О внесении изменения в постановление акимата Актюбинской области от 16 марта 2023 года № 67 «Об утверждении Правил применения поощрений государственных служащих местных исполнительных органов и исполнительных органов, финансируемых из местного бюджета Актюбинской области» Күшін жойған

«Ақтөбе облысының жергілікті атқарушы органдарының және жергілікті бюджеттен қаржыландырылатын атқарушы органдарының мемлекеттік қызметшілеріне көтермелеулерді қолдану қағидаларын бекіту туралы» Ақтөбе облысы әкімдігінің 2023 жылғы 16 наурыздағы № 67 қаулысына өзгеріс енгізу туралы Ақтөбе облысының әкімдігі ҚАУЛЫ ЕТЕДІ:

1. «Ақтөбе облысының жергілікті атқарушы органдарының және жергілікті бюджеттен қаржыландырылатын атқарушы органдарының мемлекеттік қызметшілеріне көтермелеулерді қолдану қағидаларын бекіту туралы» Ақтөбе облысы әкімдігінің 2023 жылғы 16 наурыздағы № 67 (Нормативтік құқықтық актілерді мемлекеттік тіркеу тізілімінде № 8316 тіркелген) қаулысына мынадай өзгеріс енгізілсін: көрсетілген қаулымен бекітілген Ақтөбе облысының жергілікті атқарушы органдарының және жергілікті бюджеттен қаржыландырылатын атқарушы органдарының мемлекеттік қызметшілеріне көтермелеулерді қолдану қағидаларында: 3-тармақ мынадай редакцияда жазылсын: «3. Бір рет ерекшеленгені үшін мемлекеттік қызметшіге 2-тармақта көрсетілген көтермелеу нысандарының біреуі ғана және нақты сіңірген еңбегі көрсетіле отырып бір рет қана қолданылуы мүмкін.».

2. «Ақтөбе облысы әкімінің аппараты» мемлекеттік мекемесі заңнамада белгіленген тәртіппен осы қаулыны Ақтөбе облысының Әділет департаментінде мемлекеттік тіркеуді қамтамасыз етсін.

3. Осы қаулының орындалуын бақылау Ақтөбе облысы әкімі аппаратының басшысына жүктелсін.

4. Осы қаулы оның алғашқы ресми жарияланған күнінен кейін қолданысқа енгізіледі.