1990 жылы туған азаматтарды шақыру учаскесіне тіркеуді өткізуді ұйымдастыру туралы Күшін жойған

1990 жылы туған азаматтарды шақыру учаскесіне тіркеуді өткізуді ұйымдастыру туралы Қазақстан Республикасының «Қазақстан Республикасындағы жергілікті мемлекеттік басқару туралы» Занның басшылыққа алып және Қазақстан Республикасының «Әскери міндеттілік және әскери қызмет туралы» Заңының 17-бабына сәйкес ШЕШІМ ЕТТІ:

1. Орал қаласында тұрақты немесе уақытша тұратын, 1990 жылы туған, сондай-ақ бұдан бұрын тіркеу учаскесіне белгілі бір себептермен тіркелмеген жасы үлкен азаматтарды тіркеу 2007 жылғы қаңтар-наурызда өткізілсін:

2. Орал қаласының білім беру бөлімі (М.Ғ.Берқалиев):

1) тіркеу басталғанға дейін, оқу жылы бойына орта білім алмай оқу орындарынан шығып қалған жігіттердің тізімін тапсырсын және оларды жүмысшы жастар мектептеріне тіркесін.

2) Қазақстан Республикасы Қорғаныс министрлігінің оқу орындарына түсу үшін оқу үлгерімі үздік, жақсы шыныққан жігіттер арасында жұмысты күшейтсін.

3. Орал қаласының жұмыспен қамту және әлеуметтік бағдарламалар бөлімі (Е.М.Абулхатин) Орал қаласының тіркеу пунктіне тіркеуді дайындау және өткізу кезеңіне үш ай мерзімге есептегі жұмыссыздар қатарынан 45 адамды техникалық және қосалқы қызметкерлер ретінде бөлсін.

4. Жігіттерді тіркеу учаскесіне ұйымшылдықпен және толық келуін қамтамасыз ету үшін 3 адамнан: Орал қаласының қорғаныс істері жөніндегі басқармасының, қалалық ішкі істер бөлімі мен әскери міндеттілер өкілдерінен бақылау тобы құрылсын.

5. Аталған шараларға байланысты шығын жергілікті бюджеттің қаражаты есебінен өтелсін.

6. Жігіттерді тіркеу учаскесіне тіркеу кезеңіне мынадай құрамда кәсіби-психологиялық таңдау тобы құрылсын:

1) топ бастығы - Орал қаласының қорғаныс істері жөніндегі басқармасының өкілі;

2) топ мүшелері: Орал қаласының дене шынықтыру және спорт бөлімінің өкілі, психолог-дәрігер, психолог-маман.

7. Осы қаулының орындалуын бақылау Орал қаласы әкімінің орынбасары Е.Р.Мүқаев пен Орал қаласының қорғаныс істері жөніндегі басқармасының быстығы подполковник Д.Ж.Ғалеевке жүктелсін.