О внесении изменения в постановление акимата Атырауской области от 14… — 10.08.2026

Басқа 0

Атырау облысы әкімдігінің 2008 жылғы 14 сәуірдегі № 104 «Атырау облысы Жұмыспен қамтуды үйлестіру және әлеуметтік бағдарламалар басқармасының мәселелері» қаулысына өзгеріс енгізу туралы Атырау облысы әкімдігі ҚАУЛЫ ЕТЕДІ:

Тармақ 1

1. Атырау облысы әкімдігінің 2008 жылғы 14 сәуірдегі № 104 «Атырау облысы Жұмыспен қамтуды үйлестіру және әлеуметтік бағдарламалар басқармасының мәселелері» қаулысына келесі өзгеріс енгізілсін: көрсетілген қаулымен бекітілген Атырау облысы Жұмыспен қамтуды үйлестіру және әлеуметтік бағдарламалар басқармасы туралы ереже осы қаулының қосымшасына сәйкес жаңа редакцияда мазмұндалсын.

Тармақ 2

2. «Атырау облысы Жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі осы қаулыдан туындайтын шараларды қабылдасын.

Тармақ 3

3. Осы қаулының орындалуын бақылау Атырау облысы әкімінің бірінші орынбасары С.К.Айдарбековке жүктелсін.

Тармақ 4

4. Осы қаулы қол қойылған күнінен бастап күшіне енеді және ол алғашқы жарияланған күнінен бастап қолданысқа енгізіледі.

Басқа 5. Атырау облысы Жұмыспен қамтуды үйлестіру және әлеуметтік бағдарламалар басқармасы туралы ереже

Атырау облысы әкімдігінің 2022 жылғы 15 шілдедегі № 159 қаулысына қосымша Атырау облысы әкімиятының 2008 жылғы 14 сәуірдегі № 104 қаулысымен бекітілген Атырау облысы Жұмыспен қамтуды үйлестіру және әлеуметтік бағдарламалар басқармасы туралы ереже

Тарау 1. 1. Жалпы ережелер

1. Жалпы ережелер

Тармақ 1

1. «Атырау облысы Жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі (бұдан әрі - Басқарма) жұмыспен қамтуды үйлестіру және әлеуметтік бағдарламалар саласында басшылықты жүзеге асыратын Қазақстан Республикасының мемлекеттік органы болып табылады.

Тармақ 2

2. Басқарма өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

Тармақ 3

3. Басқарма мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.

Тармақ 4

4. Басқарма азаматтық-құқықтық қатынастарды өз атынан жасайды.

Тармақ 5

5. Басқарма Қазақстан Республикасының заңнамасына сәйкес уәкілеттік берілген жағдайда ол мемлекеттің атынан азаматтық-құқықтық қатынастардың тарапы болуға құқылы.

Тармақ 6

6. Басқарма өз құзыретінің мәселелері бойынша заңнамада белгіленген тәртіппен Басқарма басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.

Тармақ 7

7. Басқарманың құрылымы мен штат санының лимиті Қазақстан Республикасының заңнамасына сәйкес бекітіледі.

Тармақ 8

8. Басқарманың орналасқан жері: 060005, Атырау облысы, Атырау қаласы, Азаттық көшесі, 31а.

Тармақ 9

9. Осы ереже Басқарманың құрылтай құжаты болып табылады.

Тармақ 10

10. Басқарманың қызметiн қаржыландыру Қазақстан Республикасының заңнамасына сәйкес жергiлiктi бюджеттен жүзеге асырылады.

Тармақ 11

11. Басқармаға кәсіпкерлік субъектілерімен өкілеттіктері болып табылатын міндеттерді Басқарманың орындау тұрғысынан шарттық қарым-қатынас жасауға тыйым салынады. Егер Басқармаға заңнамалық актілермен кіріс әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.

