Об организации отдыха детей и подростков летом 1999 года Күшін жойған

1999 жылдың жазында балалар мен жасөспірімдердің демалысын ұйымдастыру туралы 📌 Ескерту. Күші жойылды - қолдану мерзімінің өтіп кеткендігіне байланысты - Ақтөбе облыстық әкімдігінің 21.12.2004 № 08-3/2691 хаты. Қазақстан Республикасы Үкіметінің 1999 жылғы 19 сәуірдегі № 432 қаулысын орындау үшін және жазғы каникул кезеңінде балалар мен жасөспірімдердің сауықтырылуын және тәрбие жұмыстарын дер кезінде ұйымдастыру мен өткізу мақсатында облыс Әкімі ШЕШІМ ЕТТІ:

1. Аудандардың, Ақтөбе қаласының әкімдері, облыстық білім басқармасы (А. А. Құдайбергенов):

1) балалар мен жасөспірімдердің демалуын, сауықтырылуын және жұмыспен қамтылуын жергілікті бюджеттерде балалармен мәдени шаралар өткізуге көзделген қаражат есебінен, сондай-ақ демеушілік және қайырымдылық көмектерді тарту есебінен ұйымдастырсын және өткізсін;

2) балалар мен жасөспірімдердің демалуы, сауықтырылуы, жұмыспен қамтылуы жөнінде облыстық, қалалық және аудандық комиссияларын құрсын;

3) бірінші кезекте жетім балалардың, ата-анасының қарауынсыз қалган балалардың, аз қамтылған, көп балалы және толық емес отбасы балаларының, қолайсыз экологиялық аудандарда тұратын балалардың демалысын және сауықтырылуын қамтамасыз етсін;

4) мектеп жанындағы күндізгі лагерлерін, мектептен тыс мекемелер жанындағы лагерлерін стационарлық және мектеп жанындағы еңбек және демалыс лагерлерін, окушылардың орман шаруашылығын ұйымдастырсын;

5) жасөспірімдерді жұмыспен қамтуды қамтамасыз ету, каникул кезеңінде уақытша жеңіл еңбек орындарын ұйымдастыру жөнінде заңдарға сәйкес шаралар қабылдасын;

6) жұмыссыздардың отбасы балалары үшін сауықтыру ұйымдарына тегін және женілдікті жолдамалар бөлуді қарастырсын.

2. Облыстық қаржы басқармасы (Б. Е. Жантеміров) жетім балалардың, ата-анасының қамқорлығынсыз қалған балалардың, аз қамтылған, көп балалы отбасы балаларын, қолайсыз экологиялық аудандарда тұратын балалардың жазғы демалыстарын ұйымдастыруға облыстық білім басқармасына 6 млн. теңге бөлсін.

3. Облыстык денсаулық сақтау басқармасы (Ж. Е. Алдашев) сауықтыру лагерлерін медицина қызметкерлерімен толықтырып, олардың санитарлық-эпидемологиялық талаптарына сай болуларын қамтамасыз етсін. Қызмет етушілерді медициналық байқаудан және бактериологиялық зерттеулерден төлемақы алмай өткізсін.

4. Облыстық ішкі істер басқармасы (С. А. Исимов):

1) балаларды тасымалдауда қауіпсіздікті және балаларды сауықтыру ұйымдарында құқықтық тәртіптің сақталуын қамтамасыз етсін;

2) оқушылардың каникул кезеңінде жолдарда және көшелерде балалар мен жас өспірімдердің жарақаттануын төмендетудің алдын алу шараларын қарастырсын.

5. Осы шешімнің орындалуын бақылау облыс Әкімінің орынбасары Е. И. Иманқұловқа жүктелсін.