О проведении приписки граждан 1985 года рождении к призывным участкам Күшін жойған

1985 жылы туған азаматтарды әскерге шақыру участкелерінің тізіміне алу туралы 📌 Ескерту. Күші жойылды - Ақмола облысы әкімінің 06.11.2004 № 52 шешімімен. Қазақстан Республикасының «Жалпыға бірдей әскери міндет және әскери қызмет туралы» 1993 жылғы 19 қаңтардағы Заңының 12-бабына сәйкес, жастарды әскери есепке алу, олардың санын, әскери қызметке жарамдылығын, жалпы білім деңгейін, алған мамандығын және денсаулық деңгейін анықтау мақсаттарында облыс әкімі шешім қабылдады:

1. Облыстық, қалалық және аудандық әскери комиссариаттарына 2002 жылдың қаңтар - наурыз айларында облыс аумағында 1985 жылы туған азаматтарды әскерге шақыру участкелерінің тізіміне алуды өткізу, сонымен қатар, оны бұрын өтпеген ересек азаматтарды өткізу тапсырылсын.

2. Көкшетау, Степногорск қалаларының және облыстағы аудан әкімдері: азаматтарды әскери тізімге алуды жүргізу үшін шақыру участкелері мен комиссияларын құрсын, Қазақстан Республикасы «Жалпыға бірдей әскери міндет және әскери қызмет туралы» Заңының 35 бабына сәйкес олардың қызметін ұйымдастырсын; 2002 жылдың 31 наурызына дейін барлық мекемелерде, кәсіпорындарында, оқу орындарында, есеп үстелдерінде, олардың меншік түрімен бағыныштылығына қарамастан әскерге шақырылушыларды алғашқы есепке алуда әскери комиссариаттарға көмек көрсетсін.

3. Облыстық ішкі істер басқармасы әскери комиссариаттарымен бірлесе отырып әскерге шақыру участкелерінде тәртіп сақталуын және әскерге шақырылудан қашушыларды іздестіру жұмыстарын ұйымдастырсын.

4. Осы шешімнің орындалуын бақылау облыс әкімінің бірінші орынбасары А.Сейітжановқа жүктелсін.