Тарау 2. 2. Басқарманың мақсаттары мен өкілеттіктері

2. Басқарманың мақсаттары мен өкілеттіктері

Тармақ 12

12. Міндеттері:

Тармақша 1

1) жұмыспен қамту және халықты әлеуметтік қорғау саласындағы қызметті үйлестіру;

Тармақша 2

2) жұмыспен қамту және халықты әлеуметтік қорғау саласындағы қызметті үйлестіру мемлекеттік саясатты іске асыру;

Тармақ 13

13. Өкілеттіктері:

Тармақша 1

1) құқықтары: Басқармаға өзіне жүктелген міндеттерді және функцияларды жүзеге асыру барысында тәртіппен: өз құзыреті шегінде халықты жұмыспен қамту және әлеуметтік қорғау және көші-қон саласындағы мемлекеттік саясатты іске асырады; қолданыстағы заңнамалық актілерді және осы Ереженің функцияларында көзделген басқа да құқықтарды жүзеге асыруға құқығы бар; Қазақстан Республикасының заңнамасында көрсетілген өзге де құқықтарды жүзеге асыруға құқылы.

Тармақша 2

2) міндеттері: Қазақстан Республикасының Конституциясы мен заңнамасын сақтау; Басқармаға жүктелген функциялардың жүзеге асырылуын қамтамасыз ету; Басқармаға келіп түскен шағымдар мен өтініштерін қарау; Қазақстан Республикасының заңнамасымен қарастырылған өзге де міндеттер.

Тармақ 14

14. Функциялары:

Тармақша 1

1) халықты жұмыспен қамтуға жәрдемдесуді қамтамасыз ететін іс-шараларды өткізу;

Тармақша 2

2) халықты жұмыспен қамту мәселелері бойынша жергілікті органдарды үйлестіруді және оларға әдістемелік басшылық жасауды жүзеге асыру;

Тармақша 3

3) халықты жұмыспен қамту мәселелері жөніндегі уәкілетті орган бөлген квота шегінде не квотадан тыс корпоративішілік ауыстыру шеңберінде жұмыс берушілерге өз аумағында және (немесе) басқа да әкімшілік-аумақтық бірліктерде еңбек қызметін жүзеге асыру үшін нормативтік – құқықтық актілерге сәйкес шетелдік жұмыс күшін тартуға, сондай-ақ арналған рұқсаттарды беру немесе ұзарту, сондай-ақ көрсетілген рұқсаттарды тоқтата тұру және кері қайтарып алу;

Тармақша 4

4) ауыр жұмыстарды, еңбек жағдайлары зиянды, қауіпті жұмыс орындарын есептемегенде, жұмыс орындары санының екіден төрт пайызға дейінгі мөлшерінде мүгедектер үшін жұмыс орындарына квота белгілеу, пробация қызметінің есебінде тұрған және бас бостандығынан айыру орындарынан босатылған адамдарды, ата-анасынан кәмілеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды жұмысқа орналастыру үшін жұмыс орындарына квота белгілеу жұмыстарын жүргізу;

Тармақша 5

5) өңірлік деңгейде тиісті әлеуметтік әріптестікті ұйымдастыру;

Тармақша 6

6) мүгедектерді оңалтудың жеке бағдарламасына сәйкес мүгедектердің және мүгедек балалардың санатории-курорттық емделуіне және мүгедекті оңалтудың жеке бағдарламасына сәйкес мүгедектерді техникалық көмекші орнын толтырушы) құралдармен және (немесе) арнаулы жүріп тұру құралдарымен қамтасыз етуді ұйымдастыру;

Тармақша 7

7) мүгедектерді оңалтудың жүзеге асыратын ұйымдарды құруға ықпал ету;

Тармақша 8

8) арнаулы әлеуметтік қызметтер көрсету жүйесін дамыту жөнінде шараларды қабылдайды;

Тармақша 9

9) этностық қазақтарға қандас мәртебесін беруге, қандастардың көшіп келу квотасына енгізуге қажетті құжаттарымен қоса берген өтінішті қабылдап шешім шығару;

Тармақша 10

10) қандастарды бейімдеу және интеграциялау бойынша уақытша орналастыру орталығының қызметін ұйымдастыру;

Тармақша 11

11) Қазақстан Республикасының азаматтарынан қоныс аударушы мәртебесін алуға және ішкі көшіп-қонушылардың қоныс аудару квотасына енгізуге қажетті құжаттарымен қоса берген өтінішті қабылдау;

Тармақша 12

12) шетелдік немесе азаматтығы жоқ адамдарға экономиканың басым салаларында (экономикалық қызмет түрлерінде) сұранысқа ие кәсіптер бойынша өз бетінше жұмысқа орналасу үшін ұзарту құқығымен біліктілік сәйкестігі туралы анықтамалар беру;

Тармақша 13

13) Қазақстан Республикасының заңнамасына сәйкес құзыреті шегінде өзге де функцияларды жүзеге асырады.

