О внесении изменений в постановление акимата Павлодарского района 15 февраля 2006 года № 54/2 «О целевых группах населения района» Қолданыста

Аудан әкімдігінің 2006 жылғы 15 ақпандағы «Аудан халқының нысаналы топтары туралы» № 54/2 қаулысына өзгерістер енгізу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31 бабы 1 тармағы 13) тармақшасына және Қазақстан Республикасының 2001 жылғы 23 қаңтардағы «Халықты жұмыспен қамту туралы» Заңының 5 бабының 2 тармағына сәйкес, нысаналы топтардағы жұмыссыз азаматтардың жұмыспен қамтылуына жәрдем көрсету мақсатында аудан әкімдігі ҚАУЛЫ ЕТЕДІ:

1. Павлодар ауданы әділет басқармасында 2006 жылғы 22 ақпанда № 12-11-22 болып тіркелген, 2006 жылғы 2 наурыздағы № 9 (7557) «Нива» газетінде жарияланған аудан әкімдігінің 2006 жылғы 15 ақпандағы «Аудан халқының нысаналы топтары туралы» № 54/2 қаулысына мынадай өзгерістер енгізілсін: көрсетілген қаулының 2 қосымшасы осы қаулының қосымшасына сәйкес жаңа редакцияда жазылсын.

2. Осы қаулы ресми жарияланған күннен кейін он күнтізбелік күн өткеннен соң күшіне енеді.

3. Осы қаулының орындалуын бақылау аудан әкімінің орынбасары Р.Ш. Шәмкеноваға жүктелсін.

Павлодар ауданы әкімдігінің 2008 жылғы «02» сәуір № 125/4 «Аудан әкімдігінің 2006 жылғы 15 ақпандағы № 54/2 «Аудан халқының нысаналы топтары туралы» қаулысына өзгерістер енгізу туралы» қаулысына 2 қосымша Павлодар ауданы әкімдігінің 2006 жылғы «15» ақпан № 54/2 «Аудан халқының нысаналы топтары туралы» қаулысына 2 қосымша Әлеуметтік жұмыс орындарын ұсынатын жұмыс берушілерді ІРІКТЕУ ТӘРТІБІ

1. Әлеуметтік жұмыс орындарын ұсынатын кәсіпорындар: - Павлодар ауданы аумағында тіркеліп орналасуы; - төлем қабілеттілігі мен мемлекет алдында борышының жоқтығын, зейнеткерлік және әлеуметтік сақтандыру қорларына міндетті жарналарды аударуды қуаттау; - қызметкерлеріне еңбек ақыны уақытында төленетін қуаттау; - мемлекеттік қауіпсіздік шараларының сақталуын және еңбек қорғауды қамтамасыз ету.

2. Әлеуметтік жұмыс орындарын ұсынатын жұмыс берушілер әлеуметтік жұмыс орындарына жіберілген жұмыссыздарға, шарт мерзімі өткенше, мүмкіндігі бар жағдайда тұрақты жұмыс орындарын ұсынуы мүмкін.