О проведении приписки граждан 1990 года рождения, а также граждан старших возрастов не прошедших ранее приписку на призывном участке отдела по делам обороны Сандыктауского района Күшін жойған

1990 жылы туған азаматтарға, сондай-ақ Сандықтау ауданының қорғаныс істері жөніндегі бөлімінің шақыру учаскесінде ертеректе есепке тұрмаған жасы үлкен азаматтарға тіркеу жүргізу туралы Қазақстан Республикасының 2005 жылғы 08 шілдедегі №74 «Әскери міндеттілік және әскери қызмет туралы» Заңының 17 бабының негізінде, азаматтарды әскери есепке алу, олардың санын анықтау, әскери қызметке жарамдылығын және денсаулық жағдайын анықтау, жалпы білім деңгейін және мамандығын белгілеу, дене шынықтыру даярлығы деңгейін анықтау, әскерге шақырылушыларды алдын ала белгілеу, әскери-техникалық мамандықтар бойынша даярлау және әскери оқу орындарына түсу үшін кандидаттарды іріктеу мақсаттарында, Сандықтау ауданының әкімі ШЕШІМ ҚАБЫЛДАДЫ:

1. 1990 жылы туған азаматтарға, сондай-ақ Сандықтау ауданының қорғаныс істері жөніндегі бөлімінің шақыру учаскесінде ертеректе есепке тұрмаған жасы үлкен азаматтарға тіркеу жүргізу 2007 жылдың қаңтар-наурыз айларында жүргізілсін.

2. Тіркеу жүргізу жөніндегі іс-шаралардың орындалуына байланысты, шығындар аудан бюджетінен көзделген ақша есебінен іске асырылсын.

3. Ауыл әкімі және селолық округ әкімдері, ұйымдар басшылары, тіркеуден өтетін, азаматтарды Сандықтау ауданының қорғаныс істері жөніндегі бөлімінің дербес шақыру қағазында көрсетілген, күні мен дәл уақытында міндетті түрде болуы үшін жұмыстан (оқудан) уақытша босатсын, іссапарларынан және демалыстарынан шақыртсын.

4. Ауыл әкімі және селолық округ әкімдері тіркеуден өтетін азаматтардың Сандықтау ауданының қорғаныс істері жөніндегі бөліміне міндетті түрде келуін қамтамасыз етсін.

5. «Ақмола облысы Денсаулық сақтау департаментінің Сандықтау аудандық ауруханасы» мемлекеттік мекемесінің басшысы (келісімі бойынша), азаматтарды медициналық тексеруден өткізу үшін:

1) азаматтарға медициналық куәландыру жүргізу үшін білікті маман дәрігерлердің, сондай-ақ орта медициналық қызметкерлердің қажетті санын бөлсін;

2) азаматтарға қосымша стационарлық тексеру жүргізу үшін шақыру комиссиясының жолдамасы бойынша қажетті мөлшерде төсектер болсын;

3) комиссияны қажетті жабдықтармен және құрал-саймандармен қамтамасыз етсін.

6. Сандықтау аудандық ішкі істер бөлімінің бастығы (келісімі бойынша):

1) тіркеу кезінде шақыру учаскелеріне тіркеуден жалтарушы тұлғаларды іздестірсін және Сандықтау ауданының қорғаныс істері жөніндегі бөліміне жеткізсін;

2) шақыру учаскесіне азаматтарды тіркеу жөніндегі комиссияның жұмыс уақытында шақыру учаскесінде қоғамдық тәртіп сақталуын қамтамасыз етсін.

7. Осы шешімнің орындалуын бақылау аудан әкімінің орынбасары Б.С.Ізбасароваға жүктелсін.

8. Шешім Сандықтау ауданының Әділет басқармасында мемлекеттік тіркелген сәттен күшіне енеді және 2007 жылдың 01 қаңтарынан пайда болған құқық қатынастарына таратылады.

9. Шешім ресми жарияланған күннен бастап іске қосылады.