Қазақстан Республикасының 2008 жылғы 4 желтоқсандағы Бюджет кодексіне, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, Қарағанды облыстық мәслихатының 2009 жылғы 28 тамыздағы ХVІІІ сессиясының N 233 "Қарағанды облыстық мәслихатының 2008 жылғы 12 желтоқсандағы ХІІІ сессиясының "2009 жылға арналған облыстық бюджет туралы" N 175 шешіміне өзгерістер мен толықтырулар енгізу туралы" шешімін іске асыру мақсатында қалалық мәслихат ШЕШІМ ЕТТІ:

1. Теміртау қалалық мәслихатының 2008 жылғы 25 желтоқсандағы 14 сессиясының N 14/4 "2009 жылға арналған қалалық бюджет туралы" (тіркелген нөмірі 8-3-68, 2009 жылғы 15 қаңтардағы N 3 және 2009 жылғы 22 қаңтардағы N 4 "Теміртау", 2009 жылғы 14 қаңтардағы N 2, 2009 жылғы 21 қаңтардағы N 3 "Зеркало" газеттерінде жарияланған, Теміртау қалалық мәслихатының 2009 жылғы 23 сәуірдегі 18 сессиясының N 18/6 "Теміртау қалалық мәслихатының 2008 жылғы 25 желтоқсандағы 14 сессиясының "2009 жылға арналған қалалық бюджет туралы" N 14/4 шешіміне өзгертулер мен толықтырулар енгізу туралы" шешімімен өзгертулер мен толықтырулар енгізілді, тіркелген нөмірі 8-3-78, 2009 жылғы 28 мамырдағы N 22 "Теміртау", 2009 жылғы 20 мамырдағы N 20 "Зеркало" газеттерінде жарияланған) шешіміне келесі өзгертулер мен толықтырулар енгізілсін:

"1. 2009 жылға арналған қалалық бюджет осы шешімнің 1-қосымшасына сәйкес келесі көлемде бекітілсін:
1) кірістер – 8167473 мың теңге,
оның ішінде:
салықтық түсімдер – 6732394 мың теңге;
салықтық емес түсімдер – 22386 мың теңге;
негізгі капиталды сатудан түсетін түсімдер – 116141 мың теңге;
трансферттердің түсімдері – 1296552 мың теңге;
2) шығындар – 8547158 мың теңге;
3) таза бюджеттік кредиттеу – 0 мың теңге;
оның ішінде:
бюджеттік кредиттер – 0 мың теңге;
бюджеттік кредиттерді өтеу – 0 мың теңге;
4) қаржы активтерімен операциялар бойынша сальдо – 4000 мың теңге алу, оның ішінде:
мемлекеттің қаржы активтерін сатып алу – – 0 мың теңге;
мемлекеттің қаржы активтерін сатудан түсетін түсімдер – 4000 мың теңге;
5) бюджет тапшылығы (профициті) – 375685 мың теңге алу;
6) бюджет тапшылығын (профицитті пайдалану) қаржыландыру – 375685 мың теңге, оның ішінде:
қарыздар түсімі – 0 мың теңге;
қарыздарды өтеу – 0 мың теңге;
бюджет қаражаттарының пайдаланылатын қалдықтары –375685 мың теңге.
Бюджет тапшылығын қаржыландыру 2009 қаржы жылының басында 375685 мың теңге сомасында қалыптасқан бюджеттік қаражаттардың бос қалдықтарын пайдалану есебінен жүргізілсін.";

