О региональной Программе поддержки и развития малого предпринимательства в Западно-Казахстанской области на 2001-2002 годы Күшін жойған

Батыс Қазақстан облысында шағын кәсіпкерлікті қолдау және дамытудың 2001-2002 жылдарға арналған аймақтық бағдарламасы туралы 📌 Ескерту. Күші жойылды - Батыс Қазақстан облыстық мәслихатының 02.07.2004 № 9-4 шешімімен. Қазақстан Республикасы Үкіметінің «Қазақстан Республикасында бағдарламалар әзірлеудің ережесін бекіту туралы» 2000 жылғы 25 мамырдағы №789-ші Қаулысы мен Қазақстан Республикасының «Қазақстан Республикасындағы жергілікті мемлекетті басқару туралы» Заңының 6-шы бабына сәйкес облыстық мәслихат шешім ЕТТІ:

1. Батыс Қазақстан облысында шағын кәсіпкерлікті қолдау және дамытудың 2001-2002 жылдарға арналған аймақтық бағдарламасы бекітілсін:

2. Аймақтық бағдарламаға сәйкес шағын кәсіпкерлікті қаражаттандыру үшін 2001-2002 жылдардағы облыстық бюджеттің шығыс бөлігінде, 60 млн. теңге (жыл сайын 30 млн.) бекітілсін.

3. Шағын кәсіпкерлікті қолдау үшін жыл сайын облыстық бюджетті қалыптастырғанда тиісті қаржы бөлу облыстық қаржы басқармасына тапсырылсын.

4. Облыстық басқармалар мен комитеттеріне, қала және аудан әкімдеріне бағдарламада көзделген шараларды уақытында іске асыру жүктелсін.

5. Олыстық кәсіпкерлікті қолдау және дамыту басқармасына (Батаев Б.Ә.) облыстық бюджеттің есебінен шағын кәсіпкерлік субъектілерін несиелендіру және шағын кәсіпкерлікті дамытуды қолдау бағдарламасын қаржыландыру тәртібі жөніндегі ережені, облыстық комиссияның құрамына облыстық мәслихат депутаттарын енгізу туралы, басымдықтардың техникалық- экономикалық көрсеткіштерімен негізгі жобалардың тізімін, осы мақсаттарға бұрын бөлінген қаражаттардың пайдаланғаны туралы ақпараты облыстық мәслихаттың кезекті сессиясының бекітуіне ұсынылсын.

6. Бағдарламаны іске асыру бағытындағы жұмыстарды үйлестіру мен қадағалау кәсіпкерлікті қолдау және дамыту облыстық департаментіне тапсырылсын.

7. Облыстық мәслихаттың 17 қаңтар 2001 жылғы «Батыс Қазақстан облысында шағын кәсіпкерлікті қолдау және дамытудың 2001-2002 жылдарға арналған бағдарламасы туралы» №9-6 шешімінің күші жойылсын.

Батыс Қазақстан облысы Батыс Қазақстан облысында шағын кәсiпкерлiктi қолдаудың және дамытудың 2001-2002 жылдарға арналған аймақтық Бағдарламасы 2000 жыл Мазмұны Бағдарламаның паспорты 1-бөлім. Бағдарламаның негізгі ережелері 1.1.Кіріспе 1.2. Өзекті мәселенің қазіргі жағдайы 2-бөлім Кәсіпкерлікті және қайта құрылған кәсіпорындарды дамытудың басым бағыттары бойынша тұрақты жұмыс істеп тұрған шағын бизнес субъектілерінің тізімі 3-бөлім. Бағдарламаның негізгі шаралары 3.1. Шағын кәсіпкерлікті несие қаржымен және инвестициямен қолдау 3.2. Өндірістік және инновациялық қолдау 3.3. Шағын кәсіпкерлікті қолдау инфрақұрылымын дамыту 3.4. Шағын кәсіпкерлікті қорғау инфрақұрылымын дамыту 3.5. Заңдық және нормативтік базаны жетілдіру 3.6. Шағын кәсіпкерлікті кадрмен және ғылыми-әдістемемен қамтамасыз ету 3.7. Аймақтық шағын кәсіпкерлікті дамыту 4-бөлім. Бағдарламаны іске асыру тетіктері 5-бөлім. Бағдарламаны ресурспен қамтамасыз ету 6-бөлім. Күтілетін тиімділік нәтижесі Батыс Қазақстан облысында шағын кәсiпкерлiктi қолдаудың және дамытудың 2001-2002 жылдарға арналған аймақтық Бағдарламасы Атауы: Батыс Қазақстан облысында шағын кәсiпкерлiктi қолдаудың және дамытудың 2001-2002 жылдарға арналған аймақтық Бағдарламасы Бағдарламаны әзірлеу жөніндегі шешім: Қазақстан Республикасының «Шағын кәсiпкерлiктi мемлекеттiк қолдау туралы» Заңы, Қазақстан Республикасы Үкiметiнiң «Қазақстан Республикасы Үкiметiнiң 2000-2002 жылдарға арналған iс-қимыл бағдарламасын iске асыру жөнiндегi шаралар Жоспары туралы» 2000 жылғы 7 наурыздағы № 367 және «Қазақстан Республикасында бағдарлама әзiрлеудiң ережесiн бекiту туралы» 2000 жылғы 25 мамырдағы № 789 қаулылары, Қазақстан Республикасында шағын кәсiпкерлiктi дамытудың және қолдаудың 2001-2002 жылдарға арналған мемлекеттiк Бағдарламасы. Негiзгi әзiрлеушiлер: Батыс Қазақстан облысы әкiмiнiң аппараты, Кәсiпкерлiктi қолдау және дамыту департаментi, кәсiпкерлердiң, банк құрылымдарының, сақтандыру, заңды және аудиторлық фирмалардың, кәсiпкерлер Ассоциаларының ұсыныстарын есепке алған Халықаралық бизнес орталығы Бағдарламаның мақсаты: Шағын кәсiпкерлiктi тұрақты дамытуды, оның аймақтық салалық құрылымдарға жетуiн қамтамасыз ету, жаңа жұмыс орындарын ұлғайту, жұмыссыздық деңгейiн кемiту және кедейшiлiкпен күресу, нақты бәсекелестiк орта құру, қоғамда орта класты көбiрек қалыптастыру. Бағдарламаның мiндеттерi: Бағдарламаның мақсаттарын iске асыру үшiн төмендегiдей мiндеттердi шешу қарастырылады: - нарықтық инфрақұрылымның тиiмдi институттарын қалыптастыру және дамыту; - жеке секторлардың несие ресурстарына, пайдаланылмай тұрған өндiрiстiк ғимараттарға, жабдықтарға қол жеткiзу тетiктерiн әзiрлеу; - жаңа жұмыс орындарын ашу арқылы халықты жұмыспен қамтамасыз ету жөнiнде шаралар алу, еңбек белсендiлiгiн дамыту, тұтыну рыногын товарлардың түр-түрiмен және қызметпен толтыру; - кәсiпкерлiктi даярлау, қайта даярлау және бiлiмдi арттыру жүйесiн ұйымдастыру; - шағын кәсiпкерлiктi дамытудың және қорғаудың құқықтық нормаларын жетiлдiру; - өнеркәсiп, ауыл шаруашылығы, консалтинг, қаржы, инновация салаларында және тұрмыстық және басқа қызмет салаларында шағын бизнестi қолдау және дамыту; - шағын кәсiпкерлiктi қолдау және қорғау мәселелерiнде мемлекеттiк емес ұйымдардың рөлiн күшейту. Бағдарламаның негiзгi шаралары: - шағын кәсiпкерлiктi несие қаржылай және инвестициялық қолдау; - шағын кәсiпкерлiктi өндiрiстiк және инновациялық қолдау; - шағын кәсiпкерлiктi қолдау инфрақұрылымын дамыту; - шағын кәсiпкерлiктi қорғау инфрақұрылымын дамыту; - шағын кәсiпкерлiктi қолдаудың және дамытудың нормативтiк-құқықтық базасын жетiлдiру; - кадрмен және ақпаратпен қамтамасыз ету; - кәсiпкерлiктi аймақтық дамыту. Қаржыландыру көздерi: Шағын кәсiпкерлiктi мемлекеттiк қолдауды қаржымен қамтамасыз ету жыл сайын осы мақсаттарға жергiлiктi бюджетте қаралған қаржы шегi есебiнен, сондай-ақ мақсатты заемдардан, облыс алған мемлекеттiк нақты гранттардан, мақсатты заемдардан, мамандандырылған қорлардың, банктердiң, екiншi деңгейдегi банктер қорының мақсатты заемдарынан және басқа да тартылған қаржылар есебiнен жүзеге асырылады. Бағдарламаны iске асырудан күтiлетiн ең соңғы нәтиже: Шағын бизнес субъектiлерi санын өсiру, оны 2002 жылдың аяғында 17500-ге, соның iшiнде 2001 жылы 17000-ге дейiн жеткiзу, олардың өндiрiстiк, әлеуметтiк, қаржы, инновациялық және басқа салалармен оңтайлы қатынаста болуына қол жеткiзу. Шағын бизнес саласында жұмыс iстейтiндер санын 2002 жылдың аяғында 125000 адамға, соның iшiнде 2001 жылы 115000 адамға дейiн өсiру.

