О внесении изменений в приказ Министра образования и науки Республики… — 11.08.2026

Басқа 0

"Отбасылық үлгідегі балалар ауылы мен жасөспiрiмдер үйлерiнiң қызметiн реттейтiн нормативтiк-құқықтық кесімдерді бекiту туралы" Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына өзгерістер енгізу туралы «Қазақстан Республикасының кейбір заңнамалық актілеріне отбасы үлгісіндегі балалар ауылы және жасөспірімдер үйлері мәселелері бойынша өзгерістер мен толықтырулар енгізу туралы» Қазақстан Республикасының 2011 жылғы 26 желтоқсандағы Заңын іске асыру мақсатында БҰЙЫРАМЫН:

Тармақ 1

1. «Отбасылық үлгідегі балалар ауылы мен жасөспiрiмдер үйлерiнiң қызметiн реттейтiн нормативтiк-құқықтық кесімдерді бекiту туралы» Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына (бұдан әрі – бұйрық) (Нормативтік құқықтық актілерді мемлекеттік тіркеу тізілімінде № 1629 болып тіркелген) мынадай өзгерістер енгізілсін: Бұйрықтың кіріспесі жаңа редакцияда жазылсын: «Отбасы үлгiсiндегi балалар ауылы және жасөспiрiмдер үйлерi туралы» Қазақстан Республикасының 2000 жылғы 13 желтоқсандағы Заңын іске асыру мақсатында БҰЙЫРАМЫН:» бұйрықтың 1-тармағы жаңа редакцияда жазылсын: «1. Отбасылық үлгiдегi балалар ауылы мен жасөспiрiмдер үйлерiнiң қызметiн реттейтiн нормативтiк-құқықтық кесiмдер: 1) Балалар ауылының әкімшілігі туралы ереже осы бұйрыққа 1-қосымшаға сәйкес; 2) Тәрбиеші аналардың біліктілік санаттары осы бұйрыққа 2-қосымшаға сәйкес; 3) Балалар ауылындағы отбасында балаларды күтіп-бағуды және тәрбиелеуді жүзеге асыатын тәрбиеші аналарды конкурстық іріктеуді жүргізу тәртібі осы бұйрыққа 3-қосымшаға сәйкес; 4) Балаларды балалар ауылының отбасына беру туралы үлгі шарт осы бұйрыққа 4-қосымшаға сәйкес; 5) Балалар ауылы, балалар үйі және жетім балалар мен ата-анасының қамқорлығынсыз қалған балаларға арналған мектеп-интернат пен тәрбиеленуші (бітіруші) арасында жасалған Жасөспірімдер үйінде күтіп-бағу туралы үлгі шарт осы бұйрыққа 5-қосымшаға сәйкес бекітілсін.».

Тармақ 2

2. Қазақстан Республикасы Білім және ғылым министрлігінің Балалардың құқықтарын қорғау комитеті (Р.П. Шер) белгіленген тәртіппен:

Тармақша 1

1) Қазақстан Республикасы Әдiлет министрлiгiнде мемлекеттiк тiркеуді;

Тармақша 2

2) бұқаралық ақпарат құралдарында ресми жариялауды қамтамасыз етсін.

Тармақ 3

3. Осы бұйрықтың орындалуын бақылау Қазақстан Республикасының Білім және ғылым вице-министрі М.Н. Сарыбековке жүктелсiн.

Тармақ 4

4. Осы бұйрық алғашқы ресми жарияланған күнінен бастап қолданысқа енгізіледі.

Басқа 1. Отбасылық үлгiдегi балалар ауылының әкiмшiлiгi туралы ереже

Қазақстан Республикасы Білім және ғылым министрінің 2012 жылғы 27 наурыздағы № 121 бұйрығына 1-қосымша Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына 1-қосымша Отбасылық үлгiдегi балалар ауылының әкiмшiлiгi туралы ереже

Тарау 1. 1. Жалпы ережелер

1. Жалпы ережелер

Тармақ 1

1. Осы Ереже «Отбасы үлгiсiндегi балалар ауылы және жасөспiрiмдер үйлерi туралы» Қазақстан Республикасы Заңының 13-бабының 3-тармағына сәйкес әзірленген және Балалар ауылы әкiмшiлiгiнiң (бұдан әрi – Әкiмшiлiк) мәртебесін және функцияларын айқындайды.

Тармақ 2

2. Әкiмшiлiк балалар ауылының қызметін басқаруды жүзеге асыратын орган болып табылады және өз қызметiнде Қазақстан Республикасының Конституциясын, «Неке (ерлі-зайыптылық) және отбасы туралы» Қазақстан Республикасының Кодексін, «Отбасы үлгiсiндегi балалар ауылы және жасөспiрiмдер үйлерi туралы» Қазақстан Республикасының Заңын, Балалар ауылының жарғысын (бұдан әрi – Жарғы) және осы Ереженi басшылыққа алады.

Тармақ 3

3. Әкiмшiлiктi балалар ауылының құрылтайшысы тағайындайды.

Тармақ 4

4. Әкiмшiлiк балалар ауылының қызметін балалардың мүддесiне орай ұйымдастырады және оны әлеуметтік қорғауға, әлеуметтік бейімдеуге бағыттайды.

