О внесении изменения в приказ Министра здравоохранения Республики Казахстан от 20 сентября 2017 года № 707 «Об утверждении Методики оценки деятельности административных государственных служащих корпуса «Б» Министерства здравоохранения Республики Казахстан» Күшін жойған

«Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесін бекіту туралы» Қазақстан Республикасы Денсаулық сақтау министрінің 2017 жылғы 20 қыркүйектегі № 707 бұйрығына өзгеріс енгізу туралы «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңы 33-бабының 5-тармағына сәйкес БҰЙЫРАМЫН:

1. «Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесін бекіту туралы» Қазақстан Республикасы Денсаулық сақтау министрлігінің 2017 жылғы 20 қыркүйектегі № 707 бұйрығына (Нормативтік құқықтық актілерді мемлекеттік тіркеу тізілімінде № 15822 болып тіркелген, Қазақстан Республикасы нормативтік-құқықтық актілерінің Эталондық бақылау банкінде 2017 жылғы 17 қазанда жарияланған) мынадай өзгеріс енгізілсін: Осы бұйрыққа қосымшаға сәйкес Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесі жаңа редакцияда жазылсын.

2. Қазақстан Республикасы Денсаулық сақтау министрлігінің Персоналды басқару департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты мемлекеттік тіркеген күннен бастап күнтізбелік он күннің ішінде қазақ және орыс тілдеріндегі қағаз және электрондық түрдегі оның көшірмесін Қазақстан Республикасының нормативтік құқықтық актілерінің Эталондық бақылау банкінде ресми жариялау және қосу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

3) осы бұйрықты мемлекеттік тіркегеннен кейін күнтізбелік он күннің ішінде оның көшірмесін мерзімдік баспасөз басылымдарында ресми жариялауға жіберуді;

4) осы бұйрықты ресми жариялағаннан кейін Қазақстан Республикасы Денсаулық сақтау министрлігінің интернет-ресурсына орналастыруды;

5) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң қызметі департаментіне осы тармақтың 1), 2) 3) және 4) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау Қазақстан Республикасы Денсаулық сақтау министрлігінің жауапты хатшысы Б.Т. Төкежановқа жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Денсаулық сақтау министрінің 2018 жылғы 10 мамырдағы № 242 бұйрығына қосымша Қазақстан Республикасы Денсаулық сақтау министрінің 2017 жылғы 20 қыркүйектегі № 707 бұйрығымен бекітілген Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесі

1-тарау. Жалпы ережелер

1. Осы Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесі (бұдан әрі – Әдістеме) «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңы 33-бабының 5-тармағына сәйкес әзірленді және Қазақстан Республикасы Денсаулық сақтау министрлігінің (бұдан әрі – Министрлік), Қоғамдық денсаулық сақтау комитеті мен Фармация комитетінің (бұдан әрі – Комитеттер) «Б» корпусының мемлекеттік әкімшілік қызметшілерінің (бұдан әрі – «Б» корпусынының қызметшілері) жұмысын бағалау тәртібін айқындайды.

2. Осы Әдістемеде пайдаланылатын негізгі ұғымдар:

1) тікелей басшы – бағаланатын қызметші оның тікелей бағынысында болатын тұлға;

2) жоғары тұрған басшы – бағаланатын қызметшінің тікелей басшысы оның тікелей бағынысындағы тұлға;

3) түйінді нысаналы индикаторлар (бұдан әрі – ТНИ) – Министрліктің стратегиялық жоспарына, саяси мемлекеттік қызметшінің меморандумына «А» корпусы қызметшісінің келісіміне сәйкес белгіленетін не «Б» корпусы қызметшісінің қызметінің ерекшелігіне сәйкес (процестегі жұмыстарды қоспағанда) белгіленетін, «Б» корпусы қызметшісінің олардың қызметінің тиімділігіне қол жеткізілгенін дәлелдейтін көрсеткіштер;

4) жеке жұмыс жоспары – «Б» корпусы қызметшісінің бағалау кезеңіне ТНИ көзделетін және тікелей басшысымен бірлесіп құрылатын және жоғары тұрған басшы бекіткен құжат;

5) құзыреттер – нақты мемлекеттік лауазымда кәсіби қызметті тиімді орындау үшін қажетті білімнің, білігі мен дағдылардың жиынтығы;

6) мінез-құлық индикаторы – «Б» корпусы қызметшісінің мінез-құлық сипаттамасы және құзыреттер деңгейі көрінісі.

3. «Б» корпусы қызметшілерінің қызметін бағалау (бұдан әрі – бағалау) олардың жұмысының сапасы мен тиімділігін айқындау үшін өткізіледі.

4 «Б» корпусы қызметшісінің нақты лауазымда болу, соның ішінде әлеуметтік демалыстан шыққаннан немесе оқуды аяқтағаннан кейінгі мерзімі үш айдан кем болған жағдайда, сондай-ақ сынақ мерзімі кезеңінде бағалау өткізілмейді. Бағалауды өткізу кезінде «Б» корпусы қызметшілері еңбек демалысында, жалақы сақталмайтын демалысында, уақытша еңбекке жарамсыздығы кезеңінде, іссапарды немесе тағылымдамада болғанда не қайта даярлауға, біліктілігін арттыруға жіберілгенде жұмысына қайта кіріскеннен кейін 5 жұмыс күні ішінде бағалаудан өтеді.

5. Бағалауды өткізу үшін «Б» корпусы қызметшісін мемлекеттік лауазымға тағайындауға және мемлекеттік лауазымнан босатуға құқығы бар лауазымды тұлға (бұдан әрі - уәкілетті тұлға) персоналды басқару қызметі жұмыс органы болып табылатын Бағалау жөніндегі комиссия (бұдан әрі - Комиссия) құрылады. Комиссия құрамын уәкілетті тұлға айқындайды, комиссия мүшелерінің саны кемінде 5 адамды құрады.

6. Бағалау екі жеке бағыт бойынша жүргізіледі:

1) ТНИ жетістіктерін бағалау;

2) «Б» корпусы қызметшілерінің құзыреттерін бағалау.