1-БӨЛIМ. Бағдарламаның негiзгi ережелерi

1.1. Кiрiспе Батыс Қазақстан облысында шағын кәсiпкерлiктi қолдаудың және дамытудың 2001-2002 жылдарға арналған аймақтық Бағдарламасын Қазақстан Республикасының «Шағын кәсiпкерлiктi мемлекеттiк қолдау туралы» Заңына, ҚР Үкiметiнiң «Қазақстан Республикасы Үкiметiнiң 2001-2002 жылдарға арналған iс-қимыл бағдарламасын iске асыру жөнiндегi шаралар туралы» 2000 жылғы 7 наурыздағы № 367 қаулысына, «Қазақстан Республикасында бағдарлама әзiрлеудiң Ережесiн бекiту туралы» Қазақстан Республикасы Үкiметiнiң 2000 жылғы 25 мамырдағы № 789 қаулысына сәйкес кәсiпкерлердi, «Шағын бизнес орталығы» ассоциациясын, Халықаралық бизнес орталығын, банк құрылымдарын, сақтандыру, Заң және аудиторлық фирмаларды қатыстыра отырып, облыс әкiмiнiң аппараты, кәсiпкерлiктi қолдау және дамыту департаментi әзiрледi. Бұл бағдарлама кәсiпкерлiктi қолдаудың және дамытудың 1999-2000 жылдарға арналған мемлекеттiк бағдарламасына сабақтастық принципi ретiнде қалыптастырылған, сондықтан оны iске асыру тұтас елiмiзде, соның iшiнде Батыс Қазақстан облысында жеке бизнестiң қалыптасуы мен өркендеуiне негiз болады.

