О проведении приписки граждан Республики Казахстан 1984 года рождения к призывным участкам в 2001 году Қолданыста

1984 жылғы туған Қазақстан Республикасының азаматтарын 2001 жылы шақыру учаскелерiне тiркеуден өткiзу туралы Қазақстан Республикасының "Жалпы әскери мiндеттiлiк және әскери қызмет туралы" Заңының 12-бабына сәйкес және Қазақстан Республикасы Министрлер Кабинетiнiң 1993 жылғы 28 қазандағы N 1072 "Қазақстан Республикасы аумағындағы шақыру учаскелерiнде азаматтар тiркеудi жүргiзу туралы" қаулысын орындау үшiн ШЕШІМ ЕТЕМІН:

1. Облыстық әскери комиссариат (Текеғалиев Н.)2001 жылғы қаңтар мен наурыз бойына 1984 жылғы туған азаматтарды, сондай-ақ бұрын тiркеуден өтпеген жасы келгендердi шақыру учаскелерiне тiркеудi жүргiзсiн.

2. Қала мен аудандардың әкiмдерi:

1) шақыру учаскелерiне азаматтар тiркеудi жүргiзу үшiн өз шешiмдерiмен комиссиялар құрсын /Қазақстан Республикасының "Жалпы әскери мiндеттiлiк және әскери қызмет туралы Заңының 12-бабының 5-тармағы және комиссия мүшелерiн тiркеу кезiнде қызмет бабын орындаудан босатсын;

2) қала мен аудандардың шақыру пункттерiне азаматтар тiркеудi жүргiзу жөнiндегi шараларды орындау қалалық және аудандық әскери комиссариаттардың жоспарларына сәйкес қамтамасыз етсiн;

3) Әскери комиссариаттардың тапсырыстары бойынша шақыру учаскелерi Үшiн орындар, құралдар мен жабдықтар, сондай-ақ қажеттi мөлшерде медициналық және техникалық қызметкерлер, көлiк құралдарын бөлсiн, "Қазақстан Республикасының қорғанысы және өарулы күштерi туралы" Заңның 18-бабына және "Жалпы әскери мiндеттiлiк және әскери қызмет туралы" Заңның 35-бабының 1-тармағына сәйкес шақыру учаскелерiне азаматтар тiркеудi жүргiзу, сондай-ақ медициналық және техникалық қызметкерлерге, автокөлiкке ақы төлеу жөнiндегi шараларды орындауға байланысты шығындарды жергiлiктi бюджет есебiнен төлеудi жүзеге асырсын;

4) 1984 жылы туған жастарды шақыру учаскелерiне тiркеу қорытындылары 2001 жылдың 5 сәуiрiне дейiн қала және аудан әкiмдерiнiң мәжiлiсiнде қаралып, оларды қарулы күштер қатарына шақыруға дайындау жөнiндегi шараларын жасақтап жүзеге, асырсын.

3. Iшкi iстер басқармасы (Қ. Мырзабаев) тiркеу кезiнде шақыру учаскелерiндегi тәртiптi қамтамасыз ету, белгiленген мерзiмде шақыру учаскелерiне келмеген адамдарды шұғыл iздестiру және әскери комиссариаттарға жеткiзу, сондай-ақ азаматтардың тiркеуден жалтару әрекетiнiң алдын алу мәселелерi жөнiнде жергiлiктi iшкi iстер органдарымен әскери комиссариаттардың өзара бiрлесiп iс-қимыл көрсетуiн ұйымдастырсын.

4. Денсаулық сақтау басқармасы (Х. Сағын):

1) қалалық және аудандық медициналық комиссияларды жергiлiктi емдеу мекемелерiндегi тиiстi дайындығы бар тәжiрибелi дәрiгерлермен қамтамасыз етудi, сондай-ақ шақыру учаскелерiн қажеттi дәрi-дәрмекпен, құралдармен және медициналық мүлiкпен қамтамасыз етудi бақылауға алсын;

2) әскери комиссариаттардың тапсырысы бойынша маман-дәрiгерлер жетпейтiн аудандарға емдеу мекемелерiнiң дәрiгер-мамандарын жiберсiн;

3) Тiркеу барысында анықталған аурулы жастармен емдеу-сауықтыру жұмыстарын жүргiзудi ұйымдастырсын, ол үшiн емдеу мекемелерiнен қажеттi төсек-орын, сондай-ақ сырқас шақырылушыларды есепке алу және олармен сауықтыру шараларын жүргiзуге байланысты жасөспiрiмдер кабинеттерiн бөлсiн.

5. Осы шешiмнiң орындалуына бақылау жасау облыс әкiмi аппаратының мемлекеттiк-құқықтық жұмыс бөлiмiне жүктелсiн.