Бәйдібек аудандық мәслихатының 20 желтоқсан 2006 жылғы № 32/160 «2007 жылға арналған аудан бюджеті туралы» шешіміне өзгерістер мен толықтырулар енгізу туралы Қолданыста

Бәйдібек аудандық мәслихатының 20 желтоқсан 2006 жылғы № 32/160 «2007 жылға арналған аудан бюджеті туралы» шешіміне өзгерістер мен толықтырулар енгізу туралы Қазақстан Республикасының «Қазақстан Республикасындағы жергілікті мемлекеттік басқару туралы» 2001 жылғы 23 қаңтардағы №148-II Заңының 6 бабына, 2004 жылғы 24 сәуірдегі №548-II «Қазақстан Республикасы Бюджет кодексіне» және аудан әкімдігінің 5 акпандағы №58 қаулысына сәйкес аудандық мәслихат ШЕШТІ:

1. Бәйдібек аудандық мәслихаттың 20 желтоқсан 2006 жылғы «2007 жылға арналған аудан бюджеті туралы» (ОҚО Бәйдібек аудандық әділет басқармасында 26 желтоқсан 2006 жылы 14-5-41 нөмірімен тіркелген және 2007 жылғы 5 қаңтарда «Алғабас» газетінің №2 санында жарияланған) №32/160 шешіміне мына төмендегіше өзгерістер енгізілсін: Кірістер деген қатардағы «1722598» саны «2072512» санымен; Салықтық түсімдер деген қатардағы «155295» саны «155434» санымен; Ресми трансферттер түсімі деген қатардағы «1562593» саны «1912368» санымен; Шығындар деген қатардағы «1 722598» саны «2083635» сандарымен ауыстырылсын; мына төмендегі қатарлармен толықтырылсын: Операциялық сальдо «-11123» мың тенге; Бюджет дефициті «-11123» мың тенге; Бюджет дефицитін қаржыландыру «11123» мың тенге; Бюджет қаражаты қалдықтарының қозғалысы «11123» мың тенге. аудан бюджетінің 1 қаңтар 2007 жылға қалған бос қалдық қаржы 11123 мың тенгенің 5460 мың теңгесі нысаналы трансферттерді қайтаруға, 2275 мың тенгесі «тұрғын үй салу» бағдарламасына, 1400 мың теңгесі «Жалғыз терезе» халыққа қызмет көрсету орталығын ашу үшін ғимарат сатып алуға және жөндеу жұмыстарын жүргізуге, 700 мың теңгесі ауылдық жерлерде балаларды мектепке дейін тегін алып баруды және кері алып келуді ұйымдастыру бағдарламасына, 1000 мың теңгесі елді мекендерде көшелерді жарықтандыру бағдарламасына, 188 мың теңгесі жер қатынастары бөлімінің, 100 мың теңгесі ауыл әкімі аппаратының айлық жалақыға қажеттілігін өтеуге жұмсалынсын.

2. Аталған қаулының 1, 2, 3 қосымшалары осы қаулының 1, 2, 3 қосымшаларына сәйкес жаңа редакцияда жазылсын.

3. Осы шешім Бәйдібек аудандық әділет басқармасында мемлекеттік тіркелген күннен бастап қолданысқа енеді.