1.2. Өзектi мәселенiң қазiргi жағдайы Шағын кәсiпкерлiктi қолдаудың және дамытудың бұрыңғы бағдарламаларының iске асырылуын талдау көрсеткенiндей облыста шағын кәсiпкерлiктi өркендетудiң негiзi қалануда деген қорытынды жасауға болады. Шағын кәсiпкерлiктi дамытпайынша нарықтық экономиканы нығайту мүмкiн емес. Мұны дамушы елдердiң тәжiрибесi айқын көрсетiп отыр, бұларда жалпы ұлттық өнiмнiң жартысынан астамы шағын кәсiпкерлiк есебiнен алынады және 80 пайызға дейiнгi еңбекке жарамды халықты жаңа жұмыс орындарымен қамтамасыз етуде. Шағын кәсiпкерлiк белгiлi бiр дәрежеде жұмыссыздық деңгейi мен қоғамдағы әлеуметтiк шиеленiстi кемiтудi, нақты бәсекелiк ортаны құруды, қоғамда орта кластың көп қалыптасуын қамтамасыз етедi. Сондықтан шағын кәсiпкерлiктi мемлекеттiк қолдауды және дамытуды ынталандыру жалпы ұлттық басымдық болып отыр. Облыста кәсiпкерлiктi қолдау және дамыту жөнiндегi мемлекеттiк саясатты атқарушы органдардың ойдағыдай жүргiзуiнiң нәтижесiнде соңғы жылдары шағын бизнес кәсiпорындарының сапалық және сандық құрылымында айтарлықтай өзгерiстер болды. 2000 жылдың 1 қазанындағы жағдай бойынша облыста 3910 заңды тұлға тiркелдi, оның 2423-i жұмыс iстейдi, бұл 62 пайызды құрайды. Жеке кәсiпкерлiкпен 12344 шаруашылық субъектiсi шұғылданады, бұл өткен жылдың осы кезеңiндегiден 2908 бiрлiкке артық. Шаруа қожалықтары 3580 бiрлiк құрап отыр. Жалпы шағын кәсiпкерлiк саласында 77180 адам жұмыс iстейдi. Облыстың экономикасы саласында iстейтiн тұрғындарында оның үлес салмағы 26,4 пайыз құрайды. Үстiмiздегi жылдың 9 айында шағын бизнестiң шаруашылық субъектiлерi арқылы 14657,5 млн. теңгенiң өнiмi өндiрiлдi, қызметтерi көрсетiлiп, жұмыстары орындалды. Бұл 1999 жылдың осы кезеңiндегiмен салыстырғанда 2 есе көп. Өнiмдердi өткiзу, орындалған жұмыс пен көрсетiлген қызмет көлемiнiң салалық құрылымы төмендегiдей: Өнеркәсiп - 2214,8 млн. теңге (15,1%); Ауыл шаруашылығы - 1669,1 млн. теңге (11,4%); Құрылыс - 556,2 млн. теңге (3,8%); Көлiк және байланыс - 761,9 млн. теңге (5,2%); Сауда - 7290,7 млн. теңге (49,7%); Қонақ үйлер мен ресторандар - 73,6 млн. теңге (0,5%); Басқа да қызмет түрлерi - 2091,2 млн. теңге (14,3%). 2000 жылдың 1 қазанында облыста 449 ауыл шаруашылығы өнiмдерiн қайта өңдеу жөнiндегi желiлер мен шағын қайта өңдеу цехтары тiркелдi. Шағын бизнес субъектiлерiнен барлығы 1344 млн. теңге салық түстi, оның iшiнде заңды тұлғалардан 1120 млн. теңге, патенттер мен куәлiктер негiзiнде жұмыс iстейтiн жеке тұлғалардан 179,3 млн. теңге, бiр жолғы чектер бойынша iстейтiндерден 44,7 млн. теңге түстi. Екiншi деңгейдегi банктер арқылы 419 шағын бизнес субъектiсi 688,7 млн. теңге сомасында несиелендiрiлдi, соның iшiнде басым бағыттардағы шағын кәсiпкерлiк субъектiлерiн қаржылай қолдау үшiн облыстық бюджеттен бөлiнген қаржыдан 20 шағын кәсiпкерлiк субъектiсi 36,85 млн. теңге сомасында несие алды. Халықтық банктер Қайта жобалау және дамыту Европа банкi желiсi бойынша 72 шағын кәсiпкерлiк субъектiсiне 40,7 млн. теңге сомасында несие берiлдi. Несие салымдарының құрылымын талдау көрсеткенiндей, бөлiнген несиенiң көпшiлiк үлесi коммерциялық құрылымдарға 77,1%, өнеркәсiп кәсiпорындарына 2%, ауыл шаруашылығына 5%, басқа түрлерге 15,6%, құрылысқа 0,3% болып отыр. Шағын бизнестi неғұрлым көп қаржыландырған "Темiрбанк", "Казкоммерцбанк", "Халықтық банк", "ТуранӘлембанк" және "Центркредит" банк болып отыр. Облыста тұрмысы төмен азаматтарды қолдау жөнiндегi аймақтық қор арқылы аз қамтамасыз етiлген азаматтарға материалдық көмек көрсету жөнiнде жұмыстар жүргiзiлуде. Үстiмiздегi жылдың 9 айында Қор арқылы 54 азаматқа 78,9 мың теңге материалдық көмек көрсетiлдi, 445 азаматқа 448,1 мың теңгенiң азық-түлiк пен киiм ретiнде көмек берiлдi. 5 азаматқа 180 мың теңге шағын несие берiлдi, оның 4 бизнес-жобасы мал шаруашылығын дамытуға, 1-i өсiмдiк шаруашылығын дамытуға бағытталды. 1999 жылдың қорытындысы бойынша шағын несие қайтарымдылығы 24%, бүгiнгi күнi 44% құрап отыр. Үстiмiздегi жылы "Фермерлiк қордың көмегi" арқылы 80 шаруа қожалықтарына 14 млн. теңге сомасында несие бөлiндi. Шағын бизнес саласына инвестиция тарту жөнiнде жұмыстар жүргiзiлуде. "Евразия" Америкалық қоры арқылы Халықаралық бизнес орталығынан қызметкерлердi оқытуға және шағын несиелеудi жүзеге асыруға 32 мың АҚШ доллары сомасында грант алынды. Облыс тұрғындарының, соның iшiнде Қарашығанақтың қажетiн өтеу мақсатында ауыл шаруашылығы департаментi облыс әкiмiнiң мақұлдауымен Батыс Қазақстан облысында ауыл шаруашылығы мен балық өнiмдерiн өңдеу жөнiндегi кәсiпорындарды дамытудың 2001 жылға арналған бағдарламасы әзiрлендi, ол ауыл шаруашылығы өнiмдерiн өндiру көлемiн ұлғайтуға, отандық тауар өндiрушiлердi қорғауға, рынокты арзан және сапалы азық-түлiкпен және тауарлармен толтыруға бағытталған. Қазақстан Республикасы Президентiнiң 1997 жылғы 6 наурыздағы № 3398 Жарлығы шыққан сәттен бастап жүргiзiлген түгендеудiң нәтижесiнде пайдаланылмай тұрған 184 мемлекеттiк меншiк объектiсi анықталды. Оның 19-ы сатылды, 78-i жалға берiлдi, 39-ы кейiннен меншiгiне сатып алу құқығымен жалға, 23-i кейiннен меншiгiне беру құқығымен сенiмдi басқаруға, 16-сы тегiн берiлдi. Құрылысы аяқталмаған 24 объектi анықталды, оның 3-i шағын бизнес субъектiсiне сатылды, 3-i тегiн берiлдi. Үстiмiздегi жылдың 9 айында шағын бизнес субъектiлерiне 53 жер телiмдерi сатылды. Тұрғын үйлердiң бiрiншi қабаттарын қайта жоспарлау жолымен халыққа қызмет көрсететiн 198 дүкен, кафе пункттерi ашылды. Үстiмiздегi жылдың 9 айында облыста 1401 адам шағын бизнес саласында жұмыс iстеуге оқыды, соның iшiнде 537 адам еңбек биржаларында, 501 адам "Андас" өндiрiстiк-оқу орталығында, 203 адам "Евразия" институтында оқыды. "Үмiт" кәсiпкер әйелдер одағы жұмыссыз әйелдердi оқытуға грант алды. 60 адам кәсiпкерлiк қызметтiң негiздерiне оқыды. Облыста шағын кәсiпкерлiктi қолдау инфрақұрылымының төмендегiдей дамыған желiсi жұмыс iстейдi: "Шағын бизнес орталығы" ассоциациясы, Халықаралық бизнес орталығы, Орал қаласындағы. Ақжайық, Бөрлi, Тасқала, Бөкейордасы аудандарындағы шаруа және фермерлiк шаруашылықтардың ассоциациясы, "Кеңес", "Интеллект" консалтингтiк орталықтары, Батыс Қазақстан облыстық сауда - өнеркәсiп палатасы, Казталов ауданында "Шағын бизнес кәсiпкерлерiнiң орталығы" қоғамдық бiрлестiгi жұмыс iстейдi. Халықаралық бизнес орталығының, Орал өңірi кәсiпкер әйелдерi ассоциациясының және шаруа және фермерлер қожалықтары ассоциациасының тең құрылтайшылығымен облыста "Табысы төмен азаматтарды қолдау қоғамдық қоры" құрылды. Орал қаласында Европалық қайта жаңғырту және дамыту банксiнiң шағын бизнестi несиелеу жөнiндегi бағдарламасы жұмыс iстейдi, оның жұмысының негiзгi бағыты шағын және орта бизнес кәсiпкерлерiне несие беру болып табылады. Орал қаласы әкiмiнiң шешiмiмен бизнес-инкубатор ұйымдастырылды. Бұл үшiн коммуналдық меншiктер басқармасы жалпы алаңы 2200 шаршы метр бос тұрған ғимарат бөлдi. Аталған ғимарат облыс әкiмiнiң шешiмiмен "Бизнес-сервис" ЖШС-не бизнес-инкубатор ұйымдастыру үшiн берiлдi. Бұл ғимаратта ауыл шаруашылығы өнiмдерiн өндiрумен, өңдеумен шұғылданатын және қызмет көрсететiн 15 шағын кәсiпкерлiк субъектiсiн орналастыру басталды. Бизнес-инкубатор аймағына кәсiпкерлердi конкурс бойынша таңдап алу және орналастыру жөнiндегi комиссияның құрамы және конкурстық таңдап алу Ережесi бекiтiлдi. Бизнес-инкубаторға енудiң басты шарты инновациялық жобаның болуы, жалпы жұмыс орындарын ашу, бiрлескен кәсiпорын қызметiн орналастыру және қызмет iстеу шарттары ережесiн орындау болып табылады. Оны ұйымдастыру үшiн "Евразия" қоры арқылы 28 мың доллар грант бөлiндi. Сол сияқты Батыс Қазақстан облысының қорына қызметкерлердi оқыту үшiн "Евразия" қоры (АҚШ) қаржысы есебiнен 32 мың доллар бөлiндi. Шағын несие үшiн 400 мың АҚШ долларын беру жоспарлануда. Бұдан басқа Казталовқа ауданындағы "Шағын бизнес кәсiпкерлер одағы" қоғамдық бiрлестiкке берiлген бос тұрған объектi базасында Казталовқа поселкесiнде бизнес-инкубатор құру жобасы әзiрлену үстiнде. Қазiргi кезде кәсiпкерлердi орналастыру жүргiзiлуде. Шағын кәсiпкерлiктi дамыту қоры аймақтық филиалын құру мақсатында "Шағын кәсiпкерлiктi дамыту қоры" жабық акционерлiк қоғамы облыста қор мүддесiн айқын бiлдiретiн әрiптестер таңдау жөнiнде тендер өткiзуде. "Шағын бизнес орталығы" ассоциациясы жеңiмпаз деп танылды. Жобаларды таңдап алу және жылжыту жөнiнде жұмыстар жүргiзiлуде. Консультациялық көмектер көрсетiлуде. Кәсiпкерлерге аталған құрылымдар консалтингтiк, әдiстемелiк көмектер көрсетуде, кадрларды даярлау және қайта даярлау мәселелерiн шешуде, ұсыныстарды орналастыру, шетел капиталын тарту үшiн инвестициялық жобаларды жарнамалау және өнiмдердi өткiзу жөнiндегi әрiптестердi iздестiру жұмыстарын жүргiзуде. Шағын бизнестi дамытуға кедергi болып отырған басты проблемалар мыналар: - негiзгi және айналым капиталының жетiспеушiлiгi; - шағын кәсiпкерлiк субъектiлерiнiң несие қорларын алуға шектеулi болуы, өтiмдi кепiлдi мүлiктердiң жетiспеушiлiгi; - шағын кәсiпкерлiктi қолдау инфрақұрылымдары объектiлерi желiсiн дамытудың жеткiлiксiздiгi; - кәсiпкерлiктi қолдау жөнiндегi заңдық және нормативтiк базаның жетiлдiрiлмеуi; - кәсiпкерлiктi алғаш бастаушылардың заңдық және экономикалық сауатсыздығы; - кәсiпкерлердiң өнiмдерiн өткiзетiн негiзгi рыноктардың болмауы; - шағын бизнес субъектiлерi бойынша тиiстi мемлекеттiк статистикалық есептiң жоқтығы, бұл олардың қызметi бойынша талдау жүргiзуге қиындық келтiруде. Аталған проблемаларды түзеу мақсатында кәсiпкерлiктi дамытудың және қолдаудың 2001-2002 жылдарға арналған осы аймақтық бағдарламасы жасалып отыр. Қазiргi кезде шағын кәсiпкерлiкке мемлекеттiк қолдау көрсету, шағын бизнестiң нормативтiк-құқықтық базасын жақсарту жөнiнде жұмыстар жалғастырылуда. Кәсiпкерлiк проблемасын үйрену жөнiнде жұмыстар ұдайы жүргiзiлуде. облыс басшылығы мен кәсiпкерлердiң, олардың қоғамдық бiрлестiктерiмен кездесулерi ұйымдастырылуда, шағын бизнес субъектiлерi үшiн құқықтық режимдi жақсарту жөнiндегi ұсыныстарды дер кезiнде қарап, кейiннен оны республикалық органдарға жолдап отырады.