Тарау 2. 2. Әкiмшiлiктiң функциялары

2. Әкiмшiлiктiң функциялары

Тармақ 5

5. Әкiмшiлiктiң функциялары:

Тармақша 1

1) балалар ауылының қызмет етуі үшiн қалыпты жағдайлар жасау және материалдық-техникалық базасын қамтамасыз ету;

Тармақша 2

2) тәрбие процесiне басшылық ету, білім алуына бақылау жасау;

Тармақша 3

3) балалар ауылының инфрақұрылымын жетiлдіру;

Тармақша 4

4) балалар ауылына түсетін қаражатты материалдық қамтамасыз ету нормаларына сәйкес тәрбиеші аналар арасында бөлу;

Тармақша 5

5) тәрбиеші аналардың ай сайынғы қаржы есептерін қабылдау және талдау.

Тармақ 6

6. Әкiмшiлiк тәрбиеленушi балалардың заңды өкiлi, олардың құқықтары мен мүдделерiн қорғаушы болып табылады.

Тармақ 7

7. Әкiмшiлiк қорғаншылық және қамқоршылық органға тәрбиеленушi денсаулығының жағдайы туралы, оны тәрбиелеу жөнiндегi жұмысы туралы, сондай-ақ тәрбиеленушiнiң мүлкiн басқару бойынша жыл сайын есеп бередi.

Тармақ 8

8. Әкімшілік мүлікті басқаруды «Неке (ерлі-зайыптылық) және отбасы туралы» Қазақстан Республикасының Кодексіне және «Отбасы үлгiсiндегi балалар ауылы және жасөспiрiмдер үйлерi туралы» Қазақстан Республикасының Заңына сәйкес жүзеге асырады. Әкiмшiлiк мүлікті жалға (жалдауға беру) бойынша мәмiлелерден түскен табыстарды тәрбиеленушiнiң банктегi есепшотына аударады. Тәрбиеленушіні ата-анасына қайтарған кезде немесе балалар ауылынан шыққаннан кейін тәрбиеленушінің мүлкі мен құжаттары нотариалды расталған қолхатпен ата-анасына немесе тәрбиеленушінің өзіне беріледі.

Тармақ 9

9. Ата-аналар мен басқа жақын туысқандарының тәрбиеленушілермен байланысқа түсуі әкiмшiлiктiң келiсiмiмен жүзеге асырылады. Әкiмшiлiк тәрбиеленушiлердiң ата-аналарымен байланысына және олармен қосылуына олардың ата-аналық құқықтары қалпына келтірілген, бас бостандығынан айыру орындарынан босатылған жағдайда және мұндай байланыстар бала мүдделеріне қайшы келмейтін өзге де жағдайларда кедергi жасамайды. Әкiмшiлiк тәрбиеленушiнің басқа жақын туыстарымен байланысқа түсуіне (тегi бiр және жартылай тектi аға-iнiлерi мен апа-сiңлiлерi, қарындастарымен, аталарымен, әжелерiмен), егер мұндай байланыс бала мүдделеріне жауап бермеген жағдайларды қоспағанда кедергi жасамайды.

Тармақ 10

10. Әкiмшiлiктiң басшысы құрылтайшы лауазымға тағайындайтын және лауазымнан босататын директор болып табылады және ол мынадай функцияларды жүзеге асырады:

Тармақша 1

1) барлық ұйымдарда отбасы үлгісіндегі балалар ауылының мүддесiн білдіреді;

Тармақша 2

2) еңбекті қорғау, қауіпсіздік техникасы, санитарлық және өртке қарсы ережелері, балалардың өмірі мен денсаулығын қорғау талаптарының орындалуын қамтамасыз етедi;

Тармақша 3

3) тәрбиеленушiлердің шығуын және орналасуын ұйымдастырады, олардың адамгершілік-рухани, дене тәрбиесіне және материалдық қамтамасыз етілуіне қамқорлық көрсетедi;

Тармақша 4

4) балалар ауылы тәрбиеші аналарының және қызметкерлерінің кәсіптік шеберлігін арттыру мен шығармашылық өсуi үшiн жағдайлар жасайды;

Тармақша 5

5) шарттар жасасады;

Тармақша 6

6) сенiмхаттар бередi;

Тармақша 7

7) банк есеп шоттарын ашады;

Тармақша 8

8) барлық қызметкерлер үшiн мiндеттi бұйрықтар шығарады және нұсқаулар береді;

Тармақша 9

9) жеке еңбек шарты бойынша қызметкерлердi жұмысқа қабылдайды және оларды босатады;

Тармақша 10

10) мекемелердiң қызметкерлерiне марапаттау шараларын қабылдайды және тәртiптік жазаларға тартады;

Тармақша 11

11) осы Ережемен және Жарғымен жүктелген өзге де функцияларды жүзеге асырады.

Басқа 2. Тәрбиеші аналардың бiлiктiлiк санаттары

Қазақстан Республикасы Білім және ғылым министрінің 2012 жылғы 27 наурыздағы № 121 бұйрығына 2-қосымша Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына 2-қосымша Тәрбиеші аналардың бiлiктiлiк санаттары

Тармақ 1

1. Осы Тәрбиеші аналардың бiлiктiлiк санаттары «Отбасы үлгiсiндегi балалар ауылы және жасөспiрiмдер үйлерi туралы» Қазақстан Республикасының Заңының 14-бабының 2-тармағына сәйкес әзірленген және Тәрбиеші аналардың бiлiктiлiк санаттарын белгілейді.

Тармақ 2

2. Тәрбиеші аналарға талаптар Заңның 14-бабына сәйкес айқындалады.