"2. Республикалық және облыстық бюджеттерден алынған 1296552 мың теңге сомасындағы нысаналы ағымдағы трансферттер мен даму трансферттерінің келесілерге көзделгені ескерілсін:
Теміртау қаласында 320 орынға арналған балабақша салуға – 111998 мың теңге;
Қазақстан Республикасында 2008-2010 жылдарға арналған Мемлекеттік тұрғын үй құрылысы бағдарламасына сәйкес мемлекеттік коммуналдық тұрғын үй қорының тұрғын үй құрылысы және (немесе) сатып алуға – 81000 мың теңге сомасында;
Қазақстан Республикасында 2008-2010 жылдарға арналған Мемлекеттік тұрғын үй құрылысы бағдарламасына сәйкес инженерлік коммуникациялық инфрақұрылымды дамыту, жайластыру және (немесе) сатып алуға – 42281 мың теңге сомасында;
2002-2010 жылдарға арналған "Ауыз су" өңірлік бағдарламасына сәйкес сумен жабдықтау жүйесін дамытуға 11257 мың теңге сомасында;
бастауыш, негізгі орта және жалпы орта білім беретін мемлекеттік мекемелерде лингофондық және мультимедиялық кабинеттер құруға 16 623 мың теңге сомасында;
негізгі орта және жалпы орта білім беретін мемлекеттік мекемелердегі физика, химия, биология кабинеттерін оқу жабдығымен жарақтандыруға 12291 мың теңге сомасында;
білім берудің мемлекеттік жүйесіне оқытудың жаңа технологияларын енгізуге 63574 мың теңге сомасында;
медициналық-әлеуметтік мекемелерде тамақтану нормаларын ұлғайтуға – 5313 мың теңге сомасында;
әлеуметтік жұмыс орындары және жастар тәжірибесі бағдарламасын кеңейтуге – 74250 мың теңге;
өңірлік жұмыспен қамту және кадрларды қайта даярлау стратегиясын іске асыру шеңберінде әлеуметтiк қамсыздандыру объектілерін күрделі, ағымды жөндеуге – 10000 мың теңге;
өңірлік жұмыспен қамту және кадрларды қайта даярлау стратегиясын іске асыру шеңберінде білім беру объектілерін күрделі, ағымды жөндеуге – 78180 мың теңге;
өңірлік жұмыспен қамту және кадрларды қайта даярлау стратегиясын іске асыру шеңберінде мәдениет объектілерін күрделі, ағымды жөндеуге – 115154 мың теңге;
жергілікті бюджеттің заңнаманың өзгеруіне байланысты шығынына өтемақыға – 674631 мың теңге.";

"11678" сандары "5000" сандарымен ауыстырылсын;

