О внесении изменений в Указ Президента Республики Казахстан от 17 августа 1998 года № 4021 Күшін жойған

Қазақстан Республикасы Президентінің 1998 жылғы 17 тамыздағы № 4021 Жарлығына өзгерістер енгізу туралы 📌 Ескерту. Күші жойылды - ҚР Президентінің 28.11.1999 № 271 Жарлығымен. "Қазақстан Республикасының мемлекеттік органдары жүйесін одан әрі оңтайландыру жөніндегі шаралар туралы" Қазақстан Республикасы Президентінің 1999 жылғы 22 қаңтардағы N 29 Жарлығына сәйкес қаулы етемін:

1. Қазақстан Республикасы Президентінің "Қазақстан Республикасының Стратегиялық жоспарлау және реформалар жөніндегі агенттігінің мәселелері" атты 1998 жылғы 17 тамыздағы N 4021 Жарлығына мынадай өзгерістер енгізілсін: 1-тармақтың 2) тармақшасындағы "85" саны "76" санымен алмастырылсын; аталған Жарлықтың 1 қосымшасында: 10-тармақ мынадай редакцияда жазылсын: "Агенттік Төрағасының орынбасары - департамент директоры болады, оны Төрағаның ұсынуы бойынша Қазақстан Республикасының Президенті қызметке тағайындайды және қызметінен босатады"; 11-тармақтың 2) тармақшасындағы "Атқарушы Директор" сөзі алынып тасталсын; 13-тармақ мынадай редакцияда жазылсын: "Агенттік Төрағасының орынбасары - департамент директоры Төраға орнында болмаған кезде, оның орнын басады, оған Агенттік Төрағасы жүктеген өзге де міндеттерді атқарады"; 14-тармақ мынадай редакцияда жазылсын: "Агенттікте Директорлар кеңесі құрылады, оның құрамына лауазымы бойынша Агенттік Төрағасы (Директорлар кеңесінің төрағасы), Төрағаның орынбасары - департамент директоры, департаменттер директорлары, сондай-ақ Агенттік Төрағасының шешімі бойынша Агенттіктің басқа жауапты қызметкерлері кіреді"; Аталған Жарлықтың 2 қосымшасында: "Әкімшілік - ақпарат департаменті" деген жол "Ұйымдық - ақпараттық жұмыс басқармасы" деген жолмен алмастырылсын.

2. Осы Жарлық қол қойылған күнінен бастап күшіне енеді.