Тармақ 3

3. Тәрбиешi ана өз қызметiнде Бала құқықтары туралы БҰҰ Конвенциясын (1994 жыл), Қазақстан Республикасының Конституциясын, «Білім туралы» Қазақстан Республикасының Заңын және білім беру және балалардың құқықтарын қорғау саласындағы нормативтiк құқықтық кесiмдерді, оқыту мен тәрбиелеу жөніндегі әдiстемелiк ұсынымдарды басшылыққа алады.

Тармақ 3

3. Тәрбиешi ана педагогика, психология, жас ерекшелік физиологиясы мен гигиенасы, дәрiгерге дейiнгi медициналық көмек көрсету, тәрбие жұмысының теориясы мен әдiстемесі, мемлекеттiк жастар саясатының негiздері, азаматтық және еңбек заңнамалары бойынша білімдерді меңгеруі қажет.

Тармақ 4

4. Мынадай санаттар белгiленедi:

Тармақша 1

1) екiншi санаттағы тәрбиешi-ана (орта (техникалық және кәсіптік) білімі және тәрбиеші ана лауазымында 3 жылға дейін жұмыс өтілі болуы қажет);

Тармақша 2

2) бірінші санаттағы тәрбиешi-ана (орта білімнен кейінгі білімі және тәрбиеші ана лауазымында 3 жылдан кем емес жұмыс өтілі болуы қажет);

Тармақша 3

3) жоғарғы санаттағы тәрбиешi-ана (жоғары білімі және тәрбиеші ана лауазымында 5 жылдан кем емес жұмыс өтілі болуы қажет).

Басқа 3. Балалар ауылындағы отбасында балаларды күтіп-бағуды және тәрбиелеуді жүзеге асыратын тәрбиеші аналарды конкурстық іріктеуді жүргізу тәртібі

Қазақстан Республикасы Білім және ғылым министрінің 2012 жылғы 27 наурыздағы № 121 бұйрығына 3-қосымша Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына 3-қосымша Балалар ауылындағы отбасында балаларды күтіп-бағуды және тәрбиелеуді жүзеге асыратын тәрбиеші аналарды конкурстық іріктеуді жүргізу тәртібі

Тармақ 1

1. Осы Ереже «Отбасылық үлгiдегi балалар ауылы және жасөспiрiмдер үйлері туралы» Қазақстан Республикасы Заңының 11-бабының 2-тармағына сәйкес әзірленген және балалар ауылының отбасында балаларды күтіп-бағуды және тәрбиелеуді жүзеге асыратын тәрбиеші ананы конкурстық іріктеу жүргізу тәртiбiн айқындайды.

Тармақ 2

2. Тәрбиешi ананы конкурстық іріктеуді конкурстық комиссия мына құрамда өткiзедi:

Тармақша 1

1) балалар ауылы орналасқан жер бойынша қорғаншылық және қамқоршылық органының өкiлi;

Тармақша 2

2) облыстық бiлiм беру басқармасының (департаментiнiң) өкiлi;

Тармақша 3

3) облыстық денсаулық сақтау басқармасының (департаментiнiң) өкiлi;

Тармақша 4

4) Балалар ауылы әкiмшiлiгiнiң өкiлi. Конкурстық комиссияның жұмыс органы Балалар ауылының әкiмшiлiгi болып табылады.

Тармақ 3

3. Конкурстық комиссия конкурс өткізуге бiр ай қалғанда бұқаралық ақпарат құралдарында конкурс өткiзу туралы хабарландыру жариялайды.

Тармақ 4

4. Конкурсқа жасы жиырма жетіге толған, жоғары, орта білімнен кейінгі немесе орта (техникалық және кәсіптік) білімі бар, некеде тұрмайтын және өзінің туған немесе асырап алған кәмелетке толмаған балалары жоқ Қазақстан Республикасының азаматтары жiберiледi.

Тармақ 5

5. Конкурсқа қатысуға мыналар:

Тармақша 1

1) сотпен әрекетке қабiлетсiз немесе шектеулі қабілетті деп танылған адамдар;

Тармақша 2

2) сот бойынша ата-ана құқықтарынан айырылған немесе ата-ана құқықтары сотпен шектелген адамдар;

Тармақша 3

3) заңмен жүктелген мiндеттердi тиісінше орындамағаны үшін қорғаншы және қамқоршы міндеттерінен босатылған адамдар;

Тармақша 4

4) егер бала асырап алу олардың кiнәсi жойылса, бұрынғы бала асырап алушылар;

Тармақша 5

5) соттылығы бар адамдар;

Тармақша 6

6) денсаулығына байланысты бала тәрбиесi жөнiндегi мiндеттердi жүзеге асыра алмайтын адамдар жіберілмейді.

Тармақ 6

6. Конкурсқа қатысуға тiлек бiлдiрген адамдар конкурстық комиссияға мына құжаттарды тапсырады:

Тармақша 1

1) өтiнiш (еркін нысанда);

Тармақша 2

2) кадрларды есепке алу бойынша жеке парақ;

Тармақша 3

3) нотариалды расталған бiлiмі туралы құжаттың көшiрмесi;

Тармақша 4

4) нотариалды расталған еңбек кiтапшасының көшiрмесi;

Тармақша 5

5) сотталмағандығы туралы анықтама;

Тармақша 6

6) денсаулық жағдайы, оның ішінде психикалық саулығы туралы, есірткіге (уытқұмарлыққа), алкогольге тәуелді еместігі туралы анықтама;

Тармақша 7

7) 3х4 көлемiндегi бір фотосурет.

