О внесении дополнений в решение Лисаковского городского маслихата от 14 декабря 2006 года № 323 «Об утверждении Правил оказания жилищной помощи на 2007 год в городе Лисаковске» Қолданыста

«Лисаков қаласындағы 2007 жылға арналған тұрғын үй көмегін көрсету Ережесін бекіту туралы» Лисаков қалалық мәслихатының 2006 жылғы 14 желтоқсандағы № 323 шешіміне толықтырулар енгізу туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6-бабына, «Тұрғын үй қатынастары туралы» Қазақстан Республикасы Заңының 97-бабына, «Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы» Қазақстан Республикасы Заңының 20-бабына сәйкес Лисаков қалалық мәслихаты ШЕШТІ:

1. «Лисаков қаласындағы 2007 жылға арналған тұрғын үй көмегін көрсету Ережесін бекіту туралы» қалалық мәслихаттың 2006 жылғы 14 желтоқсандағы № 323 шешіміне (нормативтік құқықтық актілерінің мемлекеттік тіркеу тізілімінде № 9-4-69 болып тіркелген, 2007 жылғы 11 қаңтардағы № 2 «Лисаковская новь» газетінде жарияланған), бұрын «Лисаков қаласындағы 2007 жылға арналған тұрғын үй көмегін корсету Ережесін бекіту туралы» мәслихаттың 2006 жылғы 14 желтоқсандағы № 323 шешіміне өзгерістер мен толықтыру енгізу туралы» қалалық мәслихатының 2007 жылғы 12 ақпандағы № 344 шешімімен өзгерістер енгізілген (нормативтік құқықтық актілерінің мемлекеттік тіркеу тізілімінде № 9-4-80 болып тіркелген, 2007 жылғы 22 ақпандағы № 8 «Лисаковская новь» газетінде жарияланған), мынадай толықтырулар енгізілсін: көрсетілген шешіммен бекітілген, Лисаков қаласындағы 2007 жылға арналған тұрғын үй көмегін көрсету Ережесінде: 8-тармақ «Ұлы Отан соғысының қатысушылары мен мүгедектеріне» деген сөздерден кейін «Ұлы Отан соғысында қайтыс болған жауынгерлердің жесірлеріне» деген сөздермен толықтырылсын; 21-тармақтың екінші абзацы «екінші деңгейдегі банктерде» деген сөздерден кейін «және «Қазпошта» акционерлік қоғамында» деген сөздермен толықтырылсын; 21-тармак мынадай мазмұнды абзацпен толықтырылсын: «Ұлы Отан соғысының қатысушылары мен мүгедектеріне, Ұлы Отан соғысында қайтыс болған жауынгерлердің жесірлеріне, Лисаков қаласының құрметті азаматтарына тұрғын үй өтемақысының сомалары екінші деңгейдегі банктерде алушылардың жеке шоттарына аударылады.».

2. Осы шешімнің орындалуын бақылау жасауды қалалық мәслихатының әлеуметтік-мәдени сала мәселелері жөніндегі тұрақты комиссияның төрайымы Л.Н.Черноваға және қала әкімінің орынбасары В.В.Абоимоваға жүктелсін.

3. Осы шешім алғаш рет ресми жарияланғаннан кейін он күнтізбелік күн өткен соң қолданысқа енгізіледі.