О проведении приписки граждан 1984 года рождения к призывным участкам Западно-Казахстанской области Күшін жойған

Батыс Қазақстан облысында 1984 жылы туған азаматтарды шақыру учаскелеріне тіркеуді өткізу туралы Күші жойылды - Батыс Қазақстан облысы әкімінің 16.01.2002 № 9 шешімімен. Қазақстан Республикасының "Жалпыға бірдей әскери міндеттілік және әскери қызмет туралы" Заңының 12 бабына және Қазақстан Республикасы Министрлер Кабинетiнiң "Қазақстан Республикасы аймағында азаматтарды шақыру учаскелеріне тіркеуді өткізу туралы" 1993 жылғы 28 қазандағы N 1072 Қаулысына сәйкестi ШЕШIМ ЕТЕМIН:

1. Қазақстан Республикасының 1984 жылы туған азаматтарын учаскелерде тіркеуге шақыру облыстың қалалық және аудандық әскери комиссариаттарында 2001 жылдың қаңтар-наурыз айларында жүргiзiлсiн.

2. Орал қаласының және аудандардың әкiмдерi:

1) өздерiнiң шешiмдерiмен комиссия құрсын, керектi құрамда дәрiгерлер, медбикелер, техникалық жұмысшылар, уақытша қызметкерлер және автокөлiктер бөлсiн;

2) әскери комиссариаттар комиссияны жұмыс жасайтын орындармен қамтамасыз етсiн;

3) 1984 жылы туған жастарды тіркеу участоктері орындарында қаражатпен қамтамасыз ету, оларды емдеудiң алдын-алу жұмыстарын қалалық және аудандық бюджетте қаралған көлемiнде жүргiзу;

4) жастардың шақыру учаскелеріне ұйымшылдықпен келуiнiң шараларын қалалық, аудандық әскери комиссариаттары жүргiзетiн болсын.

3. Облыстық денсаулық сақтау басқармасы (Қадырбеков) әскери комиссариаттарға жан-жақты көмектер ұйымдастыру, қажеттi мөлшерде жоғары бiлiктi тәжiрибелi дәрiгер мамандарды бөлсiн және оларды алғашқы дәрiгерлiк қарау жұмыстарымен қамтамасыз ететiн болсын.

4. Мекеме, ұйым, кәсiпорын басшылары, олардың меншiк түрлерiне қарамастан учаскелік тіркеуде дәрiгерлiк байқаудан өткен кездерiне тұрақты жұмыс орындарындағы орташа жалақысын сақтайтын болсын. Осы мерзiмдер уақытында әскер қатарына шақырылатындар жұмыстан (оқудан) босатылатын болсын.

5. Облыстық әскери комиссариат, облыстық бiлiм басқармасы:

1) әскери-оқу орындарына дайындығы мол денсаулығы жақсы әскерге шақырушылар есебiнен кандидаттарды iрiктеп алу жұмыстарын жүргiзсiн;

2) облыс оқу орындарында оқып жүрген 1984 жылы туған жастарды меншiк түрлерiне, бағыныштылығына қарамастан шақыру орындарына уақытылы ұйымшылдықпен жiберiп отырсын.

6. Облыстық туризм және спорт басқармасының бастығы жастарды учаскелерде тіркеу барысында олардың денсаулығының нормативтiк талаптарға сай болуын ұйымдастырсын.

7. Облыстық iшкi iстер басқармасы (Рақымжанов):

1) жастарды тіркеу барысында жергiлiктi органдар iшкi iстер бөлiмдерi әскери комиссариаттарымен бiрлесе шақыру пункттерiнде тәртiптi қамтамасыз етулерi тиiс;

2) барлық облыс аумағында тіркеуге шақырушылардың учаскелерге уақтылы келуiн, олардың келмей қалуына жол бермеудi бақылауды жүзеге асырсын.

8. 1984 жылғы туған жастардың шақыру пункттерiне келу кестесi бекiтілсiн (қосымша).

9. Облыстық әскери комиссар Г.К. Мұқатаев, Орал қаласы және аудан әкiмдерi, облыстық басқармалардың басшылары 2001 жылдың 15 сәуiрiне мемлекеттiк-құқықтық жұмыстар бөлiмiне шақыру қорытындылары туралы хабарлама берсiн.

10. Осы шешiмнiң орындалуын бақылау облыс әкiмi орынбасарының мiндетiн атқарушы М.И. Құлшарға және облыс әкiмi аппаратының мемлекеттiк-құқықтық жұмыстар бөлiмiне жүктелсiн.

Облыс әкiмiнiң 2001 жылғы 11 қаңтардағы N 4 шешiмiне қосымша Облыста 1984 жылы туған азаматтарды кезектi тіркеу учаскелеріне шақыру КЕСТЕСI №№ Қалалық, аудандық әскери комиссариаттар атаулары Адам саны Шақыру мерзімдері 1 Ақжайық 509 29.1. – 31.03. 2 Бөрлі 464 5.02. – 31.03. 3 Бөкейордасы 217 22.01. – 26.01. 4 Жаңақала 218 15.02. – 12.02. 5 Жәнібек 215 22.01. – 29.01. 6 Зеленов 550 5.02. – 31.03. 7 Казталов 398 22.01. – 31.03. 8 Қаратөбе 249 15.01. – 31.03. 9 Сырым 304 10.01. – 31.03. 10 Теректі 437 7.01. – 31.03. 11 Тасқала 237 29.01. – 9.02. 12 Шыңғырлау 210 15.01. – 30.03 13 Орал қаласы 1852 15.01. – 31.03