Тармақ 7

7. Конкурс конкурсқа қатысуға өтiнiш берген адамдармен сұхбат түрiнде өткiзiледi.

Тармақ 8

8. Конкурс жеңiмпазы конкурстық комиссияның шешiмiмен тәрбиеші ана лауазымына тағайындауға ұсынылады. Конкурстық комиссиясының ұсынымдарына сәйкес тәрбиеші ана лауазымға Балалар ауылының әкiмшiлiгi басшысының бұйрығымен тағайындалады. Тәрбиеші ана лауазымына тағайындалғаннан кейін онымен жеке еңбек шарты жасалады.

Тармақ 9

9. Конкурсқа қатысқан және iрiктеуден өтпеген тәрбиеші анаға үмiткерлерді конкурстық комиссия олардың келiсiмi бойынша резервке тiркеуге ұсынады.

Тармақ 10

10. Резервке тiркеудi қорғаншылық және қамқоршылық органы жүзеге асырады. Резервтегі тәрбиешi-аналардың тiзiмi Балалар ауылының әкiмшiлiгiне берiледi. Тәрбиеші ананың бастамасы бойынша балаларды балалар ауылының отбасына беру туралы шарт мерзімінен бұрын бұзылған жағдайда резервтегi тәрбиеші ананы отбасының тәрбиешi анасы лауазымын атқаруға тартуды Балалар ауылының әкімшілігі қорғаншылық және қамқоршылық органының келiсiмi бойынша және онымен жеке еңбек шартын жасай отырып жүзеге асырады.

Басқа 4. Балаларды балалар ауылының отбасына беру туралы үлгі шарт

Қазақстан Республикасы Білім және ғылым министрінің 2012 жылғы 27 наурыздағы № 121 бұйрығына 4-қосымша Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына 4-қосымша Балаларды балалар ауылының отбасына беру туралы үлгі шарт _________________________ 20__ ж. «___»_____________ (қала, ауыл) Осы шарт бұдан әрі «Орган» деп аталатын және Қазақстан Республикасы Үкiметiнiң 2012 жылғы 30 наурыздағы № 382 қаулысымен бекiтiлген Мемлекеттің қорғаншылық және қамқоршылық жөніндегі функцияларын жүзеге асыру қағидаларының негізінде әрекет ететін _____________________________________________________________________ (облыстың, республикалық маңызы бар қаланың, астананың) әкімі жанындағы қорғаншылық және қамқоршылық органы атынан _____________________________________________________________________ (Т.А.Ә.) бір жағынан және бұдан әрі «Әкімшілік» деп аталатын және Жарғы негізінде әрекет ететін « ________________________ » балалар ауылы (атауы) (балалар үйі, жетім балалар мен ата-анасының қамқорлығынсыз қалған балаларға арналған мектеп-интернат) әкімшілігінің директоры _____________________________________________________________________ (Т.А.Ә.) екінші жағынан және бұдан әрі «тәрбиеші ана» деп аталатын Қазақстан Республикасының азаматы _____________________________________________ _____________________________________________________________________ (тегі, аты, әкесiнiң аты, жеке куәлігінің №, кім және қашан берді) төмендегі туралы осы шартты жасасты:

Тарау 1. 1. Тәрбиелеу, білім алу және күтіп-бағу жағдайлары

1. Тәрбиелеу, білім алу және күтіп-бағу жағдайлары

Тармақ 1.1

1.1. Орган тәрбиеші ананың отбасына баланы ____________________ ____________________________________________________________________, (Т.А.Ә.) (туған күні, айы, жылы) тәрбиеге бередi, ал тәрбиешi ана тәрбиеленушінің тұруы, тәрбиеленуі және білім алуы, сондай-ақ дене, психикалық, адамгершілік-рухани дамуы, оның әлеуметтік бейімделуі үшін қажетті тұрғын үй-тұрмыстық жағдайлар жасауға міндеттенеді.

Тармақ 1.2

1.2. Бала тәрбиешi ананың тәрбиесiне кәмелет жасқа толған мерзiмге дейiн беріледi.

Тармақ 1.3

1.3. Он жасқа толған бала отбасына тәрбиелеуге осы Шарттың ажырамас бөлiгi болып табылатын оның жазбаша келiсiмімен берiледi.

Тармақ 1.4

1.4. Баланы отбасына тәрбиелеуге беру Әкімшілік директорының бұйрығымен рәсiмделедi.

Тарау 2. 2. Әкімшіліктің және тәрбиеші ананың құқықтары

2. Әкімшіліктің және тәрбиеші ананың құқықтары

Тармақ 2.1

2.1. Әкімшілік:

Тармақ 2.1.1

2.1.1. оқыту мен тәрбиелеу нысандарын және әдістерін ұсынуға;

Тармақ 2.1.2

2.1.2. баланың Балалар ауылында тұру қағидаларын орындауды талап етуге және бақылау жасауға;

Тармақ 2.1.3

2.1.3. баланың келісімімен оны балалар ауылын абаттандыру жөніндегі жұмыстарды ұйымдастыруға тартуға құқылы.