7. ТНИ орындалуын бағалау нәтижелері бонустар төлеу, көтермелеу, ротациялау, мемлекеттік лауазымдардан төмендету немесе босату үшін шешім қабылдауға негіз болып табылады. Құзыреттерді бағалау нәтижелері «Б» корпусы қызметшісінің қажетті құзыреттерін дамытуға негіз болып табылады. Бұл ретте, құзыреттерді бағалау нәтижелері бонустар төлеуге, көтермелеуге, ротациялауға, мемлекеттік лауазымдардан төмендетуге немесе босатуға әсер етпейді.

8. Бағалауға байланысты құжаттар персоналды басқару қызметінде бағалау аяқталғаннан кейін үш жыл бойы сақталады.

2-тарау. ТНИ анықтау тәртібі

9. Бағалау кезеңі басталғаннан кейін осы Әдістеменің 1-қосымшасына сәйкес нысанда 10 жұмыс күні ішінде «Б» корпусы әкімшілік мемлекеттік қызметшісінің ТНИ тікелей басшы жеке жұмыс жоспарына сәйкес бойынша айқындалады.

10. Жеке жұмыс жоспары тиісті ТНИ әзірленгеннен кейін ол бекіту үшін жоғары тұрған басшының қарауына енгізіледі.

11. Егер «Б» корпусы қызметшісінің тікелей басшысы Министрліктің бірінші басшысы болып табылған жағдайда жеке жұмыс жоспарын осы лауазымды тұлға бекітеді.

12. ТНИ осы Әдістеменің 13-тармағында көрсетілген талаптарға сәйкес келмесе жоғары тұрған басшы жеке жұмыс жоспарын түзетуге қайтарады. Жеке жұмыс жоспарын жоғары тұрған басшының қарауына қайта енгізу, түзетуге жолданған күннен бастап 2 жұмыс күнінен кешіктірілмей жүзеге асырылады.

13. ТНИ:

1) нақты (күтілетін оң өзгерістер көрсетіле отырып қол жеткізуге тиісті нәтиже анық белгіленеді);

2) өлшенетін (ТНИ өлшеу үшін нақты өлшемшарттар белгіленеді);

3) қолжетімді (ТНИ қолда бар ресурстарды, құзыреттер мен шектеулерді ескеріле отырып белгіленеді);

4) уақытпен шектеуі (бағаланатын кезең ішінде ТНИ қол жеткізу мерзімі белгіленеді);

5) Министрліктің стратегиялық мақсаттарын іске асыруға бағдарланған болуға тиіс.

14. ТНИ саны 5 құрайды.

15. Жеке жоспар персоналды басқару қызметінде сақталады.

3-тарау. ТНИ қол жеткізуді бағалау тәртібі

16. Жеке жұмыс жоспарында көзделген ТНИ қол жеткізуді бақылауды жүзеге асыру мақсатында тікелей басшы белгіленген ТНИ тоқсан сайын мониторингті жүзеге асырады. Тоқсан сайынғы мониторинг қорытындысы бойынша тікелей басшы бағалауға жататын «Б» корпусы қызметшісіне ТНИ-ге қол жеткізу және ол үшін қажетті одан арғы жасалатын шаралар бойынша жазбаша ұсыныстар береді.

17. Бағалауды өткізу үшін «Б» корпусы қызметшісінің тікелей басшысы осы Әдістемеге 2-қосымшаға сәйкес нысана бойынша ТНИ бойынша бағалау парағын толтырады және оған қол қояды.

18. Жеке жұмыс жоспарының іске асырылуын бағалау жеке жұмыс жоспары құрылған жыл қорытындысы бойынша ТНИ бағалау негізінде мынадай тәртіпте жүзеге асырылады. Барлық ТНИ-ға қол жеткізілген кезде «өте жақсы» баға қойылады. ТНИ санының 5-еуінің 4-еуіне қол жеткізілген жағдайда «тиімді» баға қойылады. ТНИ санының 5-еуінің 3-уіне қол жеткізілген «қанағаттанарлық» баға қойылады. ТНИ санының 5-еуінің 3-уінің кеміне қол жеткізілген кезде «қанағаттанарлықсыз» баға қойылады. ТНИ-ге қол жеткізу жеке жоспарда көзделген барлық көрсеткіштердің толық орындалуын көздейді.

19. Тікелей басшы бағалау парағын толтырғаннан кейін, ол жоғары тұрған басшының қарауына енгізіледі.

20. Егер «Б» корпусы қызметшісінің тікелей басшысы Министрліктің бірінші басшысы болған жағдайда бағалау парағы оның қарауына енгізіледі.

21. «Б» корпусы қызметшісінің бағалау парағын қарау қорытындысы бойынша жоғары тұрған басшы мынадай шешімдердің бірі қабылданады:

1) бағалаумен келісу;

2) пысықтауға жіберу.

22. Бағалау парағы ТНИ қол жеткізуді дәлелдейтін фактілердің жеткілікті немесе дұрыс болмаған жағдайда пысықтауға жіберіледі.

23. Бағалау парағын жоғары тұрған басшының қарауына қайта енгізу, оны түзетуге жолдағаннан кейін 2 жұмыс күнінен кешіктірілмей жүзеге асырылады.

24. Жоғары тұрған басшы бағалау парағына қол қойғаннан кейін персоналды басқару қызметі 2 жұмыс күнінен кешіктірмей оны Комиссияның қарауына ұсынады.

4-тарау. Құзыреттерді бағалау тәртібі

25. Құзыреттерді бағалауды тікелей басшы жүргізеді және оның қортындысы бойынша осы Әдістемеге 3-қосымшаға сәйкес нысан бойынша бағалау парағы толтырылады.

26. Бағалау парағын толтырған кезде әр бір құзырет бойынша «Б» корпусы мемлекеттік лауазымдар санаттары үшін осы Әдістемеге 4-қосымшада көзделген мінез-құлық индикторларының жиынтығын басшылыққа алу қажет. Бір құзырет бойынша мінез-құлық индикаторларының саны оннан аспайды.

