағы 3-1) тармақшамен толықтырылсын:

"3-1) "Бәсеке және монополистік қызметті шектеу туралы" Қазақстан Республикасы Заңының  17-бабының  4-тармағын және   18-бабын бұзғанда рынок субъектілері (тұлғалар тобы) белгілі бір тауар рыногында үстем (монополиялық) жағдайға ие рынок субъектілерінен негізгі өндірістік құрал-жабдықтарын немесе материалдық емес активтерін, акцияларын (үлестерін, пайларын) алады, нәтижесінде рынок субъектісінің (тұлғалар тобының) аталған іс-әрекеттері (әрекетсіздіктері) бәсекелестікке жол бермеуге, оны шектеуге немесе жоюға және (немесе) тұтынушылардың заңды мүдделеріне қысым жасауға, сондай-ақ рынок субъектісінің (тұлғалар тобының) үстем (монополиялық) жағдайының күшеюіне не пайда болуына әкелді"; 9-тармақта "3)" деген цифр "3-1)" деген цифрмен ауыстырылсын.

2. Қазақстан Республикасы Индустрия және сауда министрлігінің Бәсекелестікті қорғау комитеті (Мәтішев Ә.Б.) заңнамалық белгіленген тәртіпте осы бұйрықты мемлекеттік тіркеу үшін Қазақстан Республикасы Әділет министрлігіне ұсынсын.

3. Осы бұйрықтың орындалуын бақылау Қазақстан Республикасының Индустрия және сауда вице-министрі А.Б.Баталовқа жүктелсін.

4. Осы бұйрық ресми жарияланған күнінен бастап қолданысқа енгізіледі. Министр