2-БӨЛIМ. Кәсiпкерлiктi және қайта құрылған кәсiпорындарды дамытудың басым бағыттары бойынша тұрақты жұмыс iстеп тұрған шағын бизнес субъектiлерiнiң тiзiмi Екiншi бөлiмдегi кәсiпкерлiктi және қайта құрылған кәсiпорындарды дамытудың басым бағыттары бойынша тұрақты жұмыс iстеп тұрған шағын бизнес субъектiлерiнiң тiзiмi шағын кәсiпкерлiк субъектiлерi жүзеге асыратын жаңа өндiрiстер ашу және басым жұмыс iстеп тұрғандарын ұлғайту (жұмыс қызмет) тiзбесiне өндiрiспен шұғылданатын 40 шағын бизнес субъектiсi қосылып отыр, соның 30-ы жұмыс iстеп тұр, 10-ы жаңадан құрылған. Облыста өндiрiстiң негiзгi басым бағыттары мынадай: ауыл шаруашылығы өнiмдерiн өңдеу (ет, сүт, астық, ұн, жүн), балық өңдеу, алкогольсыз сусындар, өсiмдiк майын өндiру, тiгiн және мех бұйымдарын тiгу, ағаштан бұйымдар әзiрлеу, тұрмыстық, дәрiгерлiк және басқа қызметтер көрсету. Тұрақты жұмыс iстейтiн және қайта құрылған кәсiпорындарды талдау Тұрақты жұмыс iстейтiн және қайта құрылған кәсiпорындардың тiзбесiне 30 шағын кәсiпкерлiк субъектiсi қосылған, оның 13-i астық өндiрумен, және оны өңдеумен, 1-i нан-тоқаш өнiмдерiн, 6-ы ет, 2-i өсiмдiк майын, 1-i тiгiн бұйымдарын, 1-i ағаш бұйымдарын, 1-i құрылыс материалдарын өндiрумен, 2-i шикiзат сатып алумен, 2-i дәрiгерлiк қызмет көрсетумен айналысады. Мәселен, астық өндiрумен және оны өңдеумен «Өсiмтал» ЖШС, «Алға», «Каракула», «Логинчук», «Орда», «Айтас», «Ернұр» шаруа қожалықтары, «Жаман тұз» ЖШС, «Медет» ӨК, «Жұмыр», «Нұрсұлтан» шаруа қожалықтары, «Парыз», «Нұрмұханов» жеке кәсiпорындары айналысады, оларда өндiрiс көлемi жылына 68,1 млн. теңге, заттай алғанда 3563,6 тонна құрап отыр. Нан-тоқаш өнiмдерiн өндiрумен «Старт» ЖШС айналысады, ол жылына 2,9 млн. теңге, 73,4 тонна өнiм өндiредi. Ет өндiрумен «Сад» ЖШС, «Нұржан», «Мейiрiм» шаруа қожалықтары, «Ауыл», «Аңқаты» жауапкершiлiгi шектеулi серiктестiктерi, «Атамекен» шаруа қожалығы шұғылданады, олар жылына 59,6 млн. теңгенiң, яғни 771,4 тонна ет өндiредi және қайта өңдейдi. «Әлiбек» шаруа қожалығы жылына 4,1 млн. теңгенiң, яғни 630 мың дана жұмыртқа өндiрумен айналысады. «Скит» ЖШС, «Алмаз» шаруа қожалығы жылына 73 млн. теңгенiң, яғни 2100 тонна өсiмдiк майын өндiруде. Тiгiн бұйымдарын тiгумен «Аист» ЖШС айналысады, мұнда өнiм көлемi 6,3 млн. теңге, яғни 6195 бiрлiк. «Архстройсервис» ЖШС және «Жолбарыс» ЖШС шикiзат дайындаумен (жүн, сүт, көкөнiс) шұғылданады, олардың жылдық көлемi 17,3 млн. теңге яғни 1015 тонна. «Универтекс» ЖШС-гi мебель өндiруде. Мұнда жылдық өнiм көлемi 25 млн. теңге яғни 921 бiрлiк құрап отыр. «Асфа» ЖШС жол жөндеу жұмыстары үшiн асфальт бетон қоспаларын өндiрумен айналысады, мұнда жылдық өндiрiс көлемi 8,2 млн. теңге, яғни 2000 тонна. «Денсаулық» ӨС, «Беком» ЖШС дәрiгерлiк қызмет көрсетедi, бұларда орындалатын жұмыс көлемi 13,4 млн. теңге болып отыр. Облыста шағын кәсiпкерлiк субъектiсi iске асыратын жаңа басым өндiрiстер (жұмыс, қызмет) ашу тiзбесiне 10 шағын кәсiпкерлiк субъектiсi енгiзiлген, оның 1-i минералды су, 1-i сүт және сүт өнiмдерiн, 1-i құс етi мен жұмыртқа, 1-i нан-бөлке өнiмдерiн, 1-i ет консервiлерiн өндiрумен, 1-i балық өңдеумен және өткiзумен, 1-i мех бұйымдарын тiгумен, 1-i сусымалы азық-түлiк өнiмдерiн ораумен, 1-i мебель дайындаумен, 1-i жол-сервистiк қызмет көрсетумен айналысады. Мәселен, «Гидрогеология» ЖШС-гi табиғи көзден минералды су өндiрудi бастады. Өндiрiс көлемi мұнда жылына 1248 мың шөлмек немесе 28,1 млн. теңге құрайды. «Ақпаев» шаруа қожалығы жылына 20 тонна немесе 1 млн. теңге өндірістік көлеммен сүт және сүт өнімдерін өндіруді бастады. «Ақтiлек» ЖШС - гi балық өңдеумен және өткiзумен айналыса бастады. Мұнда жылдық өндiрiс көлемi 300 тонна яғни 11 млн. теңге құрайды. «Күмiс» ЖШС-гi 4,5 млн. теңге сомасындағы жылдық көлеммен құс етi мен жұмыртқасын өндiрумен шұғылданатын болады. Ет комбинаты цехтарының базасы негiзiнде ұйымдастырылған «Темiрлан компания» ЖШС-гi ет қалбырларын өндiрудi бастады. Мұнда жылдық көлем 2 млн. қалбыр яғни 110 млн. теңге сомасын құрайды. «Қазақстан елiм» ЖШС нан-бөлке өнiмдерiн шығарумен айналыса бастады. Өнiм көлемi 72 мың бөлке, яғни 12,1 млн. теңге. «Меховой» ЖШС-гi мех бұйымдарын тiгедi. Өндiрiс өнiмiнiң көлемi 15 мың дана, яғни 6,9 млн. теңге. «Сечкин» ЖК 720 бiрлiк, яғни 25,9 млн. теңге өндiрiс көлемiмен мебель дайындаумен айналысады. «Халықтық марка» ЖШС-гi сусымалы азық-түлiк өнiмдерiн ораумен айналысатын болады, өндiрiс көлемi 100 тонна, яғни 2,9 млн. теңге. Жол-сервистiк қызмет, соның iшiнде қоғамдық тамақтандыру, көлiк жөндеу және техникалық қызмет көрсету iстерiмен «Васильев» ЖК айналысатын болады. Мұнда өндiрiстiк жұмыстар көлемiн 9,96 млн. теңге сомасында орындау жоспарланып отыр. Шағын бизнес субъектiлерi жүзеге асыратын 2-бөлiм бойынша жалпы өндiрiс көлемi 490,26 теңге құрайды. 2-бөлiм бойынша қаржыландырудың жалпы көлемi 126,85 млн. теңге құрайды, соның iшiнде өздерiнiң қаржысы 51,05 млн. теңге немесе 40,2%, жылдық қаржы 75,8 млн. теңге немесе 59,8%, болып отыр. Осы бөлiм бойынша жаңа жұмыс орындарының саны 507 бiрлiк құрайды. 2-бөлiмге берiлген заемдық қаражатты қаржыландыру көздерi (75,8 млн. теңге).

