Об организации и обеспечении приписки граждан Республики Казахстан мужского пола, 1991 года рождения к призывному участку в 2008 году Қолданыста

1991 жылы туған еркек жынысты Қазақстан Республикасының азаматтарын 2008 жылы шақыру учаскесіне тіркеуді ұйымдастыру және қамтамасыз ету туралы Қазақстан Республикасының «Әскери міндеттілік және әскери кызмет туралы» Заңының 17-бабының 3-тармағына сәйкес «Қазақстан Республикасындағы жергілікті мемлекеттік басқару туралы» Қазақстан Республикасы Заңының 33-бабы 1-тармағының 13) тармақшасын басшылыққа ала отырып Федоров ауданының әкімі ШЕШТІ:

1. 2008 жылғы қаңтар-наурызда «Қостанай облысы Федоров ауданының қорғаныс істері жөніндегі бөлімі» мемлекеттік мекемесінің шақыру учаскесіне 1991 жылы туған Қазақстан Республикасының еркек жынысты азаматтарды аудан аумағында тіркеуді ұйымдастырсын және қамтамасыз етсін.

2. Федоров селосында тіркелу орнын ұйымдастырсын.

3. «Федоров аудандық орталық аурухана» мемлекеттік коммуналдық қазыналық кәсіпорынның бас дәрігері «Қостанай облысы Федоров ауданының қорғаныс істері жөніндегі бөлімі» мемлекеттік мекемесімен бірге (келісім бойынша) тіркелу жөніндегі іс-шараларды қамтамасыз етсін.

4. Федоров селосының және селолық округтер әкімдеріне:

1) тіркелу үшін комиссияға азаматтардың келуін қамтамасыз етсін;

2) шақыру учаскесіне азаматтарды жеткізу үшін жеткізу кезінде қолайсыз жағдайлардан сақтану үшін адамдарды жіберсін.

5. «Федоров ауданының қаржы бөлімі» мемлекеттік мекемесі шақыру учаскесіне азаматтарды тіркеу жүргізумен байланысты іс-шараларды қаржыландыру «Қостанай облысы Федоров ауданының қорғаныс істері жөніндегі бөлімі» мемлекеттік мекемесінің шығындар сметасында көзделген қаржылар есебінен жүзеге асырсын.

6. Осы қаулы алғаш ресми жарияланған күнінен кейін он күнтізбелік күн мерзімі өткен соң қолданысқа енгізіледі.