Об организации и проведении приписки граждан 1991 года рождения к призывному участку Қолданыста

1991 жылы туылған азаматтарды әскерге шақыру учаскесіне тізімге алуды ұйымдастыру және өткізу туралы Қазақстан Республикасының «Әскери міндеттілік және әскери кызмет туралы» Заңының 17 бабының 3 тармағына, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 33 бабы 1 тармағының 13 тармақшасына сәйкес, әскерге шақырылушыларды әскери есепке алу үшін Егіндікөл ауданының әкімі ШЕШІМ ЕТТІ:

1. Ауданның қорғаныс істері жөніндегі бірлескен бөлімінің бастығына (бұдан әрі -ҚІЖББ) 2008 жылдың қаңтар-наурыз айларында аудан аймағында 1991 жылы туылған азаматтарды, сондай-ақ жасы үлкен бұрын тізімге алынбаған азаматтарды әскерге шақыру учаскесіне тізімге алу жүргізу тапсырылсын.

2. Қорғаныс істері жөніндегі бірлескен бөлімнің жанынан әскерге шақыру учаскесі құрылсын, мекен жайы: Астрахан ауданы, Алтынсарин көшесі, 63.

3. Ауыл және ауылдық округ әкімдері:

1) тізімге алынуға жататын барлық азаматтарға шақыру қағаздарын тапсырсын;

2) әскерге шақыру учаскесіне келуін қамтамасыз етсін;

3) азаматтарды әскерге шақыру учаскесіне жеткізу үшін шығарып салушылар және қажетті көлік бөлсін, адамдарды тасу кезінде қайғылы оқиғалардың алдын алу шараларын қолдансын.

4. Кәсіпорындар мен ұйымдардың, білім беру мекемелерінің басшылары тізімге алынуға жататын азаматтарды комиссиядан өту, стационарлық тексеру, сондай-ақ амбулаториялық анализдер тапсыру кезеңіне жұмыстан және оқудан босатсын.

5. Аудандық ішкі істер бөлімінің бастығына (келісім бойынша) ҚІЖББ өзара әрекеттесіп, әскерге шақыру учаскесінде тәртіптің сақталуын және тізімге алынудан жалтарып жүрген тұлғаларды іздестіруді қамтамасыз ету ұсынылсын.

6. Азаматтарды тізімге алу жөніндегі іс-шаралардың орындалуымен байланысты шығыстар 2008 жылға арналған аудандық бюджетте қарастырылған қаражаттар есебінен жүзеге асырылсын.

7. ҚІЖББ бастығына (келісім бойынша) 1991 жылы туылған азаматтарды тізімге алу қорытындысы туралы ақпаратты тізімге алу аяқталғаннан соң, 10 күн мерзім ішінде аудан әкіміне тапсыру ұсынылсын.

8. Егіндікөл ауданы әкімінің 2007 жылғы 23 ақпандағы № 1 «1990 жылы туылған азаматтарды әскерге шақыру учаскесіне тізімге алуды ұйымдастыру және өткізу туралы», Егіндікөл ауданы әділет басқармасында 2007 жылғы 05 наурызда № 1-8-49 тіркелген, «Шұғыла-Целинная нива» газетінің 20.03.2007 жылғы № 10 санында ресми жарияланған шешімі күшін жойды деп танылсын.

9. Осы шешімнің орындалуын бақылау аудан әкімінің орынбасары Ж.С. Ысқақоваға жүктелсін.

10. Осы шешім Егіндікөл ауданының әділет басқармасында мемлекеттік тіркеуден өткен күннен бастап күшіне енеді, «Шұғыла-Целинная нива» газетінде ресми жарияланған күннен бастап қолданысқа енгізіледі.

11. Осы шешімнің әрекеті 2008 жылғы 1 қаңтардан бастап туындаған құқықтық қатынастарға таратылады.