3-БӨЛIМ. Бағдарламаның негiзгi шаралары Кәсiпкерлiктiң коммерциялық мүддесi мен кәсiпкерлердiң қоғамдық бiрлестiктерiнiң бастамасы негiзiнде басты проблемаларды шешу және шағын бизнестi одан әрi дамыту үшiн қолайлы жағдайлар жасау мақсатында бағдарламада төмендегiдей негiзгi шараларды жүзеге асыру белгiленген:

3.1. Шағын кәсiпкерлiктi несие- қаржымен және инвестициялық қолдау Шағын кәсiпкерлiктi дамытудың басты бағыттарының бiрi қаржы-несие және инвестициялық қолдау мақсатты саясат болып табылады. 2001-2002 жылдарда Батыс Қазақстан облысында жеңiлдетiлген салық салу, несие қорларын мақсатты ұйымдастыру, инвестиция тарту, лизингтi дамыту мәселелерiн қамтитын кәсiпкерлiкке қолдау көрсету жөнiндегi жұмыстар жалғастырылатын болады. Таяудағы екi жылда отандық тауар өндiрушiлердi қолдау үшiн басым жобаларды жергiлiктi бюджет есебiнен жеңiлдетiлген жағдайда 60 млн. теңге сомасында неселеу көзделiп отыр. Несие беру облыс әкiмiнiң «Батыс Қазақстан облысында шағын кәсiпкерлiк субъектiлерiн қаржылай қолдау туралы» 1999 жылғы 10 желтоқсандағы № 246 және «Облыс әкiмiнiң 1999 жылғы 10 желтоқсандағы № 246 шешiмiне өзгерiстер мен қосымшалар енгiзу туралы» 2000 жылғы 6 мамырдағы № 94 шешiмдерiмен бекiтiлген шағын бизнес субъектiлерiне несие берудiң тәртiбi туралы Ережеге сәйкес жүзеге асырылатын болады, мұнда бюджеттiк қаржыны берудiң және қайтарудың тетiктерi қарастырылған. Жеңiлдетiлген несие мен аймақтық бағдарламаға енгiзiлген шағын бизнес субъектiлерi, бұдан басқа шағын бизнестiң неғұрлым басым салаларында жұмыс iстейтiн аудандық және қалалық әкiмшiлiктер жолдаған субъектiлер қамтылады. Мамандандырылған қорлар, банктер желiсi бойынша жалпы негiзде мақсатты заемдар алу үшiн шағын бизнес субъектiлерiн несиелеу қарастырылуда. 2001 жылы «Евразия» қоры қаржысы есебiнен Халықаралық бизнес Орталығы бизнестi жаңа бастағандарға 400 мың АҚШ доллары көлемiнде кредит беру жоспарлануда. Ауыл шаруашылығы тауар өндiрушiлерiн мақсатты несиелеу жолымен «Фермерлерге жәрдемдесу қоры» желiсi бойынша 45 млн. теңге несие тарту жоспарлануда. Үкiметтiң «Микрокредит» бағдарламасына сәйкес бiрiншi кезекте ауылда, аз қамтамасыз етiлген азаматтарға 400 АҚШ доллары көлемiнде шағын несие беру, қосымша жұмыс орындарын ашу көзделiп отыр. 2 жылға арналған шағын несиенiң жоспарланған сомасы 100 млн. теңге жоспарланып отыр. Әлеуеттi инвесторларды кеңiнен тарту мақсатында Қазақстан Республикасының инвестиция жөнiндегi агенттiгiнiң «Казинвест» Қазақстан жәрдемдесу орталығының көмегiмен облыста тiкелей инвестиция үшiн қолайлы ахуал туғызу жөнiндегi жұмыстар жалғастырылады. Сондай-ақ Қазақстан Республикасының инвестиция жөнiндегi агенттiгi арқылы шағын кәсiпкерлiктiң басым инвестициялық жобалары үшiн қалыпты жеңiлдiктер мен артықшылықтар алу жөнiндегi жұмыстар жалғасын табады. Облыс аумағында шағын бизнестi дамытуға мүмкiндiк жасайтын мамандандырылған қорлар филиалдарын тарту немесе ашу жоспарлануда. Шағын бизнестi қаржы-несие және инвестициялық қолдау төмендегiдей бағыттарда жүргiзiлетiн болады: - басым жобаларға облыстық бюджетте қаралған қаржы есебiнен жеңiлдiк жағдайларда және конкурстық негiзде несие беру; - басым жобаларды мамандандырылған қорлар мен банктердiң заемын алуға жiберу; - ауыл шаруашылығы секторын мақсатты несиемен қамтамасыз ету; - аз қамтамасыз етiлген азаматтар арасында жеке кәсiпкерлiктi дамыту мақсатында халыққа шағын несиелер беру; - шетелдiк инвесторлар үшiн шағын бизнес саласы мәлiметтерi банкiн құру; - ауыл шаруашылығын несиелеу одағы жүйесiн құру және iске асыру; - инвестициялық мүмкiндiктердi түсiндiру жөнiндегi жұмыстарды жүргiзу.

3.2. Өндiрiстiк және инновациялық қолдау Шағын бизнестi дамытудың өзектi мәселелерiнiң бiрi жұмыс iстемей тұрған кәсiпорындарды сегменттеу практикасын енгiзу және олардың базасында өндiрiстiң басым бағыттары бойынша шағын өндiрiстiк кәсiпорындарды құру болып табылады. Бос тұрған объектiлердi, мемлекет меншiгiндегi ғимараттарды одан әрi пайдалануға беру, оны өндiрiс орындарын, қызмет көрсету пункттерiн ашу шарты бойынша сату және жалға беру немесе кейiннен меншiгiне беру құқығымен сенiмдi басқаруға беру, сондай-ақ тұрғын үйлердiң бiрiншi қабаттарын дүкендерге, кафелерге, тұрмыстық қызмет пункттерiне лайықтап қайта жобалауға рұқсат беру жөнiндегi жұмыстар жалғастырылатын болады. Шағын кәсiпкерлiктi мемлекеттiк қолдау шараларының iшiнде облыстың мұқтажы үшiн тауарлардың, жұмыстардың белгiлi бiр түрлерiн өндiру, жекелеген өнiм түрлерiн сатып алу жөнiндегi мемлекеттiк тапсырыстарды орналастыруда шағын бизнес субъектiлерiне артықшылықтар беру болып табылады. Шағын бизнестi инновациялық және өндiрiстiк қолдау саласында кәсiпкерлер тауарларын жарнамалауды қамтамасыз ету, тұтынушылар сұранысын зерттеу, өнiмдердiң бәсекеге төтеп берушiлiгiн арттыру және оны байқаулар, конкурстар, көрмелер, жәрмеңкелер, сапа күндерiн ұйымдастыру жолдарымен рыноктағы қозғалысын жақсарту, шағын бизнес субъектiлерiнiң халықаралық шараларға қатысуын қамтамасыз ету, бұқаралық ақпарат құралдарында жарнама ұйымдастыру жөнiнде шаралар алынатын болады. Халықтардың дәстүрлi кәсiпшiлiктерiн қайта өркендету орталықтарын ұйымдастыру және қолдау жөнiндегi жұмыстар жалғастырылады.

