О проведении приписки граждан 1986 года рождения к призывным участкам. Күшін жойған

1986 жылы туған азаматтарды әскерге шақыру участкелерінің тізіміне алу туралы. 📌 Ескерту. Күші жойылды - Ақмола облысы әкімінің 05.01.2005 № 1 шешімімен. Қазақстан Республикасының «Жалпыға бірдей әскери міндеттілік пен әскери қызмет туралы» Заңының 12 - бабына сәйкес, жастарды әскери есепке алу, олардың санын, әскери қызметке жарамдылығын, жалпы білім деңгейін, алған мамандығын және денсаулық деңгейін анықтау мақсаттарында облыс әкімі ШЕШІМ ҚАБЫЛДАДЫ:

1. Облыстың, Көкшетау және Степногорск қалаларының, аудандардың әскери комиссариаттарына 2003 жылдың қаңтар - наурыз айларында облыс аумағында 1986 жылы туған азаматтарды әскерге шақыру участкелерінің тізіміне алуды өткізу, сонымен қатар, одан бұрын өтпеген ересек азаматтарды өткізу тапсырылсын.

2. Облыстағы аудандар мен Көкшетау, Степногорск қалаларының әкімдері:

1) азаматтарды шақыру участкелерінің әскери тізіміне алуды өткізу үшін комиссиялар құрсын және олардың жұмысын Қазақстан Республикасы «Жалпыға бірдей әскери міндеттілік пен әскери қызмет туралы» Заңына сәйкес қамтамасыз етсін;

2) 1986 жылы туған азаматтарды шақыру участкелерінің тізіміне алу жөніндегі медициналық комиссиясының жұмысын қамтамасыз ету шараларын қаржыландыруды, сондай-ақ емдеу-сақтандыру мекемелерде медициналық зерттеуді қала мен аудан бюджеттері есебімен қарастырылған қаржы көлемінде қамтамасыз етсін;

3) меншік түрі мен бағыныштылығына қарамастан барлық кәсіпорындарында, оқу орындарында, есеп үстелдерінде, пәтер иелерінің кооперативтерінде 2003 жылғы 31 наурызға дейін әскери комиссариаттармен бірлесе отырып әскерге шақырылатындарды алғашқы есепке алуды ұйымдастырсын;

4) шақыру участкелерінің тізіміне алуды өткізу үшін азаматтардың аудандық, қалалық әскери комиссариаттарына келуін ұйымдастырсын.

3. Облыстық денсаулық сақтау басқармасы (И.М. Комалдинов) облыстық әскери комиссариатымен (А.Ж.Нұрмановпен – келісім бойынша) бірлесіп тіркеу жөніндегі комиссиясында жұмыс істеу үшін облыстық емдеу мекемелерінің дәрігер-мамандарын қатыстыру ретін анықтасын және облыстағы емделу мекемелеріне аудандық және қалалық комиссиясы жіберген азаматтардың бірінші кезекпен қаралуын қамтамасыз етсін.

4. Облыстық ішкі істер басқармасы әскери комиссариаттармен бірлесе отырып әскерге шақыру учаскелерінде тәртіп сақталуын және әскерге шақырылудан қашушыларды іздестіру жұмыстарын ұйымдастырсын.

5. Шешімнің орындалуы бойынша жүргізілген жұмыс туралы ақпарат 2003 жылғы 15 сәуіріне дейін облыс әкімінің аппаратына тапсырылсын.

6. Осы шешімнің орындалуын бақылау облыс әкімінің орынбасары А.С. Сейітжановқа жүктелсін.