О проведении приписки граждан 1990 года рождения к призывному участку отдела по делам обороны Нуринского района в 2007 году Күшін жойған

1990 жылы туған азаматтарды Нұра аудандық қорғаныс істер жөніндегі бөлімінің шақыру учаскесінде 2007 жылы тіркеуді өткізу туралы. Қазақстан Республикасының «Әскери міндеттілік және әскери қызмет туралы» Заңының 17 бабына сәйкес және 1990 жылы туған азаматтарды Нұра аудандык қорғаныс істер жөніндегі бөлімінің шақыру учаскесінде тіркеуді сапалы ұйымдасқан түрде өткізу үшін аудан әкімдігі ҚАУЛЫ ЕТЕДІ:

1. 1990 жылы туған азаматтарының тіркеуі 2007 жылдың ақпан-наурыз айларында өткізілсін.

2. Қосымшаға сәйкес тіркеу комиссияның құрамы бекітілсін.

3. Аудандық медициналық бірлестігі (Еспаев Бөкеш Орақұлы – келісім бойынша):

1) тіркеу мәліметтерін есепке алу, емдеуге жіберілетін азаматтардың тізімін есепке алу кітабын дайындасын;

2) шақыру учаскесіндегі медициналық комиссияны қажетті мамандармен және медбикелермен, медициналық дәрі-дәрмек, құрал-жабдық және мүлікпен камтамасыз етсін;

3) тіркеуге жататын азаматтарды лабораториялық, флюрографиялық зерттеуден өтқізуді қамтамасыз етсін;

4) стационарда зерттеуден өту және емдеу үшін қажет орын бөлуді қарастырсын.

4. Аудандық қорғаныс істер жөніндегі бөлімінің бастығы (Жолболдин Қайролла Шәріпұлы - келісім бойынша):

1) маман дәрігерлермен, медбикелермен машық сабақтарын өткізсін;

2) аудандық қорғаныс істер жөніндегі бөлімінде тіркеуді өткізетін орын дайындасын;

3) тіркеудің қорытындылары туралы ақпаратты аудан әкіміне 2007 жылдың 1 сәуіріне дейін ұсынсын.

5. Нұра аудандық ішкі істер бөлімінің бастығы (Канафин Асхат Нұрмұхамедұлы - келісім бойынша) әскери міндеттерін орындаудан жалтарған адамдарды іздестіруге және ұстауға өз кұзыреті шегінде жүзеге асырсын.

6. Аудандық қаржы бөлімі (Николай Анатольевич Баранов) аталмыш шараларды өткізу үшін бюджеттен қажетті қаржы бөлсін.

7. Аудандық жұмыспен қамту және әлеуметтік бағдарламалар бөлімі (Жүпенова Гүлнар Тоқуқызы) мүгедек деп танылған барлық тіркеуге жататын азаматтар туралы мәліметтерді аудандық қорғаныс істер жөніндегі бөліміне хабарласын.

8. Ауыл және кент әкімдері тіркеуге жататын азаматтарға шақырылғаны туралы хабардар етсін және олардың шақыру учаскесіне келуін қамтамасыз етсін.

9. Аудан әкімдігінің 2006 жылғы 12 қантардағы «1989 жылы туған азаматтарды аудандық қорғаныс істер жөніндегі бөлімінің шақыру учаскесінде 2006 жылы тіркеуді өткізу туралы» (Қарағанды облысы Әділет департаментіның Нұра ауданы әділет басқармасында 2006 жылдың 13 ақпанында тіркелінген, тіркеу № 8-14-16) № 02/04 қаулысының күші жойылды деп танылсын.

10. Осы қаулының орындалуын бақылау аудан әкімінің орынбасары Зара Ахметжанқызы Даутоваға жүктелсін. КЕЛІСІЛДІ Аудандық қорғаныс істер жөніндегі бөлімінің бастығы Қ.Ш.Жолболдин 26.12.2006 жыл Аудандық ішкі істер бөлімінің бастығы А.Н.Канафин 26.12.2006 жыл Аудандық медициналық бірлестігінің директоры Б.О.Еспаев 26.12.2006 жыл

Қосымша Аудан әкімдігінің 2006 жылғы 26.12. № 18/09 қаулысымен БЕКІТІЛГЕН Тіркеу комиссияның құрамы:

1. Жолболдин Қайролла Шәріпұлы -комиссия төрағасы, аудандық қорғаныс істер жөніндегі бөлімінің бастығы (келісім бойынша)

2. Даутов Олжас Маратұлы -комиссия төрағасының орынбасары, аудан әкімі аппаратының жетекші маманы

3. Протасенко Константин Викторович - аудандық ішкі істер бөлімі бастығының орынбасары (келісім бойынша)

4. Гизатуллина Лилия Фанауиқызы - аудандық медициналық бірлестігінің терапевт-дәрігері (келісім бойынша)

5. Рыспаева Ляззат Амантаевна - комиссия хатшысы, аудандық медициналық бірлестігінің жұмыскері (келісім бойынша)