3.3. Шағын кәсiпкерлiктi қолдау инфрақұрылымын дамыту Таяудағы екi жылда шағын кәсiпкерлiктi қолдау және дамыту инфрақұрылымын қалыптастыру жоспарында жұмыс iстеп тұрған ұйымдарды қолдау және жаңаларын құру, ақпарат ауысу проблемаларын шешетiн консалтингтiк қызметтер ашу көзделiп отыр. Ауыл шаруашылығы секторына жаңа технологиялар мен жабдықтарды тарту мақсатында лизингтiк компаниялар құру жоспарлануда. Облыстың барлық аудандарында кәсiпкерлер мен фермерлер ассоциациясын, бизнес-инкубаторлар, шағын бизнес орталықтарын құру жөнiндегi жұмыстар жалғастырылады.

3.4. Шағын кәсiпкерлiктi қорғау инфрақұрылымын дамыту Осы бөлiм бойынша кәсiпкерлердiң проблемалары мен мұқтаждарын анықтауға, арыздарды, өтiнiштер мен ұсыныстарды мiндеттi түрде қарауды бақылауға бағытталған шағын кәсiпкерлiк субъектiлерiн қорғау инфрақұрылымын қалыптастыру жөнiндегi шаралар белгiленген. Проблемалар мен әзiрлемелерде ұсыныстарды анықтау мақсатында жұмыс iстеп тұрған бизнестi анкеттеу жөнiнде жұмыстар жүзеге асырылатын болады.

3.5. Заңдық және нормативтiк базаларды жетiлдiру Бұл бөлiмдегi негiзгi шараларда шағын кәсiпкерлiктi реттеу және қолдау саласындағы қазiргi нормативтiк-құқықтық актiлерге талдау жасау қарастырылған. Кәсiпкерлiктiң нормативтiк-құқықтық базасын жақсарту бойынша ұсыныстарды қалыптастыру жөнiндегi жұмыстар жалғасын табатын болады.

3.6. Шағын кәсiпкерлiктi кадрмен және ғылыми-әдiстемемен қамтамасыз ету Нарықтық экономиканың өтпелi кезеңiнде экономикалық даму мiндеттерiн бiлiктiлiкпен шешетiн қабiлеттi кадрлардың жетiспейтiндiгi өткiр сезiлуде. Бұл бөлiмде шағын кәсiпкерлiк саласы кадрларын даярлау, қайта даярлау және бiлiктiлiгiн арттыру жөнiндегi шаралар тiзбесi қамтылған. Облыстық оқу орталықтары арқылы кәсiпкерлiк қызметтiң негiздерiне жұмыссыздарды, жастар мен әйелдердi оқыту жұмыстарын ұйымдастыру жөнiнде шаралар қарастырылған. Мұнда кәсiпкерлiктi ақпараттық қолдау, оларға кеңестiк және әдiстемелiк көмектер беру маңызды роль атқарады.

3.7. Аймақтық шағын кәсiпкерлiктi дамыту Шағын кәсiпкерлiктi мемлекеттiк қолдауды және дамытуды негiзiнен iске асыратын жергiлiктi жердегi аудандық және қалалық бағдарламалар болуы керек. Шағын бизнестi дамытудың аудандық және қалалық бағдарламалары шағын кәсiпкерлiктi одан әрi дамыту үшiн қолайлы жағдайлар жасау, соның iшiнде қаржылай, техникалық және басқа да көмектер түрлерiн көрсету мәселесi жөнiнде, халықтың қалың топтарын шағын бизнес саласындағы жұмысқа тарту жөнiнде нақты шараларды қамтуы тиiс. Жұмыстың тиiмдiлiгiн арттыру және бағалау мақсатында облыста шағын кәсiпкерлiктi дамытудың негiзгi көрсеткiштерiне мониторинг өткiзу және аудандар арасында кәсiпкерлiктi рейтингтiк бағалау ұсынылады.

4-БӨЛIМ. Бағдарламаны iске асыру тетiктерi Бағдарлама кәсiпкерлiктi кадрмен қамтамасыз ету және инфрақұрылымды дамыту, құқықтық базаны жетiлдiру, қаржы-несие және инвестициялық қолдау жолымен шағын кәсiпкерлiктi мемлекеттiк деңгейде қолдауға және қорғауға бағытталған. Аймақтық Бағдарлама Қазақстан Республикасында шағын кәсiпкерлiктi қолдаудың және дамытудың 2001-2002 жылдарға арналған Мемлекеттiк Бағдарламасының шараларымен тығыз байланыста әзiрленедi. Бағдарлама кәсiпкерлiктi дамытудың қазiргi проблемаларын шешуге бағытталған мақсатты шараларды орындаудың айқын да нақты кешенi ретiнде, қалалық және аудандық құрылымдардың, қоғамдық ұйымдардың, ассоциациялардың және басқа ұйымдардың кәсiпкерлердiң мүдделерi мен мүмкiндiктерi жөнiндегi әрекетiн шоғырландыру ретiнде қалыптастырылған. Бағдарламаның әрбiр iс-шарасын орындау үшiн жауапты орындаушылар бекiтiлген және нақты мерзiмдерi белгiленген. Бағдарламаны орындаушылардың қызметiн үйлестiрiп отыру қызметi, кәсiпкерлiктi қолдау және дамыту департаментiне жүктеледi, ол Бағдарламаны iске асыру барысы туралы Қазақстан Республикасының табиғи монополияны реттеу, бюджеттiк пен шағын бизнестi қолдау жөнiндегi агенттiкке және облыс әкiмiне ай сайын ақпарат тапсырады, белгiленген шаралардың дер кезiнде және мақсатты орындалуын қамтамасыз ету жөнiнде қажеттi шаралар алады.

5-БӨЛIМ. Бағдарламаны ресурспен қамтамасыз ету 2001-2002 жылдарда шағын бизнестi қаржылай қолдау және дамыту үшiн облыстық бюджеттiң шығыс бөлiгiнде 60 млн. теңге сомасында қаржы бөлу қарастырылған. «Фермерлерге жәрдемдесу қоры» желiсi бойынша 45 млн. теңге сомасында несие қорын бөлу белгiленген. Ең аз қамтамасыз етiлген азаматтарға оларды жұмыспен қамтамасыз ету үшiн Үкiметтiң "«Микрокредит» бағдарламасына сәйкес 100 млн. теңге шегiнде шағын несие беру жоспарлануда. 2001-2002 жылдарда «Евразия» қоры қаржысы есебiнен Халықаралық Бизнес Орталығы арқылы 400 мың доллар сомасында шағын несиелер берiледi. Бағдарламада басым салаларда жұмыс iстейтiн шағын бизнес жобаларын қаржыландыру үшiн инвестициялар мен мамандандырылған қорлардың, банктердiң және басқа көздердiң заемдарын тарту қарастырылған.

6-БӨЛIМ. Күтiлетiн тиiмдiлiк нәтижесi Шағын бизнес субъектiлерi санының өсуiн 2002 жылдың аяғына дейiн 17500 бiрлiкке, соның iшiнде 2001 жылы 17000 бiрлiкке жеткiзу, олардың өндiрiстiк, әлеуметтiк, қаржылық, инвестициялық және басқа да салаларда рационалдық қатынасының өсуiне қол жеткiзу. Шағын бизнес саласында жұмыс iстейтiн адамдардың саны 2002 жылдың аяғында 125000 адамға, соның iшiнде 2001 жылы 115000 адамға жеткiзiледi. Нәтижесiнде 2002 жылдың аяғында облыстың жалпы iшкi өнiмiнде шағын кәсiпкерлiк субъектiлерiнiң үлесi 15 пайызға дейiн ұлғаяды. Бағдарлама Батыс Қазақстан облыстық кәсiпкерлiктi қолдау және дамыту департаментiнде әзiрлендi және қалыптастырылды.