27. Қызметші құзыретінің даму деңгейін бағалау кезеңінде оның қызметінде байқалатын мінез-құлық индикторларының саны мынадай тәртіпте айқындалады:

1) қызметшінің қызметінде белгілі бір құзыретпен көзделген мінез-құлық индикторларының 3/4 немесе одан аса байқалған жағдайда «күтілген нәтижеге сәйкес келеді» бағасы қойылады.

2) қызметшінің қызметі нақты құзыреті үшін көзделген мінез-құлық индикаторларының 3/4-нен кеміне сәйкес келмесе, бағаланатын құзырет бойынша «күтілген нәтижеге сәйкес келмейді» бағасы қойылады.

28. Тікелей басшы бағалау парағына қол қойғаннан кейін персоналды басқару қызметі 2 жұмыс күнінен кешіктірмей оны Комиссияның қарауына ұсынады.

5-тарау. Бағалау нәтижелерін Комиссияның қарауы және бағалау нәтижесіне шағымдану

29. Персоналды басқару қызметі Комиссия төрағасының келісімі бойынша бағалауды өткізу кестесін қалыптастырады және бағалауды өткізуге дейін жеті жұмыс күні аралығында бағалауды жүргізетін тұлғаларды бағалау жүргізу туралы хабарлайды.

30. Комиссияның отырысы оның құрамының кем дегенде үштен екісі қатысқан жағдайда өкілетті болып есептеледі.

31. Комиссияның төрағасын не мүшесін алмастыру комиссияны құру туралы бұйрыққа өзгерістер енгізу арқылы уәкілетті тұлғаның шешімі бойынша жүзеге асырылады.

32. Комиссияның шешімі ашық дауыс беру арқылы қабылданады.

33. Дауыс беру қорытындысы Комиссия мүшелерінің көпшілік дауысымен айқындалады. Дауыс саны тең болған жағдайда, бағалау жөніндегі комиссия төрағасының дауысы шешуші болып табылады.

34. Комиссияның хатшысы персоналды басқару қызметінің қызметшісі болып табылады. Комиссияның хатшысы дауыс беруге қатыспайды.

35. Персоналды басқару қызметі Комиссия төрағасымен келісілген мерзімдерге сәйкес Комиссия отырысын өткізуді қамтамасыз етеді.

36. Персоналды басқару қызметі Комиссияның отырысына мынадай құжаттарды:

1) толтырылған бағалау парақтарын;

2) осы Әдістемеге 5-қосымшаға сәйкес Комиссия отырысының хаттамасының жобасын ұсынады;

37. Комиссия бағалау нәтижелерін қарайды және мына шешімдердің бірін қабылдайды:

1) бағалау нәтижелерін бекіту;

2) бағалау нәтижелерін қайта қарау.

38. Бағалау нәтижелерін қайта қарау туралы шешім қабылданған жағдайда Комиссия бағалау нәтижесін түзетеді және оны хаттаманың «Комиссияның бағалау нәтижелері (болған жағдайда)» бағанынада көрсетіледі.

39. Бағалау нәтижелерін уәкілетті тұлға бекітеді және осы Әдістемеге 5-қосымшаға сәйкес нысан бойынша тиісті хаттамада бекітіледі.

40. Персоналды басқару қызметі «Б» корпусының қызметшісін бағалау нәтижелерімен ол аяқталған күннен бастап екі жұмыс күні ішінде таныстырылады.

41. «Б» корпусының қызметшісін бағалау нәтижелерімен таныстыру жазбаша түрде жүргізіледі. Қызметші танысудан бас тартқан жағдайда, еркін түрде акт жасалып, персоналды басқару қызметі және Министрліктің (Комитеттердің) басқа екі қызметшісі қол қойған акт толтырылады.

42. «Б» корпусы қызметшісінің танысудан бас тартуы бағалау нәтижелерін оның қызметтік тізіміне енгізуге кедергі болмайды. Бұл жағдайда персоналды басқару қызметі «Б» корпусы қызметшісінің бағалау нәтижесін мемлекеттік органдардың интранет-порталы арқылы жібереді.

43. «Б» корпусы қызметшісінің Комиссия шешіміне шағымдануы мемлекеттік қызмет істері жөніндегі уәкілетті органда немесе оның аумақтық департаментінде шешім шыққан күннен бастап он жұмыс күні ішінде жүзеге асырылады. Шағымдарды қарау қорытындысы бойынша мемлекеттік қызмет істері жөніндегі уәкілетті орган мынадай шешімдердің біреуін қабылдайды:

1) Министрлікке (Комитеттерге) Комиссия шешімін жоюды және «Б» корпусы қызметшісінің бағалау нәтижесін қайта қарау бойынша ұсыныс беру;

2) «Б» корпусы қызметшісінің бағалау нәтижесін қайта қараусыз қалдыру.

44. «Б» корпусы қызметшісі бағалау нәтижелеріне сот тәртібінде шағымдануға құқылы.

Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесіне 1-қосымша Нысан «БЕКІТЕМІН» Жоғары тұрған басшы _____________________________ (тегі, аты-жөні) күні __________________________ қолы _________________________ «Б» корпусы мемлекеттік әкімшілік қызметшісінің жеке жұмыс жоспары __________________________________ жыл (жеке жоспар құрастырылатын кезең) Қызметшінің (тегі, аты, әкесінің аты (болған жағдайда))_______________________________ Қызметшінің лауазымы: _________________________________________________________ Қызметшінің құрылымдық бөлімшесінің атауы:______________________________________ _______________________________________________________________________________ р/с № Түй­ін­ді ны­са­на­лы ин­ди­ка­тор­лар­дың ата­уы Са­я­си мем­ле­кет­тік қыз­мет­ші­нің неме­се «А» кор­пу­сы қыз­ме­ті­ші­сі ке­лі­сі­мі­нің қай көр­сет­кі­ші­нен неме­се мем­ле­кет­тік жос­пар­лау жүй­е­сі­нің құ­жа­ты­нан түй­ін­де­ле­ді Өл­шем бір­лі­гі Жос­пар­лы мәні Қол жет­кі­зу мер­зім­де­рі Түп­кі­лік­ті нәти­же* * Түйінді нысаналы индикатор қол жеткізуден күтілетін оң өзгерістер Қызметші ___________________________ (те­гі, аты-жө­ні) күні _______________________ қолы ____________________ Тікелей басшы ___________________________ (тегі, аты-жөні) күні _______________________ қолы ____________________

Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесіне 2-қосымша Нысан «БЕКІТЕМІН» Жоғары тұрған басшы ________________________________ (тегі, аты-жөні) күні ____________________________ қолы ___________________________ ТНИ бойынша бағалау парағы ____________________________________________________ (Т.А.Ә.,бағаланатын тұлғаның лауазымы) ____________________________________ (бағаланатын кезең) р/с № Түй­ін­ді ны­са­на­лы ин­ди­ка­тор­лар­дың ата­уы Өл­шем бір­лі­гі Жос­пар­лы мәні Нақ­ты мәні Көр­сет­кіш­ке қол жет­ті/көр­сет­кіш­ке қол жет­кіз­бе­ді Бағалау нәтижесі __________________________________________________ (қанағаттанарлықсыз, қанағаттанарлық, тиімді, өте жақсы) Қызметші ___________________________ (тегі, аты-жөні) күні _______________________ қолы ____________________ Тікелей басшы ___________________________ (тегі, аты-жөні) күні _______________________ қолы ____________________

Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесіне 3-қосымша Нысан Құзыреттер бойынша бағалау парағы _________________жыл (бағаланатын жыл) Бағаланатын қызметшінің (тегі, аты, әкесінің аты (бар болса) ___________________________________________________________________ Бағаланатын қызметшінің лауазымы: __________________________________ Бағаланатын қызметшінің құрылымдық бөлімшесінің атауы: __________________________________________________________________ р/с № Құ­зы­рет­тер ата­уы Ба­ға­лау нәти­же­ле­рі (кү­ті­ле­тін нәти­же­ге сәй­кес/кү­ті­ле­тін нәти­же­ге сәй­кес емес) Қыз­мет­ші­де бай­қал­ма­ған мі­нез-құлық ин­ди­ка­тор­ла­ры­ның ата­уы (кү­ті­ле­тін нәти­же­ге сәй­кес емес ба­ға­сын ал­ған жағ­дай­да) 1 Қыз­мет­ті бас­қа­ру 2 Ын­ты­мақ­та­стық 3 Ше­шім қа­был­дау 4 Же­дел­ді­лік 5 Өзін-өзі да­мы­ту 6 Қыз­мет­ті тұ­ты­ну­шы­ға бағ­дар­ла­ну * 7 Қыз­мет­ті тұ­ты­ну­шы­лар­ды ха­бар­лан­ды­ру * 8 Адал­дық 9 Жа­у­ап­кер­ші­лік 10 Ба­ста­ма­шыл­дық 11 Стрес­ске тө­зім­ді­лік *Лауазымдық міндеттеріне мемлекеттік қызмет көрсету мәселелері жатпайтын «Б» корпусының мемлекеттік қызметшілері «Қызметті тұтынушыға бағдарлану» және «Қызметті тұтынушыларды хабарландыру» құзыреттері бойынша бағаланбайды. Қызметші ___________________________ (тегі, аты-жөні) күні _______________________ қолы ____________________ Тікелей басшы ___________________________ (тегі, аты-жөні) күні _______________________ қолы ____________________

Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесіне 4-қосымша Нысан Құзыреттердің мінез-құлық индикаторлары Құзыреттер атауы Мемлекеттік әкімшілік лауазымдар санаты Тиімді мінез-құлық индикаторлары Тиімсіз мінез-құлық индикаторлары ҚЫЗМЕТТІК БАСҚАРУ C-1; С-0-1. • Стратегиялық бағыттарға сәйкес нақты міндеттер қояды және тапсырмалар береді; • Бөлімшенің берілген міндеттерді сапалы және уақтылы орындауына ұжымды бағыттайды және жағдай жасайды; • Бөлімше жұмысын басымдылығына қарай тиімді ұйымдастырады; • Стратегиялық бағыттарға сәйкес нақты міндеттер қоя алмайды және тапсырмалар бере алмайды; • Берілген міндеттерді сапалы және уақтылы орындауына ұжымды бағыттамайды және жағдай жасамайды • Бөлімше жұмысын басымдылығына мән бермей тиімсіз ұйымдастырады; C-2 (департамент директорының орынбасары); C-3 (басқарма басшысы, басқарма басшысының орынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3; • Бөлімшенің қызметін жоспарлау мен қамтамасыз етуге қажетті ақпараттарды жинақтап, талдайды және басшылыққа енгізеді; • Сеніп тапсырылған ұжымның жұмысын жоспарлайды және ұйымдастырады, олардың жоспарланған нәтижелерге қол жеткізуіне ықпал етеді; • Қызметкерлердің қойылған міндеттердің орындалуы барысындағы қызметіне бақылау жүргізеді; • Бөлімше жұмысының нәтижелелілігін және сапасын қамтамасыз етеді; • Бөлімшенің қызметін жоспарлау мен қамтамасыз етуге қажетті ақпараттарды жинақтап, талдамайды және басшылыққа енгізбейді; • Сеніп тапсырылған ұжымның жұмысын жоспарламайды және ұйымдастырмайды, олардың жоспарланған нәтижелерге қол жеткізуіне ықпал етпейді; • Қызметкерлердің қойылған міндеттердің орындалуына бақылау жүргізбейді; • Бөлімше жұмысының нәтижелелілігін және сапасын қамтамасыз етпейді; C-2; * C-3; * C-4; C-5; С-0-4; * С-0-5; С-0-6; C-R-4; C-R-5; * осы бағанның жоғары тұрған қатарында көрсетілген тұлғалардан басқа • Басымдылығына қарай тапсырмаларды маңыздылығы ретімен қояды; • Басшылыққа сапалы құжаттар дайындайды және енгізеді.; • Өлшеулі уақыт жағдайында жұмыс жасай алады; • Белгіленген мерзімдерді сақтайды. • Тапсырмаларды жүйесіз орындайды; • Сапасыз құжаттар әзірлейді; • Жедел жұмыс жасамайды; • Белгіленген мерзімдерді сақтамайды. ЫНТЫМАҚТАСТЫҚ C-1; С-0-1. • Өз құзыреті шегінде қызметкерлерді мемлекеттік органдармен және ұйымдармен тиімді қарым-қатынасқа бағдарлайды ; • Қойылған міндеттерге қол жеткізу үшін әрбір қызметкердің әлеуетін пайдаланады; • Басқа бөлімшелермен бірлесіп жоспарды жүзеге асырады және ортақ нәтижеге қол жеткізеді. • Өз құзыреті шегінде қызметкерлерді мемлекеттік органдармен және ұйымдармен тиімді қарым-қатынасқа бағдарламайды ; • Қойылған міндеттерге қол жеткізу үшін кейбір қызметкерлердің әлеуетін пайдаланады; • Басқа бөлімшелермен бірлесіп жоспарды жүзеге асыра алмайды және ортақ нәтижеге қол жеткізбейді. C-2 (департамент директорының орынбасары); C-3 (басқарма басшысы, басқарма басшысының орынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3 • Ұжымда сенімді қарым-қатынас орнатады; • Бөлімшенің қоғаммен тиімді жұмысын ұйымдастыру бойынша ұсыныс жасайды; • Бірлесіп жұмыс атқару үшін әріптестерімен тәжірибесімен және білімімен бөліседі; • Әрқайсысының нәтижеге жетуге қосқан үлесін анықтайды. • Ұжымда өзара сенімсіз қарым-қатынас орнатады; • Бөлімше және қоғаммен тиімді жұмыс ұйымдастыру бойынша ұсыныс жасамайды; • Бірлесіп жұмыс атқару үшін әріптестерімен тәжірибесімен және білімімен бөліспейді; • Бағыныстағы тұлғалардың нәтижеге жетуге қосқан үлесін анықтамайды. C-2; * C-3; * C-4; C-5; С-0-4; * С-0-5; С-0-6; C-R-4; C-R-5; * осы бағанның жоғары тұрған қатарында көрсетілген тұлғалардан басқа • Ұжымның жұмысына үлесін қосады және қажет болған жағдайда түсіндірме үшін аса тәжірибелі әріптестеріне жүгінеді; • Мемлекеттік органдар мен ұжымдардың өкілдерімен және әріптестерімен қарым-қатынасты дамытады; • Талдау барысында пікір алмасады және талқылау нәтижесін ескере отырып, тапсырмаларды орындайды. • Жұмыста тұйықтық ұстанымын білдіреді және түсіндірме үшін аса тәжірибелі әріптестеріне жүгінбейді; • Әртүрлі мемлекеттік органдар мен ұйымдардың өкілдерімен және әріптестерімен өзара әрекеттеспейді; • Әріптестерімен мәселелерді талқыламайды. ШЕШІМ ҚАБЫЛДАУ C-1; С-0-1. • Міндеттерді дұрыс бөле алады; • Шешім қабылдау барысында мүмкін болатын қауіптер туралы хабарлайды; • Шешім қабылдау барысында альтернативті ұсыныс жасайды; • Тиімді және жүйелі шешім қабылдайды; • Жеке тәжірибесіне, басқа да маңызды болып табылатын мәліметтерге негізделген шешім қабылдайды • Бөлімшеде міндеттерді дұрыс бөле алмайды; • Орын алуы мүмкін қауіптер туралы хабарламайды; • Шешім қабылдау барысында альтернативті ұсыныс жасамайды; • Тиімсіз және жүйесіз шешім қабылдайды; • Шешім қабылдау барысында тек өзінің жеке тәжірибесіне және көзқарасына сенеді. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. • Бөлімше қызметін ұйымдастыруда тапсырмаларды дұрыс бөле алады; • Шешім қабылдауда қажетті ақпараттарды жинауды ұйымдастырады; • Шешім қабылдаудағы тәсілдерді ұжыммен талқылайды; • Әртүрлі дереккөздерден алынған мағлұматтарды ескере отырып, мүмкін болатын қауіптерді талдайды және болжамдайды; • Мүмкін болатын қауіптер мен салдарларды ескере отырып, құзыреті шегінде шешім қабылдайды. • Бөлімше қызметін ұйымдастыруда тапсырмаларды дұрыс бөле алмайды; • Шешім қабылдауда қажетті ақпараттарды жинауды сирек ұйымдастырады; • Шешім қабылдаудағы тәсілдерді ұжыммен талқылаудан бас тартады және басқалардың пікірін ескермейді; • Әртүрлі дереккөздерден алынған мағлұматтарды ескермейді, мүмкін болатын қауіптерді талдамайды және болжамайды; • Шешім қабылдау барысында мүмкін болатын қауіптер мен салдарларды ескермейді. C-2; * C-3; * C-4; C-5; С-0-4; * С-0-5; С-0-6; C-R-4; C-R-5; * осы бағанның жоғары тұрған қатарында көрсетілген тұлғалардан басқа • Қажетті мәліметтерді таба алады; • Мүмкін болатын қауіптерді ескере отырып, мәселелерді шешудің бірнеше жолын ұсынады; • Өзінің пікірін негіздей алады. • Қажетті мәліметтерді таба алмайды; • Мүмкін болатын қауіптерді ескермейді немесе мәселелерді шешудің альтернативасын ұсынбайды; • Негізсіз пікір білдіреді. ҚЫЗМЕТТІ ТҰТЫНУШЫҒА БАҒДАРЛАНУ C-1; С-0-1. • Стратегиялық мақсаттар мен басымдылықтарды ескеріп, нақты міндеттер қоя алады; • Қызмет көрсетудің тиімді әдістерін біледі; • Көрсетілетін қызметтердің қолжетімділілігін қамтамасыз етеді; • Қызмет тұтынушылардың қанағаттанушылығына талдау жүргізеді және қызмет көрсетуді жетілдірудің жолдарын қарастырады. • Стратегиялық мақсаттар мен басымдылықтарды ескермей, анық емес міндеттер қоя алады; • Қызмет көрсетудің әдістері туралы шала-шарпы біледі; • Көрсетілетін қызметтердің қолжетімділілігін қамтамасыз етпейді; • Көрсетілетін қызмет бойынша тұтынушылардың қанағаттанушылығына талдау жүргізбейді және қызмет көрсетуді жетілдірудің жолдарын қарастырмайды. