О внесении изменений и дополнений в приказ Министра финансов Республики Казахстан от 17 ноября 2000 года N 487 "Об утверждении структуры специфики экономической классификации расходов бюджета Республики Казахстан" Күшін жойған

"Қазақстан Республикасы бюджет шығыстарының экономикалық сыныптамасы ерекшелiгiнiң құрылымын бекiту туралы" Қазақстан Республикасы Қаржы министрiнiң 2000 жылғы 17 қарашадағы N 487 Бұйрығына өзгерiстер мен толықтырулар енгiзу туралы " Қазақстан Республикасында зейнетақымен қамсыздандыру туралы " Қазақстан Республикасының 1997 жылғы 20 маусымдағы, " Қазақстан Республикасындағы сәулет, қала құрылысы және құрылыс қызметi туралы " Заңдарына және Қазақстан Республикасы Президентiнiң "Қазақстан Республикасының мемлекеттiк бюджет есебiнен қамтылған органдары қызметкерлерiне еңбекақы төлеудiң бiрыңғай жүйесi туралы" 2001 жылғы 25 наурыздағы N 575  Жарлығына  сәйкес БҰЙЫРАМЫН:

1. "Қазақстан Республикасы бюджет шығыстарының экономикалық сыныптамасы ерекшелiгiнiң құрылымын бекiту туралы" Қазақстан Республикасы Қаржы министрлiгiнiң 2000 жылғы 17 қарашадағы N 487  бұйрығына  мынадай өзгерiстер мен толықтырулар енгiзiлсiн: көрсетiлген бұйрықпен бекiтiлген Қазақстан Республикасының бюджет шығыстарының экономикалық сыныптамасы ерекшелiгiнiң құрылымында: 150 "Басқа да ағымдағы шығындар" сыныпшасында: 159 "Өзге де ағымдағы шығыстар" ерекшелiгi бойынша: "Шығындар тiзбесi" бағанындағы төртiншi абзацтан кейiн мынадай мазмұндағы абзацпен толықтырылсын: "мiндеттi зейнетақы жарналарын уақтылы төлемегенi үшiн өсiмақы"; 420 "Негiзгi капиталды құру" сыныпшасындағы: "Анықтама" бағанындағы бiрiншi сөйлем мынадай редакцияда жазылсын: "Осы сыныпшада қайта жаңарту мен күрделi жөндеуден басқа, құрылыс қызметiне (құрылыс) байланысты барлық шығындар көрсетiлген."; 421 "Үйлер мен ғимараттарды салу" ерекшелiгiнде: "Анықтама" бағаны мынадай редакцияда жазылсын: "Қайта жаңарту мен күрделi жөндеуден басқа, үйлер мен ғимараттарды салу шығындары, әскери мақсаттағы үйлер мен ғимараттарды салуға арналған шығындары 35-ерекшелiк бойынша сыныпталады."; 422 "Жолдар салу" ерекшелiгiнде: "Анықтама" бағанындағы "Жолдар" деген сөздiң алдынан "Күрделi жөндеуден басқа," деген сөздермен толықтырылсын; 430 "Күрделi жөндеу" сыныпшасында: "Анықтама" бағанында: бiрiншi және екiншi сөйлемдегi тиiсiнше есептелуiне қарай "күрделi жөндеуге", "күрделi жөндеумен", "күрделi жөндеу" деген сөздерден кейiн "және қайта жаңартуға", "және қайта жаңартумен", "және қайта жаңарту" деген сөздермен толықтырылсын; 431 "Үйлердi, ғимараттарды күрделi жөндеу" ерекшелiгi бойынша: "Анықтама" бағаны мынадай редакцияда жазылсын: "Yйлердi, ғимараттарды, сумен жабдықтау жүйелерi мен желiлердi, кәрiздi, электрмен қамтамасыз ету күрделi жөндеуге және қалпына келтiруге байланысты шығындар."; 432 "Жолдарды күрделi жөндеу" ерекшелiгi бойынша: "Анықтама" бағанында: бiрiншi сөйлемдегi "қайта құруға" деген сөздер және екiншi сөйлем алынып тасталсын:; 460 "Ел iшiндегi күрделi трансферттер" сыныпшасында: "Анықтама" бағанындағы екiншi сөйлемдегi "активтер" деген сөзден кейiн ", құрылыс қызметiн" деген сөздермен толықтырылсын; 461 "Заңды тұлғаларға берiлетiн күрделi трансферттер" ерекшелiгi бойынша: "Анықтама" бағанында: бiрiншi сөйлемдегi "құрылыстары" деген сөз "құрылыс қызметiн" деген сөздермен ауыстырылсын.

2. Заң қызметi департаментi (Н.А.Қалиева) және Мемлекеттiк бюджет департаментi (Б.Сұлтанов) осы бұйрықтың Қазақстан Республикасы Әдiлет министрлiгiнде мемлекеттiк тiркелуiн қамтамасыз етсiн.

3. Осы бұйрық Қазақстан Республикасының Әдiлет министрлiгiнде мемлекеттiк тiркелген күнiнен бастап күшiне енедi және 2001 жылға арналған есептiк кезеңде жүзеге асырылатын операцияларды қоспағанда, 2002 жылдың 1 қаңтарынан бастап туындаған қатынастарға қолданылады. Қаржы министрінің міндетін атқарушы