Тармақ 2.2

2.2. Тәрбиеші ана:

Тармақ 2.2.1

2.2.1. балаларды тәрбиелеу тәсілдерін оның пікірін, балалар ауылы әкімшілігінің пікірін және орган ұсынымдарын ескере отырып анықтауға;

Тармақ 2.2.2

2.2.2. білім беру ұйымдарын және оқыту нысандарын таңдауға құқылы.

Тарау 3. 3. Органның, әкімшіліктің және тәрбиеші ананың міндеттері

3. Органның, әкімшіліктің және тәрбиеші ананың міндеттері

Тармақ 3.1

3.1. Орган:

Тармақ 3.1.1

3.1.1. баланың күтіп-бағылуына және тәрбиеленуіне, денсаулық жағдайына, мүлкін басқаруға бақылауды жүзеге асыруға;

Тармақ 3.1.2

3.1.2. психологиялық-медициналық-педагогикалық мәселелер бойынша тәрбиеші аналарға консультациялар беруге;

Тармақ 3.1.3

3.1.3. Әкімшілікке мынадай құжаттарды:

Тармақ 3.1.4

3.1.4. туу туралы куәлiкті;

Тармақ 3.1.5

3.1.5. денсаулық жағдайы туралы медициналық анықтаманы және баланың сырқаттануы тарихынан үзінді-көшірмені;

Тармақ 3.1.6

3.1.6. баланың денсаулық жағдайы және жүктілігінің өтуі туралы анықтаманы (баланы сәбилер үйінен берген жағдайда);

Тармақ 3.1.7

3.1.7. бiлiмi туралы құжатты (мектеп жасындағы балалар үшін);

Тармақ 3.1.8

3.1.8. ата-аналары туралы құжатты (ата-анасының болмауын немесе олардың өз балаларын тәрбиелеудің мүмкін еместігін растайтын қайтыс болуы туралы куәліктің, сот үкімінің немесе шешімінің, ата-анасының сырқаттануы, iздестiрiлуi туралы анықтаманың және басқа да құжаттардың көшірмесін);

Тармақ 3.1.9

3.1.9. аға-iнiлерiнің және апа-сiңлiлерiнің болуы және тұратын жерлерi туралы ақпаратты;

Тармақ 3.1.10

3.1.10. балаға тиесілі мүліктің тізімдемесін және оның сақталуына жауапты адамдар туралы мәліметтерді;

Тармақ 3.1.11

3.1.11. иелікте бұрын болған тұрғын үй-жайдың кәмелетке толмағандарға бекітілгені туралы құжаттарды және балаға және оның ата-аналарына жылжымайтын мүлікке және онымен жасалған мәмілелерге құқықтарының мемлекеттік тіркелгені туралы әділет органдарының мәліметтерін;

Тармақ 3.1.12

3.1.12. алименттердi өндiрiп алу туралы сот шешiмiнiң көшiрмесiн, сондай-ақ жәрдемақыға, зейнетақыға және басқа да әлеуметтiк төлемдерге құқығын растайтын құжаттарды;

Тармақ 3.1.13

3.1.13. банк мекемесiнде баланың атына ашылған есепшоттың болуы туралы құжаттардың көшірмелерін;

Тармақ 3.1.14

3.1.14. өзге де құжаттарды тапсыруға;

Тармақ 3.1.15

3.1.15. тәрбиеленуші балалардың білім алуына және тәрбиеленуіне, емдеу-профилактикалық және психологиялық-диагностикалық жұмыста әдістемелік көмек көрсетуге міндетті.

Тармақ 3.2

3.2. Әкімшілік:

Тармақ 3.2.1

3.2.1. тәрбиеленушінің денсаулық жағдайы туралы, оны тәрбиелеу бойынша жұмысы, сондай-ақ тәрбиеленушінің мүлкін басқару туралы есептерді органға жылына кемінде бір рет ұсынуға;

Тармақ 3.2.2

3.2.2. Қазақстан Республикасының Үкіметімен көзделген жағдайларда белгіленген нормалар бойынша тамақтандырумен, киім-кешекпен, аяқ киіммен, жұмсақ мүкәммалмен қамтамасыз етуге;

Тармақ 3.2.3

3.2.3. санитарлық-гигиеналық нормаларға сай келетін және тұруға жарамды тұрғын үй-жай (бөлме) бөлуге;

Тармақ 3.2.4

3.2.4. егер тәрбиеленуші білім беру мекемесінде білім алған жағдайда, білім алу үшін тиісті жағдайлар жасауға;

Тармақ 3.2.5

3.2.5. қажетті тұрмыстық жағдайлармен (тамақ даярлау мен оны қабылдауға арналған бөлме, жеке заттарды сақтауға арналған орын, кір жуатын, санитариялық торап, жуыну бөлмесі және т.б.) қамтамасыз етуге;

Тармақ 3.2.6

3.2.6. заңды мүдделері мен құқықтарын қамтамасыз етуге;

Тармақ 3.2.7

3.2.7. тәрбиеленушінің (бітірушінің) әлеуметтік бейімделуіне ықпал ететін іс-шараларды ұйымдастыруға және өткізуге, жеке қабілеттерінің дамуына, дене, зияткерлік, рухани және адамгершілік жағынан дамуына, отансүйгіштік пен азаматшылдық сезімдерінің даруына ықпал етуге;

Тармақ 3.2.8

3.2.8. еңбекке орналастыру бойынша шаралар қабылдауға;

Тармақ 3.2.9

3.2.9. бос уақытын ұйымдастыруға шаралар қабылдауға міндетті.

