Об организации отдыха, оздоровления и занятости детей и подростков в летний период 2000 года Күшін жойған

2000 жылдың жазғы кезеңінде балалар мен жасөспірімдердің демалысын, сауықтырылуын және бос уақытын ұйымдастыру туралы 📌 Ескерту. Күші жойылды - қолдану мерзімі өтіп кеткендігіне байланысты, Ақтөбе облыстық әкімдігінің 21.12.2004 № 08-3/2691 хаты. Қазақстан Республикасы Үкіметінің 2000 жылғы 21 наурыздағы № 415 қаулысын орындау және 2000 жылғы жазғы каникул кезеңінде балалар мен жасөспірімдердің демалысын, сауықтырылуын және бос уақытын ұйымдастыруға қажетті жағдайлар жасау, балалардың қадағалаусыз қаулының тәртіп бұзушылығы мен қылмысының алдын алу, олардың денсаулығын, қауіпсіздігін және шығармашылығын дамытуды қамтамасыз ету мақсатында облыс Әкімі ШЕШІМ ЕТТІ:

1. Ақтөбе қаласымен аудандардың әкімдері, облыстық білім басқармасы:

1) 2000 жылдың жазында балалар мен жасөспірімдердің демалысын, сауықтырылуын және бос уақыттарын жергілікті бюджеттерде балалар мен мәдени шаралар өткізуге көзделген қаражат есебінен, сондай-ақ демеушілік және қайырымдылық көмектерді тарту есебінен ұйымдастырудың нақты шараларын алсын;

2) Бірінші кезекте жетім балалардың, ата-анасының қарауынсыз қалған, тұрмыстары төмен көп балалы, толық емес, тұратын, мүгедек балалардың демалысын және сауықтырылуын қамтамасыз етсін;

3) Мектеп жанындағы күндізгі лагерлерді, мектептен тыс мекемелер жанындағы лагерлерді, стационарлық және мектеп жанындағы еңбек және, демалыс лагерлерін, орман шаруашылығын ұйымдастырсын;

2. Облыстық қаржы басқармасы Б. Е. Жантемиров облыстық бюджеттің кіріс бөлігін артық түсімдері есебінен жетім, ата-анасының қамқорлығынсыз қалған, тұрмыстары төмен, көп балалы отбастарындағы, қолайсыз экологиялық аудандарда тұратын балалардың жазғы демалыстарын ұйымдастыруға облыстық білім басқармасына 8 млн. тенге бөлсін және облыстық Мәслихаттың кезекті сессиясында тиісті өзгерістермен бекітсін.

3. Облыстық мәдениет Е. Ж. Құрманбеков, бұқаралық ақпарат және қоғамдық келісім Ж. М. Қуанышәлі басқармалары:

1) Балалар мен жасөспірімдердің жазғы демалысы, сауықтылуын және бос уақыттарын өткізуге мәдениет ұйымдарының қатысуын қамтамасыз етсін;

2) Балалар мен жасөспірімдердің жазғы демалысы, сауықтылуын және бос уақыттарын бұқаралық ақпарат құралдарында кеңінен көрсетсін;

4. Облыстық туризм және спорт комитеті А. П. Лобах:

1) Балалар мен жасөспірімдер жұмыстарға спорт ұйымдарының қатысуын қамтамасыз етсін;

2) Балалар мен жасөспірімдер үшін бұқаралық-спорт ұйымдарының сауықтыру шараларын ұйымдастырсын;

5. Облыстық сақтау басқармасы Ж. Е. Алдашев сауықтыру лагерлерін медицина қызметкерлерімен толықтырсын олардың санитарлық-эпидемиологиялық талаптарына сай болуларын қамтамасыз етсін. Қызмет етушілерді медициналық байқаудан және бактериологиялық бақылау шаралары ақысыз тегін жүргізілсін.

6. Облыстық ішкі істер басқармасы С. А. Исимов:

1) Балаларды тасымалдауда қауіпсіздікті және балаларды сауықтыру ұйымдарында құқықтық тәртіптің сақталуын қамтамасыз етсін;

2) Жазғы каникул кезеңінде жолдарда және көшелерде балалар жарақатын төмендетудің алдын алу шараларын қарастырсын.

7. Облыстық төтенше жағдайлар жөніндегі басқарма С. В. Крутько балалардың сауықтыру ұйымдарында өрт қауіпсіздігін қамтамасыз етуге ықпал етсін.

8. Осы шешімнің атқарылуын бақылау облыс Әкімінің орынбасары А. Қ. Есіркеповке жүктелсін.