Об организации и обеспечении приписки граждан мужского пола 1991 года рождения к призывному участку отдела по делам обороны Шортандинского района Қолданыста

1991 жылы туған еркек жынысты азаматтарды Шортанды ауданының қорғаныс істері жөніндегі бөлімінің шақыру учаскесіне тіркеуін ұйымдастыру және қамтамасыз ету туралы Қазақстан Республикасының «Әскери міндет және әскери қызмет туралы» 2005 жылғы 8 шілдедегі Заңының 17, 18 бабына, Қазақстан Республикасының Үкіметінің «Қазақстан Республикасында әскери міндеттілер мен әскерге шақырылушыларды әскери есепке алуды жүргізу тәртібі туралы ережені бекіту туралы» 2006 жылғы 5 мамырдағы қаулысына, Қазақстан Республикасының «Қазақстан Республикасындағы жергілікті мемлекеттік басқару туралы» 2001 жылғы 23 қаңтардағы Заңының 13) тармақшасына 1 тармағына 33 бабына, 37 бабына сәйкес азаматтарды әскери есепке алу, олардың санын, әскери қызметке жарамдылығын, алынған мамандығының жалпы білімдік деңгейін және дене дайындығының деңгейін анықтау мақсатында, аудан әкімі ШЕШІМ ЕТЕДІ:

1. 1991 жылы туған еркек жынысты азаматтарды және бұрын тіркеуден өтпеген жоғары жастағы азаматтарды Шортанды ауданының қорғаныс істері жөніндегі бөлімінің шақыру учаскесіне тіркеу 2008 жылғы 1 қаңтардан бастап 31 наурызға дейін ұйымдастырылсын және қамтамасыз етсін.

2. Селолық (ауылдық) округтер және Жолымбет, Научный, Шортанды кенттері әкімдеріне, ауданының ұйымдарының басшыларына:

1) Шортанды ауданының қорғаныс істері жөніндегі бөлімге әскер жасына дейінгілердің сандық құрамын құжаттарды ұсынсын;

2) Шортанды ауданының қорғаныс істері жөніндегі бөлімінің шақыру учаскесіне азаматтарды белгіленген күн және сағатта алғашқы әскери дайындық оқытушысы жэне медициналық қызметкермен келуін қамтамасыз етсін;

3) азаматтар әскерге шақыру жасына дейінгілерді әскери есепке қоюға байланысты міндеттерді орындау үшін қажетті уақытқа жұмыстан (оқудан) босатылады.

3. Шортанды ауданының «Жұмыспен қамту және әлеуметтік бағдарламалар бөлімі» мемлекет мекемесі (әрі қарай - ММ) тіркеуді жүргізу уақытына бес адамнан тұратын техникалық қызметкерлер бөлсін.

4. Аудандық ішкі істер бөлімінің бастығы (келісімі бойынша):

1) тіркеуден жалтарушы тұлғаларды іздеуді жүргізіп, Шортанды ауданының қорғаныс істері жөніндегі бөлімге әкелсін;

2) тіркеуді жүргізу уақытына шақыру учаскесінде қоғамдық тәртіпті қамтамасыз етсін.

5. Шортанды ауданының «Қаржы бөлімі» ММ шақыруды жүргізуді қаржыландыруды 2008 жылға көзделген жергілікті бюджет көлемінде қамтамасыз етсін.

6. Осы шешім 2008 жылғы 1 қаңтарда туындаған құқықтық қатынастарға тарайды.

7. Осы шешімінің орындалуын бақылау аудан әкімінің орынбасары Р.Қ.Азденбаеваға жүктелсін.

8. Осы шешім Шортанды ауданының әділет басқармасында мемлекеттік тіркеуден өткен сәттен бастап күшіне енеді және ресми жарияланған күннен кейін қолданысқа енгізіледі.