О проведении приписки к призывным участкам граждан 1988 года рождения и подготовки молодежи к призыву на срочную военную службу Қолданыста

1988 жылы туылған азаматтарды әскерге шақыру учаскелерінде тізімге алу және жастарды әскери қызметке шақыруға дайындау туралы Қазақстан Республикасының 1993 жылғы 19 қаңтардағы "Жалпыға бірдей әскери міндет және әскери қызмет туралы"  Заңына   сәйкес және 1988 жылы туылған азаматтарды әскерге шақыру учаскелерінде тізімге алуды уақытылы және сапалы жүргізу, сондай-ақ жастарды Қазақстан Республикасының Қарулы Күштеріне әскери қызметке шақыруға дайындық жұмыстарын жақсарту мақсатында облыс әкімі  ШЕШІМ ҚАБЫЛДАДЫ:

1. 2005 жылғы қаңтар-наурыз айларында 1988 жылы туылған, сондай-ақ бұдан бұрын тізімге алынбаған жасы ұлғайған азаматтар әскерге шақыру учаскелерінде тізімге алынсын.

2. Аудандар мен қалалардың әкімдері:

1) жергілікті жерлерде тізімге алу жөніндегі тиісті комиссиялар төмендегі құрамда құрылсын: комиссия төрағасы әкімнің орынбасары; төраға орынбасары қорғаныс істері жөніндегі басқарманың (бөлімнің) бастығы; комиссия мүшелері-дәрігерлер хирург, терапевт, психиатр, отоларинголог, стоматолог, дерматолог; қорғаныс істері жөніндегі басқарманың (бөлімнің) өкілі қорғаныс істері жөніндегі басқарманың (бөлімнің) қызметкерлері; комиссия хатшысы орта медициналық қызметкерлер;

2) қорғаныс істер жөніндегі бөлімшелерді арнайы құрал-жабдықтармен, қажетті техникалық жұмысшылармен, қызмет етуші персоналдармен және көлікпен қамтамасыз етсін;

3) 1988 жылы туылған, сондай-ақ әскерге шақыру учаскелерінде бұрын тізімге алынбаған жасы ұлғайған азаматтарды дер кезінде, толық және ұйымшылдықпен тізімге алуды қамтамасыз етсін;

4) тізімге алу кезінде техникалық жұмысшылардың, қызмет етуші персоналдың еңбекақысын төлеу шығындарын жергілікті бюджет есебінен жүзеге асырсын.

3. Ішкі істер бас басқармасы (Қ.Н. Қасымов):

1) 2005 жылғы 5 қаңтарға дейін қорғаныс істері жөніндегі бөлімшелерге  жасөспірімдердің істері жөніндегі инспекцияларда есепте тұрған жастардың тізімін берсін;

2) қорғаныс істері жөніндегі бөлімдерге, әскерге шақыру учаскелерінде тізімге тұрудан жалтарып жүрген жастарды іздестіруде көмек көрсетсін, ол үшін аудандық (қалалық) ішкі істер бөлімдері мен қорғаныс істері жөніндегі бөлімдер өкілдерінен іздестіруді бақылау   және іздестіру топтарын құрсын;

4. Облыстық денсаулық сақтау басқармасы (Б.Н.Садықов):

1) қорғаныс істері жөніндегі бөлімшелер   тізімге алынушыларды медициналық тексеруден өткізу кезінде жан-жақты көмек көрсету жөніндегі шараларды әзірлесін, бұл іске тәжірибелі дәрігерлер мен қажетті орта медициналық қызметкерлерді қатыстырсын;

2) 2005 жылғы 1 қаңтарға дейін қорғаныс істері жөніндегі бөлімшелерге 1988 жылы туылған жастарға амбулаториялық есепте тұрған науқастанушылардың қажетті медициналық құжаттарын,   сондай-ақ туберкулез, наркологиялық, тері-венерологиялық және психоневрологиялық диспансерінде, жасөспірімдер кабинеттерінде және жұқпалы науқастар ауруханасында есепте тұрғандардың тізімін тапсырсын;

3) тізімге алуға дейін 1988 жылы туылған барлық жастарды қажетті медициналық тексеруден өткізсін;

4) ауыратыны анықталған жасөспірімдердің арасындағы сауықтыру жұмыстарын тікелей медициналық тексеру кезінде бастасын, олардың тізімін осы жасөспірімдердің тұрғылықты жерлеріндегі емхананың маман-дәрігерлеріне тапсырсын.

5. Облыстық еңбек, жұмыспен қамту және халықты әлеуметтік қорғау басқармасы (Н.Д.Бөлекбаева):

1) қорғаныс істері жөніндегі басқармалар мен аудандық (қалалық) бөлімдерге мүгедек деп танылатын 1988 жылы туылған жастар туралы мәліметтер тапсырсын.

6. Облыстық білім департаменті (Т.Е.Естенов):

1) тізімді алу кезінде орта білімі жоқ жастарды анықтау үшін қорғаныс істері жөніндегі бөлімшелерге   мұғалім бөліп, олардың оқуын ұйымдастырсын;

2) 1988 жылы туылған жастар арасында әскери оқу орындарына түсетін кандидаттарды іріктеп алу жұмысын жүргізсін.

7. Облыстық спорт және дене тәрбиесі басқармасы (Ә.Ж.Жайлаубеков):

1) кәсіпорындарда, ұйымдарда және оқу орындарында әскери-қолданбалы спорт түрлері бойынша жастардың дайындығын ұйымдастырсын;

2) тізімге алу кезінде шақырылушы жастар арасында әскери-патриоттық сұрақтар бойынша тәрбиелік және түсініктеме жұмыстарын ұйымдастырып, өткізсін.

8. Алматы облысының қорғаныс істері жөніндегі департаменті (Т.Р.Мәукебаев) осы шешімнің орындалу барысы туралы Алматы облысының әкіміне 2005 жылдың 20 сәуіріне дейін ақпарат тапсырсын.

9. Облыс әкімінің 2003 жылғы 19 желтоқсандағы N 12-172 шешімінің күші жойылған деп саналсын.

10. Осы шешімнің орындалуын бақылау облыс әкімінің бірінші орынбасары В.А.Долженковқа жүктелсін.