Тармақ 3.3

3.3. Тәрбиеші ана:

Тармақ 3.3.1

3.3.1. балалардың бастауыш, негізгі орта және жалпы орта білім алуы үшін жағдайлар жасауды қамтамасыз етуге;

Тармақ 3.3.2

3.3.2. өзіне берілген құжаттар көшірмелерінің сақталуын қамтамасыз етуге;

Тармақ 3.3.3

3.3.3. баланы тәрбиелеуге, «Неке (ерлі-зайыптылық) және отбасы туралы» Қазақстан Республикасының Кодексіне сәйкес оның денсаулығына, дене, психикалық, адамгершілік және рухани дамуына қамқорлық жасауға;

Тармақ 3.3.4

3.3.4. өзіне жүктелген, оның ішінде отбасында үй ахуалын құру бойынша міндеттерін адал орындауға міндетті.

Тарау 4. 4. Шартты мерзiмiнен бұрын бұзу

4. Шартты мерзiмiнен бұрын бұзу

Тармақ 4.1

4.1. Балаларды балалар ауылының отбасына беру туралы шарт мынадай:

Тармақ 4.1.1

4.1.1. дәлелдi себептері болған (сырқаттану, отбасылық жағдайы өзгергенде және өз міндеттерін орындау мүмкін болмайтын өзге жағдайларда) тәрбиеші ананың бастамасы бойынша;

Тармақ 4.1.2

4.1.2. тәрбиешi ананың өзіне жүктелген мiндеттерді орындаудан бас тартқан, өз құқықтарын теріс пайдаланған, балаларға қатыгездiкпен қараған, оның iшiнде оларға дене немесе психикалық зорлық-зомбылық жасаған және балалардың күтіп-бағылуы, тәрбиеленуі және білім алуы үшін келеңсіз жағдайлар туындаған өзге ге жағдайларда қорғаншылық және қамқоршылық органының және (немесе) балалар ауылы әкімшілігінің бастамасы бойынша;

Тармақ 4.1.3

4.1.3. баланы (балаларды) ата-аналарына немесе олардың асырап алушыларына қайтарған, сондай-ақ баланы (балалардың) қорғаншылыққа (қамқоршылыққа), патронаттық тәрбиеге берген;

Тармақ 4.1.4

4.1.4. шарт талаптарын бұзған жағдайларда мерзімінен бұрын жүзеге асырылуы мүмкін.

Тарау 5. 5. Шартты жоюдың негіздері және салдары

5. Шартты жоюдың негіздері және салдары

Тармақ 5.1

5.1. Балаларды балалар ауылының отбасына беру туралы шарт мынадай:

Тармақ 5.1.1

5.1.1. тәрбиеленушілер кәмелет жасқа толған жағдайда;

Тармақ 5.1.2

5.1.2. он жасқа толған баланың (балалардың) келісімі болмаған жағдайда;

Тармақ 5.1.3

5.1.3. балалар ауылының тәртібін бірнеше рет бұзған, алкогольді, есірткіні, есеңгірететін өзге заттарды қолдану фактілері анықталған, балалар ауылындағы балаға (балаларға) қатысты жыныстық сипаттағы әдепсіз әрекеттерді жасаған жағдайларда жойылады.

Тарау 6. 6. Тараптардың жауапкершілігі

6. Тараптардың жауапкершілігі

Тармақ 6.1

6.1. Тараптар осы шарттың шараларын бұзғаны үшін Қазақстан Республикасының заңнамасына сәйкес жауапты болады.

Тармақ 6.2

6.2. Осы шарт мемлекеттік және орыс тілдерінде үш данада жасалды: тараптардың әрқайсысына бір-біреуден. Қорғаншылық және қамқоршылық Әкімшілік директоры органы ______________________________ ______________________________ (Т.А.Ә. қолы) (Т.А.Ә. қолы) Тараптардың заңды мекенжайы: ______________________________ ______________________________ М.О. М.О. Тәрбиеші ана __________________________ (Т.А.Ә. қолы)

Басқа 5. Балалар ауылы, балалар үйі және жетім балалар мен ата-анасының қамқорлығынсыз қалған балаларға арналған мектеп-интернат пен тәрбиеленуші (бітіруші) арасында жасалған Жасөспірімдер үйінде күтіп-бағу туралы үлгі шарт

Қазақстан Республикасы Білім және ғылым министрінің 2012 жылғы 27 наурыздағы № 121 бұйрығына 5-қосымша Қазақстан Республикасы Білім және ғылым министрінің 2001 жылғы 18 шілдедегі № 583 бұйрығына 5-қосымша Балалар ауылы, балалар үйі және жетім балалар мен ата-анасының қамқорлығынсыз қалған балаларға арналған мектеп-интернат пен тәрбиеленуші (бітіруші) арасында жасалған Жасөспірімдер үйінде күтіп-бағу туралы үлгі шарт _____________________ 20__ ж. «__» ________________ (қала, ауыл) Бұдан әрi «Әкiмшiлiк» деп аталатын, Жарғы негiзiнде «_____________________» балалар ауылы (балалар үйi, жетім балалар мен (атауы) ата-анасының қамқорлығынсыз қалған балаларға арналған мектеп-интернат) атынан әрекет ететiн әкiмшілiгiнің директоры __________________________________________________ бір жағынан және (Т.А.Ә.) бұдан әрі «Жасөспірімдер үйінің директоры» деп аталатын, Жарғы негізінде «________________________» Жасөспірімдер үйі әкiмшілiгiнің атынан әрекет ететін директор _______________________________________ (Т.А.Ә.) бір жағынан және бұдан әрі «тәрбиеленуші (бітіруші)» деп аталатын тәрбиеленуші (бітіруші) __________________________________ екінші (Т.А.Ә.) жағынан төмендегі туралы осы Шартты жасасты:

Тарау 1. 1. Шарттың мәні

1. Шарттың мәні

Тармақ 1.1

1.1. Әкiмшiлiк тәрбиеленушіге (бітірушіге) жасы жиырма үшке толғанға дейiн Жасөспiрiмдер үйінде жабдықталған тұрғын үй-жай (бөлме) бередi және оның әлеуметтік бейімделуі бойынша шараларды қамтамасыз етедi.

