О мерах по реализации постановления Президента Республики Казахстан от 15 апреля 1993 г. N 1184 "О квоте иммиграции и мерах по организации переселения соотечественников из Исламской Республики Иран и других государств" Қолданыста

Қазақстан Республикасы Президентiнiң "Иран Ислам Республикасынан және басқа мемлекеттерден отандастардың көшiп келу квотасы және қоныс аударуын ұйымдастыру жөнiндегi шаралар туралы" 1993 жылғы 15 сәуiрдегi N 1184 қаулысын орындау жөнiндегi шаралар туралы Қазақстан Республикасы Президентiнiң 1993 жылғы 15 сәуiрдегi N 1184 қаулысын орындау мақсатында Қазақстан Республикасының Министрлер Кабинетi қаулы етедi:

1. 1993 жылғы көшiп келу квотасын облыстар бойынша қосымшаға сәйкес бөлу бекiтiлсiн.

2. Облыстардың әкiмдерi: отандастардың отбасыларын қабылдап, орналастыруға байланысты мәселелердi шұғыл қарау жөнiнде облыстық комиссиялар құратын болсын; отандастардың отбасыларын қабылдау үшiн тұрғын үй және басқа да әлеуметтiк-тұрмыстық жағдайлар әзiрлеу жөнiнде шаралар қабылдасын; Қазақстан Республикасы Министрлер Кабинетiнiң "Тұрғын үй шаралары үшiн халыққа берiлетiн несиелердiң мөлшерiн өсiру туралы" 1993 жылғы 21 сәуiрдегi N 322 қаулысына сәйкес келiп жатқан отандастарға жеке және кооперативтiк тұрғын үй салуға несие бөлу жөнiнде жәрдем көрсетсiн; қоныс аударушылар жағдайға бейiмделiп, уақытша тұратын облыстық пункттер құратын болсын.

3. Қазақстан Республикасының Сыртқы iстер министрлiгi: тарихи отанына қайтып келуге тiлек бiлдiрген отандастардың құқықтары мен бостандығын қорғау мәселелерi бойынша Қазақстан Республикасының министрлiктерi, ведомстволары және тиiстi мемлекеттер арасында шарттар жасау шараларын жүзеге асыратын болсын; қоныс аудару кезiнде аумақтары арқылы өтетiн қоныс аударушыларға жәрдем көрсету жөнiнде тиiстi мемлекеттердiң Сыртқы iстер министрлiктерiне дипломатиялық жолмен хабарлайтын болсын.

4. Қазақстан Республикасының Көлiк министрлiгi Еңбек министрлiгiмен бiрлесе отырып, қоныс аударатын адамдарды, олардың жеке мүлiктерiн көшетiн мемлекеттiң аумағынан баратын жерлерiне дейiн тасымалдау тәртiбiн белгiлейтiн болсын.

5. Қазақстан Республикасының Бiлiм министрлiгi қоныс аударушылардың отбасы мүшелерiнiң бiлiм берудiң барлық түрлерiнде оқуын жалғастыруына, балаларын мектепке дейiнгi мекемелерге орналастыруға жәрдем көрсету жөнiнде шаралар қабылдайтын болсын.

6. Қазақстан Республикасының Экономика министрлiгi мен Қаржы министрлiгi өзiнiң тарихи отанына қайтып келуге тiлек бiлдiрген қазақтардың отбасыларына тұрғын үй салу және орналасу үшiн 1993 жылдан бастап қаржы бөлудi көздейтiн болсын.

7. Қазақстан Республикасының Iшкi iстер министрлiгi жол үстiнде қоныс аударушылардың жеке бастары мен мүлiктерiнiң сақталуын қамтамасыз ететiн болсын.

8. Қазақстан Республикасы Қаржы министрлiгiнiң Кеден бас басқармасы, Ұлттық қауiпсiздiк комитетi Шекара әскерлерiнiң бас басқармасы мемлекеттердiң тиiстi органдарымен адамдарды және олардың жеке мүлiктерiн шекарадағы бақылау-өткiзу пункттерiнен жедел өткiзу мәселелерiн пысықтайтын болсын.

