О внесении изменения и дополнений в постановление акимата Актогайского района от 2 июня 2025 года № 103 «Об утверждении Положения о государственном учреждении «Отдел внутренней политики и развития языков Актогайского района» Қолданыста

Ақтоғай ауданы әкімдігінің 2025 жылғы 2 маусымдағы «Ақтоғай ауданының ішкі саясат және тілдерді дамыту бөлімі» мемлекеттік мекемесі туралы ережені бекіту туралы» № 103 қаулысына мынадай өзгеріс пен толықтырулар енгізу туралы Қазақстан Республикасы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабына және Қазақстан Республикасының «Мемлекеттік мүлік туралы» Заңының 124-бабына сәйкес, Павлодар облысының мәдениет, тілдерді дамыту және архив ісі басқармасының 2025 жылғы 25 қыркүйектегі № 7-04/1794 хаты негізінде, Ақтоғай ауданының әкімдігі ҚАУЛЫ ЕТЕДІ:

1. Ақтоғай ауданы әкімдігінің 2025 жылғы 2 маусымдағы «Ақтоғай ауданының ішкі саясат және тілдерді дамыту бөлімі» мемлекеттік мекемесі туралы ережені бекіту туралы» № 103 қаулысына мынадай өзгеріс пен толықтырулар енгізілсін: «Ақтоғай ауданының ішкі саясат және тілдерді дамыту бөлімі» мемлекеттік мекемесі туралы Ережеде: 15-тармақтың 20) тармақшасы мынадай редакцияда жазылсын: 20) «Әкімшілік құқық бұзушылық туралы» Қазақстан Республикасының Кодексінде көзделген әкімшілік құқық бұзушылық туралы істерді қарау және Қазақстан Республикасының тіл туралы заңнамасын бұзғаны үшін әкімшілік жаза қолдану; 15-тармақ мынадай мазмұндағы 20-1) тармақшамен толықтырылсын: 20-1) «Азаматтарды қандай да бір белгілер бойынша кемсітуге жол бермеу бойынша түсіндіру жұмыстарын жүзеге асыру; 20-2) «Рұқсаттар мен хабарламала туралы» Қазақстан Республикасының Заңына сәйкес ауданның елді мекендерінде маңдайшаны орналастыру туралы хабарламаларды қабылдауды және қаруды жүзеге асырады. 15-тармақтың 21) тармақшасы мынадай редакцияда жазылсын: 21) «Республикалық, облыстық, аудандық маңызы бар қалалардағы, астанадағы, кент, ауыл және басқа да елді мекендердегі көше аншлагтарын дұрыс жазу және орналастырылуын келісуді жүзеге асыру.

2. «Ақтоғай ауданының ішкі саясат және тілдерді дамыту бөлімі» мемлекеттік мекемесі заңнамамен белгіленген тәртіпте қамтамасыз етсін: осы қаулыны ресми жариялау және Қазақстан Республикасы нормативтік құқықтық актілерінің эталондық бақылау банкіне қосу үшін шаруашылық жүргізу құқығындағы «Қазақстан Республикасының Заңнама және құқықтық ақпарат институты» Республикалық мемлекеттік кәсіпорнына жолдансын; осы қаулы Ақтоғай ауданы әкімдігінің интернет-ресурсында орналастырылсын.

3. Ақтоғай ауданы әкімдігінің 2025 жылғы 2 маусымдағы «Ақтоғай ауданының ішкі саясат және тілдерді дамыту бөлімі» мемлекеттік мекемесі туралы ережені бекіту туралы» №103 қаулысының күші жойылды деп танылсын.

4. Осы қаулының орындалуын бақылау Ақтоғай ауданы әкімінің жетекшілік ететін орынбасарына жүктелсін

5. Осы қаулы алғашқы ресми жарияланған күнінен бастап қолданысқа енгізіледі.