О внесении изменения в постановление Правительства Республики Казахстан от 19 апреля 1999 года № 431 Қолданыста

Қазақстан Республикасы Үкіметінің 1999 жылғы 19 сәуірдегі N 431 қаулысына өзгеріс енгізу туралы Қазақстан Республикасының Үкіметі қаулы етеді:

1. Қазақстан Республикасы Үкіметінің "Акцизделетін тауарлардың жекелеген түрлерін акциздік алым таңбаларымен таңбалау туралы" 1999 жылғы 19 сәуірдегі N 431 P990431_ қаулысына (Қазақстан Республикасының ПҮАЖ-ы, 1999 ж., N 13, 130-құжат) мынадай өзгеріс енгізілсін: 3-тармақ мынадай редакцияда жазылсын: "3. Таңбалауға жататын отандық және импорттық өндірістегі акцизделетін тауарларды (1 және 2-қосымшаларға сәйкес) сату 1999 жылғы үлгідегі акциздік алым таңбаларымен ғана: 1) акцизделетін тауарларды өндірушілерге - 1999 жылдың 1 шілдесінен бастап; 2) акцизделетін тауарларды сақтауды және сатуды жүзеге асыратын заңды және жеке тұлғаларға - 1999 жылдың 1 тамызынан бастап жүзеге асырылады деп белгіленсін. 2. Осы қаулы қол қойылған күнінен бастап қолдануға енгізіледі және жариялауға жатады.