О проведении призыва граждан 1989 – 1989 годов рождения на срочную воинскую службу весной, осенью 2007 года Қолданыста

1980 - 1989 жылдары туған азаматтарды 2007 жылғы көктемгі, күзгі мерзімді әскери қызметке шақыруды өткізу туралы Қазақстан Республикасының «Әскери міндеттілік және әскери қызмет туралы» Заңының 19, 20, 23, 44 бабтарына сәйкес және Қазақстан республикасының «Қазақстан республикасындағы жеогілікті мемлекеттік басқару туралы» Заңының 31 бабының негізінде, аудан әкімдігі ҚАУЛЫ ЕТЕДІ:

1. Аудандық шақыру комиссиясы осы құрамда бекітілсін: Назымбеков Серік Назымбекұлы – ауданның қорғаныс істер жөніндегі бөлімінің бастығы, комиссия төрағасы (келісім бойынша); Көбжанов Нүркен Сафиддинұлы – аудан әкімі орынбасарының міндетін атқарушы, комиссия төрағасының орынбасары; Комиссия мүшелері: Нұрмағамбетов Гайдар Игітайұлы – ауданның ішкі істер бөлімі бастығының Қызметкер жөніндегі орынбасары (келісім бойынша); Голикова Елена Владимировна – «Аудандық медициналық бірлестігі» коммуналдық мемлекеттік қазынашылық кәсіпорнының дәрігер-терапеві (бұдан әрі – «АМБ» КМҚК), медициналық комиссиясының төрағасы (келісім бойынша); Тимащук Светлана Алексанлровна – «АМБ» КМҚК медбикесі, медициналық комиссиясының хатшысы (келісім бойынша);

2. Ауданның қорғаныс істер жөніндегі бөлімінің (бұдан әрі ҚІБ) бастығы Серік Назымбекұлы Назымбековке (келісім бойынша) Осакаров ауданының ҚІБ шақыру учаскесінде 2007 жылғы мерзімді әскери қызметке шақыруды өткізсін.

3. Сырқатқа немесе басқа да себептерге байланысты шақыру комиссиясының мүшелері жоқ жағдайда резервтік комиссия құрамы бекітілсін: Оспанов Бектұрсын Әжібайұлы – ҚІБ бастығының орынбасары – жұмылдыру даярлығы мен аумақтық ҚІБ қорғаныс бөлімшесінің бастығы, комиссия төрағасы, (келісім бойынша); Абильдин Нұржан Шәймерденұлы – аудан әкімінің орынбасары, комиисия төрағасының орынбасары; Ан Виктор Олегович – ауданның ішкі істер бөлімінің орынбасары, тергеу бөлімінің бастығы (келісім бойынша); Бурхин Иван Павлович – «АМБ» КМҚК дәрігер – хирургі (келісім бойынша).

4. Аудандық шақыру комиссиясының барлық мүшелері азаматтарды жедел әскери қызметтік шақыру кезеңіне өз міндеттерін атқарудан жұмыс орындары мен еңбекақысы және атқаратын қызметтері сақтала отырып босатылсын.

5. «АМБ» КМҚК директоры Қанат Ерекеұлы Сәдуақасовқа (келісім бойынша):

1) аудандық шақыру комиссиясының қарамағына қажетті біліммен қаруланған, іс-тәжірибесі мол қажетті білікті дәрігер – мамандар сондай-ақ, медициналық куәландыру өткізуге орта маманды медициналық қызметкерлер бөлсін;

2) аудандық шақыру комиссиясы қажетті медициналық құрал-жабдықтармен, медициналық және шаруашылық мүліктермен қамтамасыз етілсін;

3) стационарларда аудандық шақыру комиссиясының жолдамасы бойынша әскерге шақырылушылардың денсаулығын қосымша тексеруден өткізу үшін резервтік орындар сақталсын;

4) барлық әскерге шақырылушыларды кеуде клетканың флюорографиядан, электрокардиограмма және басқа қажетті талдаулардан өткізуді қамтамасыз етсін;

5) әскерге шақырушыларды тексеру үшін электрокардиограммалық таспалары, рентген үлдірлері резервте болсын;

6. Кентер мен селолық округтердің әкімдері және меншік нысанына қарамастан кәсіпорындар, ұйымдар мен мекемелер басшыларына міндеттелсін:

1) әскерге шақырылушылар ауданның ҚІБ шақырылушылары туралы хабардар етілсін және олардың уақытылы келуі қамтамасыз етілсін;

2) шақырылуға жататын азаматтарды іссапарлардан (демалыстардан) шақырып алу, олардың хабардар етілуін және шақыру учаскесіне уақытылы келіп жетуін ұйымдастыру, шақыру және медициналық куәландыру кезеңіне жұмыстан еңбекақысы және орны сақтала отырып босатылсын;

3) әскерге шақырылушылармен қызметке жіберу дейінгі 3 күн ішінде толық есеп айырысу өткізілсін, сондай-ақ соңғы жұмыс күнге тиісті төленетін барлық сомалар төленсін.

7. Кенттер мен селолық округтер әкімдері қамтамасыз етсін:

1) барлық әскерге шақырушыларға дербес шақыру қағазын тапсыруды,

2) шақыру учаскесіне қызмет ететін қызметкерлер мен автокөліктер бөлуді,

3) әскерге шақырушыларды шақыру комиссиясына кәсіпорындар, ұйымдар және т.б. көліктермен жеткізуді;

4) әскерге шақырылушыларды шақыру комиссиясына жеткізуде қауіпсіздік шаралары сақтауды; әскерге шақырылушыларды тасымалдауды кенттер және селолық округтер немесе ұйымдар, учаскелік полиция инспекторының өкілдері іске асырады.

8. Осакаров ауданының ішкі істер бөлімі бастығының міндетін атқарушы С.Б.Бажбановқа (келісім бойынша):

1) бұрын сотталған, жазасын өтеген, қоғамға қарсы және басқа да қылмыстары үшін тергеуде жүрген әскерге шақырылушылар туралы Осакаров ауданының ҚІБ ақпарат берілсін;

2) Осакаров ауданының ішкі істер бөлімінің қызметкерлерін әскерге шақырылушыларды іздестіру және шақыру учаскесінде тәртіп сақтау үшін аудандық ҚІБ-ге жіберілген қызметкерлерінің тізімі ұсынылсын:

3) әскерге шақырудан жалтарған азаматтарды іздестіру оларды ұстау және шақыру учаскесіне әкелу қамтамасыз етілсін;

4) әскерге шақырушыларға шақыру парағы тапсырылмаған жағдайда әскерге шақырылушы шақыру пунктіне келуі қамтамасыз етілсін;

9. Осы қаулының орындалуы туралы ақпарат аудан әкімінің аппаратына 2007 жылдың 10 шілдесі және 2008 жылдың 10 қаңтарына дейін ұсынылсын.

10. Осы қаулының орындалуына бақылау жасау аудан әкімі орынбасарының міндетін атқарушы Н.С.Көбжановқа жүктелсін.

11. Осы қаулы алғаш рет ресми жарияланған күннен бастап он күнтізбелік күн өткен соң күшіне енеді. КЕЛІСІЛДІ Ауданның қорғаныс істері бөлімінің бастығы С.Н.Назымбеков 2007 жыл «23» 04 КЕЛІСІЛДІ «Аудандық медициналық бірлестігі» коммуналдық кәсіпорнының директоры Қ.Е.Сәдуақасов 2007 жыл «23» 04 КЕЛІСІЛДІ Аудандық ішкі істер бөлімінің бастығының м.а. О.Б.Бажбанов 2007 жыл «23» 04