9. Қоныс аудару шараларын қаржыландыру "1993 жылғы арналған республикалық бюджет туралы" Қазақстан Республикасының Заңына сәйкес Халықты жұмыспен қамтуға және көшiп-қонуға жәрдемдесудiң мемлекеттiк қорының қаржысы есебiнен жүзеге асырылсын.

10. 📌 ЕСКЕРТУ. 10-тармаққа өзгерiстер енгiзiлдi - ҚРҮ-нiң 1996.08.09. N 987 қаулысымен . ЕСКЕРТУ. 10-тармақ күшін жойды - ҚР Үкіметінің 1999.08.18. N 1194 қаулысымен .

11. Қазақстан Республикасының Ұлттық банкiне Халықтың көшiп-қону департаментiнiң, еңбек және жұмыспен қамту жөнiндегi облыстық комитеттердiң (басқармалардың) ағымдағы есеп шотын ашу тапсырылсын.

12. Қазақстан Республикасының Ауыл шаруашылығы министрлiгi облыстардың әкiмдерiмен бiрлесе отырып, қоныс аударушылардың жеке меншiгiндегi малын айдап келудi қамтамасыз етсiн.

13. Қазақстан Республикасының Өнеркәсiп министрлiгi қоныс аударушылар отбасының еңбекке жарамды мүшелерiн өнеркәсiп орындарына жұмысқа тарту мүмкiндiктерiн қарастырсын.

14. Қазақстан Республикасының Жастар iсi жөнiндегi мемлекеттiк комитетi отандастардың отбасыларын орналастыруға көмек көрсету үшiн жастар мен студенттерден мүмкiндiгiне қарай ынталы топтар ұйымдастыратын болсын.

15. Қазақстан Республикасының Еңбек министрлiгi: осы қаулыны орындау жөнiндегi жұмыстарды үйлестiрудi және бақылау орнатуды қамтамасыз етсiн, отандастардың қоныс аударуы жөнiндегi жұмыстардың барысы туралы ай сайын Қазақстан Республикасының Министрлер Кабинетiне хабарлап отыратын болсын; қоныс аударушыларды жұмыспен тиiмдi қамтуды қамтамасыз ету мақсатында олардың еңбекке жарамды отбасы мүшелерiн даярлау, қайта даярлау және бiлiктiлiгiн арттыру жөнiнде шаралар қолданатын болсын; Қазақстан Республикасының Министрлер Кабинетiне осы қаулының орындалуы жөнiнде тоқсан сайын ақпарат берiп отыратын болсын.

Қазақстан Республикасы Министрлер Кабинетiнiң 1993 жылғы 27 мамырдағы N 437 қаулысымен Бекiтiлген 1993 жылы көшiп келу квотасын облыстар бойынша Бөлу (отбасы) Монғо­лия Иран Ре­сей Тә­жікстан Өзбекстан Түр­кіменстан Барлы­ғы Ақ­мо­ла об­лы­сы 200 - 200 - - - 400 Ақ­тө­бе об­лы­сы 250 250 100 - 50 - 650 Ал­ма­ты об­лы­сы 100 250 50 50 50 - 500 Аты­рау об­лы­сы - 100 50 - 100 - 250 Шы­ғыс Қа­зақ­стан об­лы­сы 350 - 250 - - - 600 Жам­был об­лы­сы - 250 - 200 100 - 550 Жез­қаз­ған об­лы­сы 200 - 100 50 50 - 400 Ба­тыс Қа­зақ­стан об­лы­сы - 200 300 - - - 500 Қа­ра­ған­ды об­лы­сы 400 - 200 - - - 600 Қы­зы­лор­да об­лы­сы - 150 - - 50 50 250 Көк­ше­тау об­лы­сы 350 - 350 - - - 750 Қо­ста­най об­лы­сы 200 - 300 - - - 500 Маң­ғы­стау об­лы­сы - 300 - - - 750 1050 Пав­ло­дар об­лы­сы 200 - 400 - - - 600 Сол­тү­стік Қа­зақ­стан об­лы­сы 200 - 250 - - - 450 Се­мей об­лы­сы 200 - 150 - - - 350 Тал­дықор­ған об­лы­сы 200 250 50 - 50 - 550 Тор­ғай об­лы­сы 150 - 200 - - - 350 Оң­тү­стік Қа­зақ­стан об­лы­сы - 250 - 200 300 - 750 Жиы­ны 3000 2000 2950 500 750 800 10000