Тарау 2. 2. Тараптардың құқықтары мен міндеттері

2. Тараптардың құқықтары мен міндеттері

Тармақ 2.1

2.1. Жасөспірімдер үйінің әкiмшiлiгі:

Тармақ 2.1.1

2.1.1. санитарлық-гигиеналық нормаларға сай келетін және тұруға жарамды тұрғын үй-жай (бөлме) бөлуге;

Тармақ 2.1.2

2.1.2. егер тәрбиеленуші білім беру мекемесінде білім алған жағдайда, білім алу үшін тиісті жағдайлар жасауға;

Тармақ 2.1.3

2.1.3. қажетті тұрмыстық жағдайлармен (тамақ даярлау мен оны қабылдауға арналған бөлме, жеке заттарды сақтауға арналған орын, кір жуатын, санитариялық торап, жуыну бөлмесі және т.б.) қамтамасыз етуге;

Тармақ 2.1.4

2.1.4. заңды мүдделері мен құқықтарын қамтамасыз етуге;

Тармақ 2.1.5

2.1.5. тәрбиеленушінің (бітірушінің) әлеуметтік бейімделуіне ықпал ететін іс-шараларды ұйымдастыруға және өткізуге, жеке қабілеттерінің дамуына, дене, зияткерлік, рухани және адамгершілік жағынан дамуына, отансүйгіштік пен азаматшылдық сезімдерін сіңітпеуге ықпал етуге;

Тармақ 2.1.6

2.1.6. еңбекке орналастыру бойынша шаралар қабылдауға;

Тармақ 2.1.7

2.1.7. бос уақытын ұйымдастыруға шаралар қабылдауға міндетті;

Тармақ 2.1.8

2.1.8. қосалқы шаруашылық, өндiрiс шеберханалары, кiшi ағаш өңдеу, темiр өңдеу және басқа да өндiрiстер болған кезде жұмысшы кәсiбiне оқытуды қамтамасыз етуге;

Тармақ 2.1.9

2.1.9. Қазақстан Республикасының Үкіметімен көзделген жағдайларда белгіленген нормалар бойынша тамақтандырумен, киім-кешекпен, аяқ киіммен, жұмсақ мүкәммалмен қамтамасыз етуге мiндеттi.

Тармақ 2.2

2.2. Жасөспірімдер үйінің әкiмшiлiгі:

Тармақ 2.2.1

2.2.1. тәрбиеленушінің (бітірушінің) Жасөспірімдер үйінде тұру ережелерiнiң орындауды бақылауға және оны талап етуге;

Тармақ 2.2.2

2.2.2. тәрбиеленушінің (бітірушінің) келiсiмімен оны Жасөспiрiмдер үйiн абаттандыру жөнiндегi жұмыстарды орындауға тартуға;

Тармақ 2.2.3

2.2.3. егер тәрбиеленуші (бітіруші) еңбек еткен және жеке еңбекақысы болған жағдайда Жасөспiрiмдер үйiнде тұрғаны үшiн төлемақы сомасын келiсiм бойынша белгiлеуге;

Тармақ 2.2.4

2.2.4. егер тәрбиеленуші (бітіруші) оқу орнында оқитын болса, оған тұрғын үй-жай (бөлме) тегiн беріледі;

Тармақ 2.2.5

2.2.5. Жасөспiрiмдер үйiнде тұру ережелерiн өрескел бұзғаны үшін тәрбиеленушіні (бітірушіні) Жасөспірімдер үйінен шығаруға;

Тармақ 2.2.6

2.2.6. егер тұрғын үй-жай нормалары санитариялық-гигиеналық нормаларға жауап берген жағдайда басқа тұрғынды орналастыруға құқылы.

Тармақ 2.3

2.3. Тәрбиеленуші (бітіруші):

Тармақ 2.3.1

2.3.1. берiлген тұрғын үй-жайды (бөлменi) мақсатты пайдалануға, оны таза және тәртiпте ұстауға;

Тармақ 2.3.2

2.3.2. тұрғын үй-жайдың (бөлменiң), сондай-ақ өзіне пайдалануға берiлген Жасөспiрiмдер үйiнiң жабдықтары мен құралдарының сақталуын қамтамасыз етуге;

Тармақ 2.3.3

2.3.3. Жасөспірімдер үйі әкімшілігінің нұсқауларын және Жасөспірімдер үйінде тұру ережелерiн қатаң орындауға;

Тармақ 2.3.4

2.3.4. Жасөспiрiмдер үйiнде тұратын қызмет көрсетушi персоналы мен басқа да адамдардың абыройы мен қадір-қасиетін құрметтеуге;

Тармақ 2.3.5

2.3.5. Жасөспiрiмдер үйiнiң қосалқы шаруашылықтарында, өндiрiстiк және басқа да шеберханаларында жұмыс кезiнде техника қауiпсiздiгi ережелерiн орындауға мiндеттi.

