О проведении приписки граждан Республики Казахстан 1985 года рождения к призывным участкам в 2002 году Күшін жойған

1985 жылғы туған Қазақстан Республикасының азаматтарын 2002 жылы шақыру участкелерінде тіркеуден өткізу туралы 📌 Ескерту. Күші жойылды - Атырау облысы әкімінің 20.12.2004 № 248 шешімімен. Қазақстан Республикасының "Жалпы әскери мiндеттiлiк және әскери қызмет туралы" Заңының 12-бабына сәйкес және Қазақстан Республикасы Министрлер Кабинетiнiң 1993 жылғы 28 қазандағы N 1072 P931072 "Қазақстан Республикасы аумағындағы шақыру учаскелерiнде азаматтар тiркеудi жүргiзу туралы" қаулысын орындауда ШЕШІМ ЕТЕМІН:

1. Облыстық әскери комиссариат (Текеғалиев Н.) 2002 жылғы қаңтар мен наурыз iшiнде 1985 жылғы туған азаматтарды, сондай-ақ бұрын тiркеуден өтпеген жасы келгендердi шақыру учаскелерiнде тiркеудi жүргiзсiн.

2. Қала мен аудандардың әкiмдерi:

1) шақыру учаскелерiнде азаматтар тiркеудi жүргiзу үшiн өз шешiмдерiмен комиссиялар құрсын (Қазақстан Республикасының "Жалпы әскери мiндеттiлiк және әскери қызмет туралы" Заңының 12-бабының 5-тармағы) және комиссия мүшелерiн тiркеу кезiнде қызметтiк мiндеттерiн орындаудан босатсын;

2) қала мен аудандардың шақыру пункттерiнде азаматтар тiркеудi жүргiзу жөнiндегi шаралардың орындалуын қалалық және аудандық әскери комиссариаттардың жоспарларына сәйкес қамтамасыз етсiн;

3) әскери комиссариаттардың тапсырыстары бойынша шақыру учаскелерi үшiн орындар, құралдар мен жабдықтар, сондай-ақ қажеттi мөлшерде медициналық және техникалық қызметкерлер, көлiк құралдарын бөлсiн ("Қазақстан Республикасының қорғанысы және қарулы күштерi туралы" Заңның 18-бабына және "Жалпы әскери мiндеттiлiк және әскери қызмет туралы" Заңның 35-бабының 1-тармағына сәйкес) шақыру учаскелерiнде азаматтар тiркеудi жүргiзу, сондай-ақ медициналық және техникалық қызметкерлерге, автокөлiкке ақы төлеу жөнiндегi шараларды орындауға байланысты шығындарды жергiлiктi бюджет есебiнен төлеудi жүзеге асырсын.

4) 1985 жылы туған жастарды шақыру учаскелерiнде тiркеу қорытындылары 2002 жылдың 5 сәуiрiне дейiн қала және аудан әкiмият мәжiлiстерiнде қаралып, оларды қарулы Күштер қатарына шақыруға дайындау шараларын әзiрлеп жүзеге, асырсын.

3. Iшкi iстер басқармасы (Т. Рахымжанов) тiркеу кезiнде шақыру учаскелерiндегi тәртiптi қамтамасыз ету, белгiленген мерзiмде шақыру учаскелерiне келмеген адамдарды шұғыл iздестiру және әскери комиссариаттарға жеткiзу, сондай-ақ азаматтардың тiркеуден жалтару әрекетiнiң алдын-алу мәселелерi жөнiнде жергiлiктi iшкi iстер органдарымен әскери комиссариаттардың өзара iс-қимылын көрсетуiн ұйымдастырсын.

4. Денсаулық сақтау басқармасы (Қ. Нұрғазиев):

1) қалалық және аудандық медициналық комиссияларды жергiлiктi емдеу мекемелерiндегi тиiстi дайындығы бар тәжiрибелi дәрiгерлермен жиынтықталуын, сондай-ақ шақыру учаскелерiн қажеттi дәрi-дәрмекпен, құралдармен және медициналық мүлiкпен қамтамасыз етудi бақылауға алсын;

2) әскери комиссариаттардың тапсырысы бойынша маман-дәрiгерлер жетпейтiн аудандарға емдеу мекемелерiнiң дәрiгер-мамандарын жiберсiн;

3) тiркеу барысында анықталған сырқат жастармен емдеу-сауықтыру жұмыстарын жүргiзудi ұйымдастырсын, ол үшiн емдеу мекемелерiнен қажеттi төсек-орын, сондай-ақ сырқат шақырылушыларды есепке алу және олармен сауықтыру шараларын жүргiзуге байланысты жасөспiрiмдер кабинеттерiн бөлсiн.

5. Осы шешiмнiң орындалуына бақылау жасау облыс әкiмi аппараты мемлекеттiк-құқықтық және әскери-жұмылдыру жұмыстары бөлiмiне жүктелсiн (Ә. Жарылғасов).