Кәсіпкерлікті және қайта құрылған кәсіпорындарды дамытудың басым бағыттары бойынша тұрақты жұмыс істеп тұрған шағын бизнес субъектілеріің тізімі ТІЗБЕСІ №№ Ұйымдардың атауы Тауарлар түрі және қызмет атаулары Өндіріс көлемі Өндіріс қуаты Қаржыландыру көлемі (млн. теңге) Жұмыс орнының саны тибиғи түрі млн. теңге бар лығы жеке меншік заем дық 1 2 3 4 5 6 7 8 9 10 1.. Жұмыс жасап тұрған өндірістер 1 "Сад" ЖШС Ысталған балық, колбаса шығарады 500 тн 32 500 тн 1,5 х 1,5 37 2 "Парыз" ЖӨ Дәнді дақылдар өндіру 140 тн 0,9 140 тн 1 х 1 5 3 "Беком" ЖШС Медициналық қызмет х 10 х 6 6 х 30 4 "Нұрмұханов" ЖӨ Ауылшаруашылығы өнімдерін және қайта өндеу 170 тн 2,9 170 тн 2 х 2 5 5 "Өсімтал" ЖШС Ұн, нан тағамдары 310,6 тн 11,5 315 тн 3 х 3 10 6 "Скит" ЖШС Өсімдік майы, ұн 1920 тн 64,9 5000 тн 5,2 2,2 3 8 7 "Универтекс" ЖШС Жиһаздар, жарнама щиттері 921 дана 25 1000 дана 6 х 6 12 8 "Нұржан" ШҚ Ауылшаруашылығы өнімдерін ұқсату 110 тн 1,7 110 тн 0,5 х 0,5 5 9 "АИСТ" ЖШС Тігін бұйымдары өндірісі 6195 дана 6,3 7000 дана 3 3 х 8 10 "Архстройсервис" ЖШС Жүн шикізатын даярлау 400 тн 8 400 тн 3 х 3 10 11 "Жолбарыс" ЖШС Сүт-көкөніс даярлау 615 тн 9,3 615 тн 3 х 3 7 12 "Мейірім" ШҚ Ет өнімдерін өндіру 3,7 тн 1 3,7 тн 0,3 х 0,3 15 13 "Айтас" ШҚ Ауыл шаруашылығы өнімдерін өндіру, өңдеу 100 тн 0,9 100 тн 2 х 2 5 14 "Алмаз" ШҚ Өсімдік майын дайындайды 180 тн 8,1 180 тн 12,7 12,4 0,3 10 15 "Медет" ӨК Ауыл шаруашылығы өнімдері 320 9 320 1 х 1 15 16 "Ауыл" ЖШҚ Ет өндіру 120 21,6 120 3 х 3 3 17 "Нұрсұлтан" ШҚ Дәнді дақылдар өндіру 500 тн 4,3 500 тн 1,75 1,25 0,5 12 18 "Жұмыр" ШҚ Дәнді дақылдар өндіру 120 1 120 0,2 х 0,2 10 19 "Алға" ШҚ Дәнді дақылдар өндіру 116 тн 1,2 160 тн 0,5 х 0,5 10 20 "Денсаулық" ӨС Медициналық қызметтер х 3,4 х 1,8 х 1,8 2 21 "Старт" ЖШС Нан-бөлке өнімдерін шығару 73,4 2,9 80тн х х х 10 22 "Каркула" ШҚ Дәнді дақылдар өндіру 600 тн 14,4 600тн 2,4 1,2 1,2 4 23 "Логинчук" ШҚ Дәнді дақылдар өндіру 107 тн 3 107тн 3,8 х 3,8 10 24 "Асфа" ЖШС Асфальт-бетон қоспасын даярлау 2000 тн 8,2 2500 тн 1,5 х 1,5 11 25 "Орда" ШҚ Дәнді дақылдар өндіру 228 тн 5:07 660 тн 4,8 1,8 3 25 26 "Аңқаты" ЖШС Ет өнімдері 24,9 тн 1,5 25тн 22,1 19,1 3 50 27 "Әлібек" ШҚ Жұмыртқа өндіру 630 мың д.. 4,1 630 мың д. 1 х 1 12 28 "Атамекен" ШҚ Дәнді дақылдар өндіру 12,8 тн 1,8 13 тн 1 х 1 5 29 "Ернұр" ШҚ Дәнді дақылдар өндіру 326 тн 3,1 450 тн 0,7 х 0,7 10 30 "Жаман-тұз" ЖШС Дәнді дақылдар өндіру 526 тн 10,2 790 тн 3 х 3 10 Қайта құрылған кәсіпорындар 1 "Гидрогеология" ЖШҚ Минералды су өндіреді 1248 мың бут. 28,1 1200 мың. бут. 3,8 0,8 3 12 2 "Ақтілек" ЖШҚ Балық өндеп таратады 300 тн 11 350 тн 3 х 3 30 3 "Күміс" ЖШҚ Құс етін және тауық жұмыртқасын өндіреді 28 тн 87,5 мың. д. 4,5 28 тн 87,5 мың. д. 2 х 2 13 4 "Темірлан компаниясы" ЖШС Ет консервілерін өндіреді 2 млн. банк 110 6 2,3 х 2,3 5 5 "Қазақстан елім" ЖШС Нан-бөлке өнімдерін өндіреді 72 мың д. 12,1 75 мың. д. 3 х 3 5 6 "Васильев" ЖӨ Жол-сервиз қызметі х 9,96 х 2,5 х 2,5 15 7 "Меховой" ЖШС Теріден тігілетін заттар шығару 15 мың. д. 6,9 20 мың. д. 4,5 1,5 3 12 8 "Халық маркасы" ЖШС Тағамдық сусымалы азық-түлік өндіру 100 тн 2,9 120 тн 4,5 1,8 2,7 24 9 "Ақпаев" ШҚ Сүт және сүт өнімдерін өндіру 20 тн 1 20 тн 0,5 х 0,5 5 10 "Сечкин" ЖӨ Жиһаз өнімдері 720д. 25,9 750д. 3 х 3 20 Барлығы 490,26 126,85 51,05 75,8 507