Тарау 3. 3. Басқарма басшысының мәртебесі, өкілеттіктері

3. Басқарма басшысының мәртебесі, өкілеттіктері

Тармақ 14

14. Басқарманы басқаруды басшы жүзеге асырады, ол Басқармаға жүктелген міндеттердің орындалуына және оның өз өкілеттіктерін жүзеге асыруына дербес жауапты болады.

Тармақ 15

15. Басқарманың басшысы Қазақстан Республикасының заңнамасына сәйкес лауазымға тағайындалады және лауазымнан босатылады.

Тармақ 16

16. Басқарма басшысының Қазақстан Республикасының заңнамасына сәйкес лауазымға тағайындалатын және лауазымнан босатылатын орынбасарлары болады.

Тармақ 17

17. Басқарма басшысының өкілеттіктері:

Тармақша 1

1) Басқарманың жұмысына басшылық жасайды және оған жүктелген міндеттердің орындалуын қамтамасыз етеді;

Тармақша 2

2) мемлекеттік органдар, сот пен басқа да ұйымдарда Басқарманың мүддесін білдіреді;

Тармақша 3

3) өзінің орынбасарлары мен Басқарма қызметкерлерінің міндеттері мен өкілеттіктерін анықтайды;

Тармақша 4

4) Қазақстан Республикасының заңнамасына сәйкес Басқарманың қызметкерлерін қызметке тағайындайды және қызметтен босатады;

Тармақша 5

5) Басқарманың құрылымдық бөлімшелері туралы ережелерді бекітеді;

Тармақша 6

6) заңнамада белгіленген тәртіппен Басқарма қызметкерлерін көтермелейді және оларға тәртіптік жазалар қолданады;

Тармақша 7

7) Басқармада сыбайлас жемқорлыққа қарсы іс-қимыл жасауға бағытталған тиісті шараларды қабылдайды және сыбайлас жемқорлыққа қарсы шаралардың қабылдануы үшін дербес жауапты болады;

Тармақша 8

8) өз құзыреті шегінде бұйрықтар шығарып, өзінің құзыретіне жататын басқа да мәселелер бойынша шешімдер қабылдайды; Заңнамаға сәйкес Басқарма мемлекеттік басқару органы болып табылатын мемлекеттік мекемелер мен кәсіпорындардың басшыларын қызметке тағайындайды және қызметтен босатады. Басқарма басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.

Тармақ 18

18. Басшы өз орынбасарының өкілеттігін қолданыстағы заңнамаға сәйкес айқындайды.

Тарау 4. 4. Басқарманың мүлкі

4. Басқарманың мүлкі

Тармақ 19

19. Басқарманың заңнамада көзделген жағдайларда жедел басқару құқығында оқшауланған мүлкі болуы мүмкін. Басқарма мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

Тармақ 20

20. Басқармаға бекітілген мүлік коммуналдық меншікке жатады.

Тармақ 21

21. Егер заңнамада өзгеше көзделмесе, Басқарма өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

Тарау 5. 5. Басқарманы қайта ұйымдастыру және тарату

5. Басқарманы қайта ұйымдастыру және тарату

Тармақ 22

22. Басқарманы қайта ұйымдастыру және тарату Қазақстан Республикасының заңнамасына сәйкес жүзеге асырылады. Басқарманың қарамағындағы мемлекеттік мекемелердің тізбесі

Тармақ 1

1. «№1 арнаулы әлеуметтік қызметтер көрсету орталығы» коммуналдық мемлекеттік мекемесі;

Тармақ 2

2. «№2 арнаулы әлеуметтік қызметтер көрсету орталығы» коммуналдық мемлекеттік мекемесі;

Тармақ 3

3. «№3 арнаулы әлеуметтік қызметтер көрсету орталығы» коммуналдық мемлекеттік мекемесі;

Тармақ 4

4. «№4 арнаулы әлеуметтік қызметтер көрсету орталығы» коммуналдық мемлекеттік мекемесі;

Тармақ 5

5.«Мүгедектерді сауықтыру облыстық орталығы» коммуналдық мемлекеттік мекемесі.

Қызметтер

Навигация

Параметрлер

Аккаунт