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3; * осы бағанның жоғары тұрған қатарында көрсетілген тұлғалардан басқа • Сапалы қызмет көрсету жөніндегі жұмыстарды ұйымдастырады және туындаған мәселелерді шешеді; • Кері байланысты қамтамасыз ету мақсатында қанағаттанушылық дейгейін анықтауға жағдай жасайды; • Қызмет көрсетудің сапасын бақылайды, сондай-ақ жеке үлгі болу арқылы көрсетеді. • Сапалы қызмет көрсету жөніндегі жұмыстарды ұйымдастырмайды және туындаған мәселелерді шешпейді; • Кері байланысты қамтамасыз ету мақсатында қанағаттанушылық дейгейін анықтауға жағдай жасамайды; • Сапасыз қызмет көрсетуге жол береді, қызықпаушылық білдіреді. C-2; * C-3; * C-4; C-5; С-0-4; * С-0-5; С-0-6; C-R-4; C-R-5. * осы бағанның жоғары тұрған қатарында көрсетілген тұлғалардан басқа • Сыпайы және тілектестікпен қызмет көрсетеді; • Қызмет көрсетуге қанағаттанушылық деңгейін талдайды және оларды жетілдірудің жөнінде ұсыныстар енгізеді; • Қызмет көрсету сапасын жақсарту бойынша ұсыныс енгізеді. • Қызмет алушыға дөрекілік және немқұрайлылық білдіреді; • Тұтынушының сұрақтары мен мәселелеріне мән бермейді; • Қызмет көрсету сапасын жақсарту бойынша белсенділік танытпайды. ҚЫЗМЕТТІ ТҰТЫНУШЫҒА АҚПАРАТТАНДЫРУ C-1; С-0-1. • Ұжымға қызмет алушы тұтынушылар арасында көрсетілетін қызметтер туралы ақпараттарды жеткізу қажеттілігі туралы үнемі түсіндіреді; • Көрсетілетін қызметтер туралы ақпараттандырудың тиімді тәсілін құрастырады. • Ұжымға қызмет алушы тұтынушылар арасында көрсетілетін қызметтер туралы ақпараттарды жеткізу қажеттілігі туралы түсіндіру жұмыстарын жүргізбейді; • Көрсетілетін қызметтер туралы ақпараттандырудың тиімсіз тәсілін құрастырады. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. * осы бағанның жоғары тұрған қатарында көрсетілген тұлғалардан басқа • Бағыныстағыларды қызмет алушыларды қолжетімді ақпараттандыруға бағдарлайды; • Тұтынушыға ақпараттарды құрметпен және игілікпен жеткізеді; • Қызмет тұтынушыларының пікірін құрметтейді. • Бағыныстағылармен қызмет алушыларды ақпараттандыру бойынша жұмыс жүргізбейді; • Тұтынушыға ақпараттарды жеткізбейді немесе немқұрайлы және жақтырмай жеткізеді; • Қызмет тұтынушыларының пікірін елемейді. C-2; * C-3; * C-4; C-5; С-0-4; * С-0-5; С-0-6; C-R-4; C-R-5. * осы бағанның жоғары тұрған қатарында көрсетілген тұлғалардан басқа • Қызмет алушыларды ақпараттандырудың тиімді тәсілдерін қолданады; • Тұтынушыға ақпаратты қолжетімді ауызша және жазбаша түрде жеткізеді; • Көрсетілетін қызметтер туралы ақпаратты уақтылы қабылдай және жібере алады. • Қызмет алушыларды ақпараттандырудың тиімсіз тәсілдерін қолданады; • Тұтынушыға ақпаратты ауызша және жазбаша түрде жеткізбейді немесе түсініксіз жеткізеді; • Көрсетілетін қызметтер туралы ақпаратты уақтылы қабылдай және жібере алмайды. ЖЕДЕЛДІЛІК C-1; С-0-1. • Ұжымға жаңа басымдықтарды уақытылы жеткізеді; • Өзгерістерді уақтылы елеу үшін тиімді шаралар қабылдайды; • Бөлімшені тиімді басқарады және ішкі және сыртқы өзгерістер кезінде нәтижеге қол жеткізеді; • Жұмыстың жаңа бағыттарын қолдану бойынша ұсыныстарын талдайды және басшылыққа енгізеді. • Ұжымға жаңа басымдықтарды жеткізбейді немесе мерзімнен кеш жеткізеді; • Өзгерістерді уақтылы елеу үшін шаралар қабылдамайды немесе тиімсіз шаралар қабылдайды; • Бөлімшені тиімсіз басқарады және ішкі және сыртқы өзгерістер кезінде нәтижеге қол жеткізбейді; • Жұмыстың жаңа бағыттарын қолдану бойынша ұсыныстарын талдамайды және басшылыққа енгізбейді. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. * осы бағанның жоғары тұрған қатарында көрсетілген тұлғалардан басқа • Жұмыстың жаңа бағыттарын пайдалану жөніндегі ұсыныстарды қарайды және басшылыққа енгізеді; • Болып жатқан өзгерістерге талдау жасайды және жұмысты жақсарту бойынша уақтылы шаралар қабылдайды; • Өзгерістерді дұрыс қабылдауды өзінің үлгі өнегесімен көрсетеді. • Жұмыстың жаңа бағыттарын пайдалану жөніндегі ұсыныстарды қарамайды және басшылыққа енгізбейді; • Болып жатқан өзгерістерге талдау жасамайды және жұмысты жақсарту бойынша шаралар қабылдамайды; • Болып жатқан және күтілмеген өзгерістер кезінде өзін-өзі бақыламайды. C-2; * C-3; * C-4; C-5; С-0-4; * С-0-5; С-0-6; C-R-4; C-R-5 * осы бағанның жоғары тұрған қатарында көрсетілген тұлғалардан басқа • Жұмысты жақсарту жөнінде ұсыныстар енгізеді; • Оларды енгізудің жаңа бағыттары мен әдістерін үйренеді; • Өзгеріс жағдайларында өзін -өзі бақылайды; • Өзгеріс жағдайларында тез бейімделеді. • Жұмыстың қолданыстағы рәсімдері мен әдістерін ұстанады; • Жаңа бағыттар мен әдістерді зерттеп оларды енгізбейді; • Өзгеріс жағдайларында өзін-өзі бақылай алмайды; • Өзгеріс жағдайларында бейімделмейді немесе баяу бейімделеді. ӨЗ бетінше дамуы C-1; С-0-1. • Үлгілі қызметкерлерді жоғарылату туралы ұсыныстарды қарастырып, енгізеді. • Қызметкерлерді дамыту бойынша жүйелі шараларды қабылдайды; • Әріптестерімен жинақталған тәжірибесімен, білімімен бөліседі, сондай-ақ, олардың даму деңгейін анықтайды; • Өздігінен дамуға ұмтылысын өзінің жеке үлгісінде көрсетеді; • Үлгілі қызметкерлерді анықтамайды және оларды жоғарылату туралы ұсыныстарды қарастырмайды; • Қызметкерлерді дамыту бойынша жүйелі шараларды қабылдамайды немесе жүйесіз шараларды қабылдайды; • Әріптестерімен жинақталған тәжірибесімен, білімімен бөліспейді, сондай-ақ, олардың даму деңгейін анықтамайды; • Өздігінен дамуға ұмтылысын өзінің жеке үлгісінде көрсетуге көңіл бөлмейді. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. * осы бағанның жоғары тұрған қатарында көрсетілген тұлғалардан басқа • Бағыныстылардың құзыреттер деңгейін жоғарылату бойынша іс-шаралар ұсынады; • Мақсатқа жету үшін өзінің құзыреттерін дамытады және оларды бағыныстыларда дамыту үшін шаралар қабылдайды; • Бағыныстылармен олардың құзыреттерін, оның ішінде дамуды қажет ететін құзыреттерді талқылайды. • Бағыныстылардың құзыреттер деңгейінің жоғарылауына қызығушылық танытпайды; • Мақсатқа жету үшін өзінің және бағыныстыларының құзыреттерін дамытпайды; • Бағыныстылармен олардың құзыреттерін талқыламайды. C-2; * C-3; * C-4; C-5; С-0-4; * С-0-5; С-0-6; C-R-4; C-R-5. * осы бағанның жоғары тұрған қатарында көрсетілген тұлғалардан басқа • Жаңа білімдер мен технологияларға қызығушылық танытады; • Өзіндігінен дамуға ұмтылады, жаңа ақпараттар мен оны қолданудың әдістерін ізденеді; • Тәжірибеде тиімділікті арттыратын жаңа дағдыларды қолданады. • Жаңа білімдер мен технологияларға қызығушылық танытпайды; • Өзіндігінен дамуға ұмтылмайды, жаңа ақпараттар мен оны қолдану әдістерімен қызықпайды; • Өзінде бар дағдылармен шектеледі. АДАЛДЫҚ C-1; С-0-1. • Жұмыскерлермен әдептілік нормалары мен стандарттарының сақталуын қамтамасыз етеді; • Ұжымда мемлекеттік қызметтің әдептілік нормалары мен стандарттарына берілгендік деңгейін дамытады; • Басқалардың жетістіктерін мойындайды, әріптестерінің намысы мен абыройына нұқсан келтіретін олардың жеке және кәсіби қасиеттерін талқылаудан тартынады; • Әдептілік нормалардың бұзылғандығын елеп ескереді және анықтайды; • Риясыздық, әділдік, адал ниеттілік, сондай-ақ, жеке тұлғаның намысы мен абыройына құрмет таныта отырып, бағыныстылары үшін әдепті мінез-құлықтың үлгісі болады. • Өзінің бөлімше жұмысының тәжірибесінде ашықтық, шынайылық және әділдікке бағытталған әдеп нормалары мен құндылықтарды біріктіреді; • Жұмыскерлермен әдептілік нормалары мен стандарттарының сақталуын қамтамасыз етпейді; • Мемлекеттік қызмет жолын ұстаушылық әркімнің жеке ісі деп есептейді; • Басқалардың жетістіктерін мойындамайды, әріптестерінің намысы мен абыройына нұқсан келтіретін олардың жеке және кәсіби қасиеттерін талқылауға жол береді; • Әдептілік нормалардың бұзылғандығын елеп ескермейді; • Риясыздық, әділдік, адал ниеттілік, сондай-ақ, жеке тұлғаның намысы мен абыройына құрмет танытпайды; • Өзінің бөлімше жұмысының тәжірибесінде ашықтық, шынайылық және әділдікке бағытталған әдеп нормалары мен құндылықтарды біріктірмейді; C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. * осы бағанның жоғары тұрған қатарында көрсетілген тұлғалардан басқа • Белгіленген стандарттар мен нормалардың, шектеулер мен тыйымдардың сақталуын бақылайды; • Ұжымның мүддесін өз мүддесінен жоғары қояды; • Жұмыста табандылық танытады; • Ұжымдағы сыйластық пен сенім ахуалын қалыптастырады; • Бағыныстылардың іс-әрекетінде шынайылық және әділеттілік принциптерін сақтауды қамтамасыз етеді; • Риясыздық, әділдік, адал ниеттілік, сондай-ақ, жеке тұлғаның намысы мен абыройына құрмет таныта отырып, бағыныстылары үшін әдепті мінез-құлықтың үлгісі болады. • Ұжымда белгіленген стандарттар мен нормалардың, шектеулер мен тыйымдардың орын алуына жол береді; • Өз мүддесін ұжым мүддесінен жоғары қояды; • Жұмыста табандылық танытпайды; • Ұжымдағы сыйластық пен сенім ахуалын қалыптастырмайды; • Бағыныстылардың іс-әрекетінде шынайылық және әділеттілік принциптерін сақтауды қамтамасыз етпейді; C-2; * C-3; * C-4; C-5; С-0-4; * С-0-5; С-0-6; C-R-4; C-R-5. * осы бағанның жоғары тұрған қатарында көрсетілген тұлғалардан басқа • Белгіленген әдептілік нормалары мен стандарттарына сүйенеді; • Өзінің жұмысын адал орындайды; • Өзін адал, қарапайым, әділ ұстайды, басқаларға сыпайылық және биязылық танытады. • Белгіленген әдептілік нормалары мен стандарттарына сай келмейтін мінез-құлықтар танытады; • Өзінің жұмысын орындау барысында немқұрайлылық білдіреді; • Өзін адалсыз, шамданған және басқаларға дөрекілік және менсізбеушілік қасиеттерін танытады; СТРЕССКЕ төзімділік C-1; С-0-1. • Сынға сабырлықпен қарайды және негізді болған жағдайда, кемшіліктерді жою жөнінде шаралар қабылдайды. • Сынға сабырсыз қарайды және негізді болған жағдайда, кемшіліктерді жою жөнінде шаралар қабылдамайды. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. * осы бағанның жоғары тұрған қатарында көрсетілген тұлғалардан басқа • Сынға сабырлықпен қарайды және негізді болған жағдайда, кемшіліктерді жою жөнінде шаралар қабылдайды. • Сынға сабырсыз қарайды және негізді болған жағдайда, кемшіліктерді жою жөнінде шаралар қабылдамайды. C-2; * C-3; * C-4; C-5; С-0-4; * С-0-5; С-0-6; C-R-4; C-R-5. * осы бағанның жоғары тұрған қатарында көрсетілген тұлғалардан басқа • Сынға сабырлықпен қарайды және негізді болған жағдайда, кемшіліктерді жою жөнінде шаралар қабылдайды. • Сынға сабырсыз қарайды және негізді болған жағдайда, кемшіліктерді жою жөнінде шаралар қабылдамайды. ЖАУАПКЕРШІЛІК C-1; С-0-1. • Құрылымдық бөлімшенің қызметін ұйымдастыруды жеке жауапкершілігіне алады. • Құрылымдық бөлімшенің қызметін ұйымдастыру жауапкершілігін басқа лауазымды тұлғаға артады. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. • Құрылымдық бөлімше қызметін ұйымдастыруды жеке жауапкершілігіне алады. • Құрылымдық бөлімшенің қызметін ұйымдастыру жауапкершілігін басқа лауазымды тұлғаға артады. C-2; * C-3; * C-4; C-5; С-0-4; * С-0-5; С-0-6; C-R-4; C-R-5; * осы бағанның жоғары тұрған қатарында көрсетілген тұлғалардан басқа • Өз ісі мен нәтижелері үшін жауаптылықта болады. • Өз ісі мен нәтижелері үшін жауаптылықты басқа тұлғаға артады. БАСТАМАШЫЛДЫҚ C-1; С-0-1. • Қызмет тиімділігін жоғарылатуға бағытталған инновациялық тәсілдер мен шешімдер енгізу жөніндегі ұсыныстарды түзеді және қарастырады. • Қызмет тиімділігін жоғарылатуға бағытталған инновациялық тәсілдер мен шешімдер енгізу жөніндегі ұсыныстарды әзірлемейді және қарастырмайды. C-2 (департамент директорының орынбасары); C-3 (басқарма басшысы, басқарма басшысының оынбасары); С-0-2; С-0-3; С-0-4 (бөлім басшысы); C-R-1; C-R-2; C-R-3. • Қызмет тиімділігін жоғарылатуға бағытталған инновациялық тәсілдерін және шешімдерін ендіру бойынша ұсыныстарды талдайды және енгізеді. • Қызмет тиімділігін жоғарылатуға бағытталған инновациялық тәсілдерін және шешімдерін ендіру бойынша ұсыныстарды талдамайды және енгізбейді. C-2; * C-3; * C-4; C-5; С-0-4; * С-0-5; С-0-6; C-R-4; C-R-5. * осы бағанның жоғары тұрған қатарында көрсетілген тұлғалардан басқа • Ұсыныстар мен бастамаларын енгізеді және өзінің негізгі міндеттерінен басқа қосымша жұмыстарды орындайды. • Ұсыныстар мен бастамаларын енгізбейді және өзінің негізгі міндеттерінен басқа қосымша жұмыстарды орындамайды.