Тармақ 2.4

2.4. Тәрбиеленуші (бітіруші):

Тармақ 2.4.1

2.4.1. өзінің заңды құқықтары мен мүдделерінің қорғалуын талап етуге;

Тармақ 2.4.2

2.4.2. әкiмшiлiк анықтаған жағдайларда Жасөспiрiмдер үйiнiң мүлкi мен жабдықтарын пайдалануға;

Тармақ 2.4.3

2.4.3. кәсiптiк бiлiм алуға;

Тармақ 2.4.4

2.4.4. өзiнiң еңбек еркiндiгіне конституциялық құқығын пайдалануға;

Тармақ 2.4.5

2.4.5. «Қазақстан Республикасында мүгедектігі бойынша, асыраушысынан айырылу жағдайы бойынша және жасына байланысты берілетін мемлекеттік әлеуметтік жәрдемақылар туралы» Қазақстан Республикасының Заңында көзделген жеңiлдiктерді пайдалануға құқылы.

Тармақ 2.5

2.5. Жасөспірімдер үйінің директоры:

Тармақ 2.5.1

2.5.1. еңбек рыногын:

Тармақ 2.5.2

2.5.2. мүдделі ұйымдармен байланыстар орнату және ұйымдардағы бос орындарды зерделеу;

Тармақ 2.5.3

2.5.3. қосалқы шаруашылықтар, кіші ағаш өңдеу, темір өңдеу шеберханалары мен кіші кәсіпкерліктің басқа да объектілерін құру арқылы жүйелі түрде зерттеуге;

Тармақ 2.5.4

2.5.4. өз құзыретіне жататын мәселелер бойынша балалар ауылы, балалар үйi, жетім балалар мен ата-анасының қамқорлығынсыз қалған мектеп-интернат әкімшілігімен өзара іс-қимылды жүзеге асыруға міндетті.

Тарау 3. 3. Шарттың қолданылу мерзiмi

3. Шарттың қолданылу мерзiмi

Тармақ 3.1

3.1. Осы шарт тараптардың қол қойған сәтiнен бастап және азамат жиырма үш жасқа толғанға дейiн қолданылады.

Тарау 4. 4. Шартты жою

4. Шартты жою

Тармақ 4.1

4.1. Жасөспірімдер үйінде күтіп-бағу туралы шарт онда көзделген негіздерден басқа мынадай:

Тармақ 4.1.1

4.1.1. жиырма үш жасқа толған;

Тармақ 4.1.2

4.1.2. әлеуметтік бейімделуден өтетін адамның шартты тоқтату ниетін білдірген;

Тармақ 4.1.3

4.1.3. Жасөспірімдер үйінің тәртібін бірнеше рет бұзған, алкогольді, есірткіні, есеңгірететін өзге заттарды қолдану фактілері анықталған, Жасөспірімдер үйіндегі балаға (балаларға) қатысты жыныстық сипаттағы әдепсіз әрекеттерді жасаған жағдайларда қорғаншылық және қамқоршылық органының, балалар ауылы, балалар үйі және жетім балалар мен ата-анасының қамқорлығынсыз қалған балаларға арналған мектеп-интернат әкімшілігінің шешімімен;

Тармақ 4.1.4

4.1.4. Жасөспірімдер үйінің тәртібін бірнеше рет бұзған, алкогольді, есірткіні, есеңгірететін өзге заттарды қолдану фактілері анықталған, Жасөспірімдер үйіндегі балаға (балаларға) қатысты жыныстық сипаттағы әдепсіз әрекеттерді жасаған жағдайларда дербес заңды тұлға ретінде жұмыс істейтін Жасөспірімдер үйі әкімшілігінің шешімімен;

Тармақ 4.1.5

4.1.5. Қазақстан Республикасының заңнамасында көзделген өзге жағдайларда жойылады.

Тарау 5. 5. Өзге де шарттар

5. Өзге де шарттар

Тармақ 5.1

5.1. Осы Шартқа тараптардың келiсiмi бойынша Шарттың ажырамас бөлігi болып табылатын өзгерiстер мен толықтырулар енгiзiлуі мүмкiн.

Тармақ 5.2

5.2. Шартты орындау процесінде пайда болған келiспеушілiктер келiссөздер, ал келiсiмге келе алмаған жағдайда сот арқылы арқылы шешiледi.

Тармақ 5.3

5.3. Осы шарт мемлекеттік және орыс тілдерінде үш данада жасалды: тараптардың әрқайсысына бір-біреуден. Ескерту: Жасөспірімдер үйінде (дербес заңды тұлға ретінде жұмыс істейтін) күтіп-бағу туралы үлгі шарт жасөспірімдер үйінің директоры мен тәрбиеленуші (бітіруші) арасында жасалады. (Балалар ауылы, балалар үйі, жетім балалар мен ата-анасының қамқорлығынсыз қалған балаларға арналған мектеп-интернат) Тәрбиеленуші директоры ______________________________ ______________________________ (Т.А.Ә. қолы) (Т.А.Ә. қолы) М.О. Жасөспiрiмдер үйiнiң директоры ____________________________ (қолы) ____________________________

Қызметтер

Навигация

Параметрлер

Аккаунт