"2009 жылға арналған қалалық бюджеттің шығыстар құрамында "Жергілікті өкілді органдардың шешімі бойынша азаматтардың жекелеген санаттарына әлеуметтік көмек" бағдарламасы бойынша – 66666 мың теңге көзделсін, оның ішінде:
Ұлы Отан соғысының мүгедектерін және соғысқа қатысқандарды газбен қамтамасыз ету және эксплуатациялық қызметтерін төлеу үшін материалдық көмек көрсетуге –1931 мың теңге. Көмек мөлшері айына 980 теңге болып белгіленсін;
азаматтардың жеке санаттарына қалалық қоғамдық көліктерде жүруге (такси және трамвайдан басқа) әлеуметтік көмек көрсетуге –31215 мың теңге және жеңілдікпен жол жүру билетінің құны 1050 теңге болып келесі санаттарға белгіленсін:
1) 1, 2, 3 топтардағы мүгедектерге;
2) 16 жасқа дейінгі мүгедек балаларға немесе 16 жасқа дейінгі мүгедек балаға мемлекеттік әлеуметтік жәрдемақы алатындарға (баланың жасы кіші немесе жүре алмайтын жағдайда);
3) екінші дүниежүзілік соғыс кезінде фашистер құрған концлагерь, гетто және басқа да еріксіз ұстау орындарының кәмелеттік жасқа толмаған бұрынғы тұтқындарына;
4) Ленинград қаласында қоршау кезінде, қаланың кәсіпорындарында, мекемелерінде және ұйымдарында жұмыс істеген азаматтарға және "Ленинградты қорғағаны үшін" медалімен және "Қоршаудағы Ленинград тұрғыны" белгісімен марапатталғандарға;
5) қайтыс болған жауынгер – интернационалистердің отбасыларына (арнайы мемлекеттік жәрдемақы алушыларға);
6) Ұлы Отан соғысында қаза тапқан (қайтыс болған), хабар-ошарсыз жоғалған жауынгерлердің қайта некеге тұрмаған жесірлеріне;
7) 1986-1989 жылдары Чернобыль АЭС-да апаттың зардаптарын жоюға қатысқан тұлғаларға;
8) бірге тұратын кәмелеттік жасқа толмаған төрт және одан да көп балалы аналарға (оның ішінде оқу орнын бітіргенге дейін кәмелеттік жасқа толған жоғарғы және орта оқу орындарында оқитын балалары бар);
9) "Алтын алқа", "Күміс алқа" алқаларымен марапатталған немесе бұрын "Батыр – Ана" атағын алған көп балалы аналарға;
10) 2009 жылғы 1 қаңтардағы жағдай бойынша базалық зейнетақыны ескерумен зейнетақы мөлшері айына 15500 теңгеден төмен зейнеткерлерге;
11) туберкулезге қарсы диспансердің анықтамасы бойынша туберкулезбен ауыратын тұлғаларды амбулаториялық емдеу кезеңіне;
Жеңіс күніне материалдық көмек көрсетуге – 8335 мың теңге келесі санаттағы азаматтарға:
1) Ұлы Отан соғысының қатысушылары мен мүгедектеріне;
2) Ұлы Отан соғысы жылдарында тылда аянбай еңбек еткені үшін және мінсіз әскери қызметі үшін Кеңестік Социалистік Республикалар Одағы медальдарымен және ордендерімен марапатталған тұлғаларға;
3) Ленинград қаласында қоршау кезінде, қаланың кәсіпорындарында, мекемелерінде және ұйымдарында жұмыс істеген азаматтарға және "Ленинградты қорғағаны үшін" медалімен және "Қоршаудағы Ленинград тұрғыны" белгісімен марапатталғандарға;
4) екінші дүниежүзілік соғыс кезінде фашистер құрған концлагерь, гетто және басқа да еріксіз ұстау орындарының кәмелеттік жасқа толмаған бұрынғы тұтқындарына;
5) басқа мемлекеттер аймағында жүргізілген ұрыс қимылдарына қатысушыларға;
6) 1986-1989 жылдары Чернобыль АЭС-да апаттың зардаптарын жоюға қатысқан тұлғаларға;
7) Ауғанстандағы ұрыс қимылдары кезінде немесе ұрыс болған басқа мемлекеттерде қайтыс болған (хабарсыз кеткен) немесе алынған жарақат, контузия, мертігу, аурулар әсерінен қайтыс болған жауынгерлердің отбасыларына;
8) 1941 жылғы 22 маусым мен 1945 жылғы 9 мамыр аралығында алты айдан кем емес жұмыс істеген тұлғаларға;
Қарттар күніне материалдық көмек көрсетуге –3174 мың теңге келесі санаттағы азаматтарға:
1) Қазақстан Республикасының "Ұлы Отан соғысының мүгедектеріне, соғысқа қатысқандарға және оған теңестірілген тұлғаларға жеңілдіктер және әлеуметтік қорғау туралы" Заңында аталған, 2009 жылы 75 жасқа және одан артық жасқа толғандарға;
2) мүгедектердің барлық тобына, 2009 жылы 75 жасқа және одан артық жасқа толатындарға;
Мүгедектер күніне материалдық көмек көрсетуге – 9156 мың теңге келесі санаттағы азаматтарға:
1) мемлекеттік әлеметтік жәрдемақы, мүгедектіктің барлық топтары бойынша арнайы мемлекеттік жәрдемақы алушыларға;
2) мүгедек балаларға;
бағаның өсуіне байланысты тұрғындардың тұрмысы нашар топтарына бір айлық есептік көрсеткіш мөлшерінде материалдық көмек көрсетуге –7584 мың теңге келесі санаттағы азаматтарға:
1) 2009 жыл ішінде жәрдемақы тағайындалуын өтінген мемлекеттік атаулы әлеуметтік көмек алатындарға;
2) 2009 жыл ішінде жәрдемақы тағайындалуын өтінген 18 жасқа дейінгі балаларға мемлекеттік жәрдемақы алатындарға;
қозғалуға қиналатын мүгедектерді тасымалдау бойынша мемлекеттік әлеуметтік тапсырыс көрсетуге – 4123 мың теңге;
зағип мүгедектерді компьютерлік сауаттылыққа үйрету бойынша мемлекеттік әлеуметтік тапсырысты көрсетуге –1148 мың теңге.";

"61318" сандары "61311" сандарымен ауыстырылсын;

"142377" сандары "137418" сандарымен ауыстырылсын;