О внесении дополнений и изменений в Приказ Таможенного комитета Министерства государственных доходов от 15 февраля 2001 г. N 51 "Некоторые вопросы таможенного оформления товаров и транспортных средств" Күшін жойған

Мемлекеттік кіріс министрлігі Кеден комитетінің "Тауарлар мен көлік құралдарын кедендік ресімдеудің кейбір мәселелері" туралы 2001 жылғы 15 ақпандағы N 51 бұйрығына толықтырулар мен өзгерістер енгізу туралы "Қазақстан Республикасындағы кеден iсi туралы" Z952368_ Қазақстан Республикасының 1995 жылғы 20 шiлдедегi Заңына сәйкес, сондай-ақ Қазақстан Республикасы Президентiнің "Каспий құбыр желiсi Консорциумы туралы" 1997 жылғы 19 сәуiрдегi N 3464 U973464_ Жарлығын орындау үшiн БҰЙЫРАМЫН:

1. Қоса берiліп отырған Қазақстан Республикасының Мемлекеттiк кірiс министрлiгі Кеден комитетiнiң 2001 жылғы 15 ақпандағы Қазақстан Республикасының Әдiлет министрлiгiнде 2001 жылғы 30 мамырда N 1441  V011441_  болып тiркелген "Тауарлар мен көлiк құралдарын кедендiк ресiмдеудің кейбiр мәселелерi" туралы N 51 бұйрығымен бекiтiлген Қазақстан Республикасының кедендік шекарасы арқылы құбыр желiсi көлiгiмен және электр беру желiлерi бойынша тасымалданатын тауарларды кедендік ресiмдеудің ережесіне толықтырулар мен өзгерiстер бекiтілсiн:

2. Құқықтық қамтамасыз ету басқармасы (И.Ы. Аңсарова) осы бұйрықтың мемлекеттiк тiркелуiн қамтамасыз етсiн.

3. Баспасөз қызметі (Б. Омарәлиев) осы бұйрықтың бұқаралық ақпарат құралдарында жариялануын қамтамасыз етсін.

4. Осы бұйрық Қазақстан Республикасының Әділет министрлігінде мемлекеттік тіркелген күннен бастап күшіне енеді.

ҚР МКМ Кеден комитетінің 2001 жылғы 12 қазандағы N 355 бұйрығына қосымша Келісілген Қазақстан Республикасының Мемлекеттік кіріс министрі 16 қазан 2001 жыл ҚР МКМ Кеден комитетінің 2001 жылғы 12 қазандағы N 355 бұйрығымен бекітілген Қазақстан Республикасының кедендік шекарасы арқылы құбыр желісі көлігімен және электр беру желілері бойынша тасымалданатын тауарларды кедендік ресімдеудің ережесіне толықтырулар мен өзгерістер

1. 8-тармақ "тауарларды" деген сөзден кейiн "осы Ереженің 39-тармағында көзделген жағдайларды қоспағанда" деген сөздермен толықтырылсын;

2. 11-тармақ "декларант" деген сөзден кейiн "осы Ереженiң 39-тармағында көзделген жағдайларды қоспағанда" деген сөздермен толықтырылсын.

3. 14-тармақтың жетiншi абзацы "декларант" деген сөзден кейiн "осы Ереженің 39-тармағында көзделген жағдайларды қоспағанда" деген сөздермен толықтырылсын.

4. 18-тармақта:

1) бiрiншi абзацтағы "әкелiнгеннен кейiн" деген сөздерден кейiн "осы Ереженiң 40-тармағында көзделген жағдайларды қоспағанда" деген сөздермен толықтырылсын;

2) екiншi абзац алып тасталсын;

3) төртiншi абзац "толық" деген сөздің алдында "мұнай бойынша" деген сөздермен толықтырылсын.

5. Мынадай мазмұндағы 8-тараумен толықтырылсын:

"8. Қазақстан Республикасының кедендiк шекарасы арқылы Каспий құбыр желiсi Консорциумының құбыр желiлерiнiң арналы жүйесi бойынша тасымалданатын мұнайды кедендiк ресiмдеу.

38. Мұнайды кедендiк ресiмдеу Атырау облысы бойынша кеден басқармасының энергетикалық кеден бекетi қызметiнiң аумағында жүргiзiледi.

39. Үш күнтiзбелiк айдың iшiнде бiр шарт (келiсiм-шарт) бойынша тасымалданатын мұнай бiр топ ретiнде мәлiмденедi, ЖКД-ның 31-бағанына декларант айдың және жылдың атын көрсете отырып "...ішінде жеткізіледі" деген қосымша жазу жазады.

40. Толық жүктік кедендік декларацияны УЖКД-да мәлімделген мұнайды кедендік ресімдеуді жүргізетін кеден органына ұсыну мерзімі УЖКД-да көрсетілген Қазақстан Республикасының кедендік шекарасы арқылы мұнай тобын жеткізудің соңғы айы біткен күннен бастап үш айдан аспауы тиіс".