Қазақстан Республикасы Денсаулық сақтау министрлігінің «Б» корпусының мемлекеттік әкімшілік қызметшілерінің жұмысын бағалау әдістемесіне 5-қосымша Нысан «БЕКІТЕМІН» Уәкілетті тұлға ________________________________ (тегі, аты-жөні) күні ____________________________ қолы ___________________________ Бағалау жөніндегі комиссия отырысының хаттамасы ____________________________________________________________________ (мемлекеттік органның атауы) ____________________________________________________________________ (бағалау мерзімі жыл) р/с № Қыз­мет­ші­лер­дің те­гі, аты, әке­сі­нің аты (бар бол­са) Ба­ға­лау нәти­же­ле­рі ту­ра­лы мә­лі­мет Ко­мис­си­я­ның ба­ға­лау нәти­же­ле­рін тү­зе­туі (болған жағ­дай­да) Ко­мис­си­я­ның ұсы­ны­ста­ры 1. 2. ... Комиссия қорытындысы: ___________________________________________________________________ Тексерілді: Комиссия хатшысы: _____________________________ Күні: _____________ (тегі, аты-жөні, қолы) Комиссия төрағасы: ____________________________ Күні: _____________ (тегі, аты-жөні, қолы) Комиссия мүшесі: ______________________________ Күні: _____________ (тегі, аты-жөні, қолы)