О квоте иммиграции для Актюбинской области на 1999 год Күшін жойған

1999 жылға арналған Ақтөбе облысы үшін көшіп келу квотасы 📌 Ескерту. Күші жойылды – қолдану мерзімінің өтіп кеткендігіне байланысты, Ақтөбе облыстық әкімдігінің 21.12.2004 № 08-3/2691 хаты. Қазақстан Республикасы Президентінің "1999 жылға арналған көшіп келу квотасы туралы" 1999 жылғы 3 мамырдағы № 128 Жарлығын және Қазақстан Республикасы Үкіметінің 1999 жылғы 6 мамырдағы № 532 Қазақстан Республикасы Президентінің "1999 жылға арналған көшіп келу квотасы туралы" 1999 жылғы 3 мамырдағы № 128 Жарлығын іске асыру туралы" қаулысын орындау мақсатында облыс Әкімі ШЕШІМ ЕТТІ:

1. Қазақстан Республикасы Президентінің 1999 жылғы 3 мамырдағы № 128 Жарлығымен Ақтөбе облысы үшін 1999 жылға арналған 50 отбасы, соның ішінде Ауғаныстаннан – 10 отбасы, Қытай Халық Республикасынан - 20 отбасы, Өзбекстан Республикасынан - 20 отбасы мөлшерінде бекітілген көшіп келу квотасы басшылыққа және орындауға алынсын.

2. Облыстық көші-қөн және демография бөлімі облыс аудандарының, Ақтөбе қаласының әкімдерімен бірігіп, оралмандардың отбасыларын олардың туыстық және өндірістік-шаруашылық байланыстарын ескере отырып, жинақы орналастыруға шаралар алсын. Оралмандар отбасыларының еңбекке жарамды ересек мүшелерінің біліктілігі мен мамандықтарына сәйкес жұмысқа орналасуына, ұлттық кәсіптерін жаңғыртуына, кәсіпкерлік іс-әрекеттерін ұйымдастыруына, фермерлік және шаруа қожалықтарын құруына ықпал етілсін.

3. Ақтөбе қаласы және аудан әкімдері тарихи Отанына қайтып келген оралмандарға қажетті әлеуметтік-тұрмыстық жағдайлар жасалуын қамтамасыз етсін, тұрғын үй салу және шаруашылықпен айналысу үшін белгіленген тәртіп бойынша жер бөліп берсін.

4. Облыстық білім басқармасы (Құдайбергенов А. А.), аудан әкімдері оралмандардың балаларын тиісті оқу орындарына уақытында қабылдау мәселелерін жедел шешіп, қажет болған жағдайларда оларды өз тілінде оқытуды ұйымдастырсын.

5. Облыстық денсаулық сақтау басқармасы (Алдашев Ж.) облысқа көшіп келген оралмандарға тегін дәрігерлік тексеру ұйымдастырып, олардың емдік-профилактикалық көмек алу тәртібін айқындасын.

6. Осы шешімнің орындалуына бақылау жасау облыс Әкімінің орынбасары И. И. Иманкуловқа жүктелсін.