О проведении приписки граждан Республики Казахстан 1986 года рождения к призывным участкам в 2003 году Қолданыста

1986 жылғы туған Қазақстан Республикасының азаматтарын 2003 жылы шақыру учаскелерінде тіркеуден өткізу туралы Қазақстан Республикасының 1993 жылғы 19 қаңтардағы №9000 "Жалпыға бірдей әскери міндеттілік және әскери қызмет туралы" Заңына сәйкес және Қазақстан Республикасы Министрлер Кабинетінің 1993 жылғы 28 қазандағы № 1072 "Қазақстан Республикасының аумағында азаматтарды шақыру учаскелеріне тіркеуді өткізу туралы" қаулысын орындауда ШЕШІМ ЕТЕМІН:

1. Облыстық әскери комиссариат (келісім бойынша) 2003 жылғы қаңтар мен наурыз ішінде 1986 жылғы туған, қала мен облыс аудандарындағы Қазақстан Республикасының азаматтарын, сондай-ақ бұрын тіркеуден өтпеген жасы келгендерді шақыру учаскелерінде тіркеуді ұйымдастырып, жүргізсін.

2. қала мен аудан әкімдері:

1) шақыру учаскелерінде азаматтар тіркеуді жүргізу үшін өз шешімдерімен комиссиялар құрсын және комиссия мүшелерін тіркеу кезінде қызметтік міндеттерін орындаудан босатсын;

2) қала мен аудандардың шақыру учаскелерінде азаматтар тіркеуді жүргізу жөніндегі шаралардың орындалуын қалалық және аудандық әскери комиссариаттардың жоспарларына сәйкес қамтамасыз етсін;

3) әскери комиссариаттардың тапсырыстары бойынша шақыру учаскелеріне орындар, құралдар мен жабдықтар, сондай-ақ медициналық және техникалық қызметкерлер мен көлік құралдарының қажетті санын бөлсін. Шақыру учаскелерінде азаматтар тіркеуді жүргізу жөніндегі шараларды орындауға байланысты шығындарды, сондай-ақ медициналық және техникалық қызметкерлерге, автокөлікке ақы төлеуді жергілікті бюджет есебінен жүзеге асырсын;

4) 1986 жылғы туған жастарды шақыру учаскелерінде тіркеу қорытындылары 2003 жылдың 4 сәуіріне дейін қала мен аудан әкімият мәжілістерінде қаралсын. Оларды Қарулы Күштер қатарына шақыруға дайындау жөніндегі шараларды әзірлеп, жүзеге асырсын.

3. Атырау облыстық ішкі істер басқармасы (келісім бойынша) тіркеу кезінде шақыру учаскелеріндегі тәртіпті қамтамасыз ету, белгіленген мерзімде шақыру учаскелеріне келмеген тұлғаларды шұғыл іздестіру және әскери комиссариаттарға жеткізу, сондай-ақ азаматтардың тіркеуден жалтару әрекетінің алдын алу мәселелері жөнінде жергілікті ішкі істер органдарының әскери комиссариаттармен өзара іс-қимылын ұйымдастырсын.

4. Атырау облыстық денсаулық сақтау басқармасы:

1) қалалық және аудандық медициналық комиссиялары жергілікті емдеу мекемелеріндегі тиісті дайындығы бар тәжірибелі дәрігерлермен жиынтықталуын, сондай-ақ шақыру учаскелерін қажетті дәрі-дәрмекпен, құралдармен және медициналық мүлікпен қамтамасыз етуді бақылауға алсын;

2) әскери комиссариаттардың тапсырысы бойынша маман-дәрігерлер жетіспейтін аудандарға емдеу мекемелерінің дәрігер-мамандарын жіберсін;

3) тіркеу барысында анықталған сырқат жастармен емдеу-сауықтыру жұмыстарын жүргізуді ұйымдастырсын, ол үшін емдеу мекемелерінен қажетті төсек-орын, сондай-ақ сырқат шақырушыларды есепке алу және олармен сауықтыру шараларын жүргізу жөніндегі жасөспірімдер кабинеттерінің жұмысын ұйымдастырсын.

5. Осы шешімнің орындалуын бақылау жасау облыс әкімі аппараты мемлекеттік-құқықтық және әскери-жұмылдыру жұмысы бөліміне жүктелсін.