О проведении приписки граждан 1982 года рождення к призывным участкам Күшін жойған

1982 жылы туған азаматтарды әскер қатарына шақыру учаскелеріне тіркеуді өткізу туралы 📌 Ескерту. Күші жойылды - Ақмола облысы әкімінің 06.11.2004 № 52 шешімімен. “Жалпыға бірдей әскери міндеттілік және әскери қызмет туралы” Қазақстан Республикасы Заңының 12-бабына сәйкес жігіттерді әскери есепке алу, олардың санын, әскери кызметке дайындық дәрежесін, жалпы білім деңгейін, алған мамандығы мен физикалық жағынан дайындық деңгейін анықтау үшін:

1. Облыстық, Степногорск қалалық және аудандық комиссариаттар 1999 жылғы қаңтар-наурыз айларында 1982 жылы туған жігіттерді, сондай-ақ бұрын тіркелмеген жасы үлкен азаматтарды әскер қатарына шақыру учаскелеріне тіркесін.

2. Степногорск қаласы мен облыс аудандарының әкімдері:

1) азаматтарды тіркеу үшін шақыру учаскелері мен комиссияларын құрсын, жоғарыда аталған Заңның 35-бабының талаптарына сәйкес олардың қызметін қамтамасыз етсін;

2) әскери комиссариаттармен бірлесіп 1999 жылғы 1 қаңтарға дейін бағыныштылығы мен меншік нысанына қарамастан тіркеу столдарында, тұрғын үй-пайдалану мекемелерінде, кәсіпорындарда, мекемелерде, оқу орындарында әскер қатарына шакырылушылардың алғашқы есепке алынуын ұйымдастырсын.

3. Облыстық денсаулық сақтау басқармасы 1998 жылғы қыркүйек-желтоқсан айларында ауруларды анықтау және оларды дер кезінде емдеу мақсатында 15-16 жастағы жігіттерді тереңдетілген медициналық тексеруден өткізсін.

4. Облыстық ішкі істер басқармасы шақыру учаскелерінде тәртіпті қамтамасыз ету және тіркеуден жалтарып жүрген адамдарды іздестіру бойынша әскери комиссариаттармен бірлесіп әрекет етуді ұйымдастырсын.

5. Осы шешімнің орындалуына бақылау жасау облыстың әскери комиссарына жүктелсін.