Шағын кәсіпкерлікті қолдаудың және дамытудың 2001-2002 жылдарға арналған аймақтық бағдарламасын іске асыру жөніндегі негізгі шаралар №№ Шаралардың атауы Аяқталу нысаны Жауапты орындаушылар Орындалу мерзімі Шаралардың құны және қаржыландыру көздері (млн. теңге) Респуб ликалық бюджет Жергі лікті бюд жет Инвес тиция Өз қар жысы 1 2 3 4 5 6 7 8 9 1. Қаржы – несие және инвестициялық қолдау 1.1. Облыс аумағында кәсіпкерлікті дамытуға жәрдемдесетін мамандырылған қорлар филиалдар, жобалар тарту және оларды ашуға көмектесу қорлар филиалдарын тарту және ашу "Шағын бизнес орталығы" ассоциациясы, кәсіпкерлікті қолдау және дамыту департаменті, Халықаралық бизнес орталығы, қала әкімі 2001 жыл 1.2. Жергілікті бюджет қаржысы есебінен шағын бизнес субъектілерін басым бағыттар бойынша 60 (жыл сайын 30) млн. теңге қаржыландыруды қамтамасыз ету жобаларды таңдап алу және қаржыландыру Шағын бизнесті қаржылай қолдау жөніндегі облыстық комиссия, Кәсіпкерлікті қолдау және дамыту департаменті, облыстық қаржы басқармасы, аудандардың және қала әкімдері 2001-2002 жылдары 60 1.3. Заемдық қаржыны тиімді пайдалану негізінде шағын бизнес саласында несие қызметін өрістету жобаларды таңдап алу және қаржыландыру Кәсіпкерлікті қолдау және дамыту департаменті, облыстық қаржы басқармасы, аудандар және қала әкімдері 2001-2002 жылдары 1.4. Ауыл шаруашылығы секторын, фермерлік және шаруа қожалықтарын 45 (2001ж. -20, 2002ж. -25) млн. теңге мақсатты несиелеуді қамтамасыз ету есеп "Ауыл шаруашылығын қаржылай қолдау қоры" ЖАҚ, Ауыл шаруашылығы департаменті, Фермерлік және шаруа қожалықтары ассоциациясы 2001-2001 жылдары 45 1.5. Үкіметтің "Микрокредит" Бағдарламасына сәйкес ең аз қамтамасыз етілген азаматтарға 400 АҚШ доллары көлемінде шағын несиелер берілуін, Қазақстан Республикасы Үкіметінің 1998 жылғы 12 ақпандағы № 103 қаулысына сәйкес бірінші кезекте ауылда жұмыс орындарын ашуға 100 млн. теңге (жыл сайын 50) бөлінуін қамтамасыз ету есеп Аудандардың және қала әкімдері, табысы төмен азаматтарды қолдаудың аймақтық қоры, кәсіпкерлікті қолдау және дамыту департаменті, халықаралық бизнес орталығы 2001-2002 жылдары 100 1.6. "Евразия" қорының қаржысы есебінен шағын несиелер берілуін қамтамасыз ету (400 мың АҚШ доллары) есеп Кәсіпкерлікті қолдау және дамыту жөніндегі департамент, Халықаралық бизнес орталығы 2001-2002 жылдары 400 мың доллар 1.7. Әйелдердің жеке өндірістік ұйымдарын дамытуға жәрдемдесу, жұмыссыз әйелдерді қамтып жаңа кәсіпорындар құру (гранттар және басқа) есеп Кәсіпкерлікті қолдау және дамыту жөніндегі департамент, облыстық қаржы басқармасы, аудандардың және қала әкімдері 2001-2002 жылдары 200 мың доллар 1.8. Шағын бизнесті қолдауға арналған шағын кәсіпорындардың инвестициялық жобаларына несие беретін шетелдік инвесторлар мен банктер үшін аймақта шағын кәсіпкерлік субъектілері инвестициялық жобалары мәліметтері банкін құру есеп Кәсіпкерлікті қолдау және дамыту департаменті, "ЦМБ" ассоциациясы, МБЦ, обл. экономика басқармасы, аудандардың және қала әкімдері 2001 жыл 1.9. Шағын бизнестің инвестициялық мәліметтері туралы ақпараттық-түсінік жұмыстары семинарлар Кәсіпкерлікті қолдау және дамыту департаменті, "ЦМБ" ассоциациясы, МБЦ, обл. экономика басқармасы, аудандардың және қала әкімдері, Халықаралық бизнес орталығы Ұдайы 1.10. Несие алуда ШКС-нің кепілді тәуекелдігі жөніндегі жұмыстарға сақтандыру компанияларын тарту практикасын енгізу есеп Сақтандыру компаниялары, Ұлттық банк; кәсіпкерлікті қолдау және дамыту департаменті 2001-2002 жылдары 1.11. Несие серіктестіктерін, селолық несие серіктестіктерін құру жөніндегі мәселені зерттеу есеп Аудандардың, қала әкімдері, Ауыл шаруашылығы департаменті, Шаруа және фермерлік қожалықтары ассоциациясы, Ұлттық банк басқармасы 2-тоқсан 2001 жыл 1.12. Коммуналдық меншік объектілерден қалыптасқан коммуналдық мемлекеттік кәсіпорындар базасында шағын кәсіпкерлік субъектілеріне несие беру кезінде кепілдік беретін кепілдік қорлар құру облыс әкімінің шешімі Батыс Қазақстан облыстық коммуналдық меншіктер басқармасы, шағын кәсіпкерлікті қолдау және дамыту департаменті 1-тоқсан 2001 жыл 1.13. Балалар үйлері түлектеріне қызмет көрсету және сервис саласында шағын бизнес ұйымдастыру үшін шағын несиелер бөлінуіне жәрдемдесу есеп Кәсіпкерлікті қолдау департаменті, обл. еңбек, жұмыспен қамту және халықты әлеуметтік қорғау басқармасы, табысы төмен азаматтарды қолдау жөніндегі аймақтық қор, аудандардың және Орал қаласының әкімдері 2. Өндірістік және инновациялық қолдау 2.1. Бос тұрған ірі кәсіпорындарды сегменттеу практикасын енгізу және олардың базасында өндірістің басым бағыттары бойынша шағын өндірістік кәсіпорындар құру есеп Аудандардың және қала әкімдері, облыстық экономика басқармасы, кәсіпкерлікті қолдау және дамыту департаменті, МБЦ 2001-2002 жылдары 2.2. Конкурстар, көрмелер, жәрменкелер, байқаулар жөніндегі шаралар жоспарын әзірлеу. Жыл сайын "Жылдың үздік кәсіпкері" конкурсын өткізу жоспар, конкурс Кәсіпкерлікті қолдау және дамыту департаменті, ЦМБ, МБЦ жыл сайын 2.3. Шағын кәсіпкерлік субъектілеріне өндіріс ұйымдастыру үшін жер телімдерін беру, сату жөніндегі конкурстар өткізу, мемлекеттік актілерді тегін беруді қамтамасыз ету конкурстар, есептер Жер қатынастары жөніндегі облыстық комитет, аудандардың және қала әкімдері 2001-2002 жылдары 2.4. Мемлекеттік меншікке қатысты бос объектілерге, аяқталмаған құрылыстарға жыл сайын түгендеу жүргізу және оларды өндіріс, қызмет көрсету пункттерін ашу шартымен кейіннен меншігіне беру құқығымен шағын бизнес субъектілеріне белгіленген тәртіппен жалға немесе сенімді басқаруға беруді ұйымдастыру есеп Облыстық коммуналдық меншіктер басқармасы. Мемлекеттік мүлік және жекешелендіру жөніндегі аумақтық комитет, кәсіпкерлікті қолдау және дамыту департаменті жыл сайын 2.5. Шағын кәсіпкерлік субъектілерінің Республикада өткізілетін шағын кәсіпкерлік саласындағы халықаралық ынтымақтастық конкурстарына және аймақаралық жобалар конкурстарына, көрмелерге, жәрмеңкелік байқауларға, жәрмеңкелерге, байқауларға қатысуын ұйымдастыру көрмелерге қатысу Аудандардың және қала әкімдері, МБЦ, кәсіпкерлікті қолдау және дамыту департаменті жыл сайын 2.6. Қазақстан Республикасының қазіргі заңдарына сәйкес тұрғын үйлердің бірінші қабаттарын қайта жобалау үшін шағын кәсіпкерлік субъектілеріне рұқсат беру жөніндегі жұмыстарды жалғастыру есеп Аудандардың және қала әкімдері, құрылыс тұрғын үй, сәулет және аумақты көркейту басқармасы ай сайын, барлық кезең ішінде 2.7. Мемлекет мұқтажы үшін 10 пайызға дейін өндірістік сатып алу және жекеленген өнімдерді (жұмыс, қызмет) шағын кәсіпкерлік субъектілері үшін қор сақтауды қарастыру есеп Мемлекеттік сатып алу жөніндегі облыстық тендерлік комиссия, кәсіпкерлікті қолдау және дамыта департаменті, ЦМБ ассоциациясы, облыстық денсаулық сақтау басқармасы, облыстық білім басқармасы Барлық кезең ішінде 2.8. Қарашығанақ кен орнын игеруге мердігерлік жұмыстарға тапсырыстар алу, тауарлар мен материалдар беру арқылы шағын бизнес субъектілерінің қатысуын қамтамасыз етуге көмек көрсету есеп Кәсіпкерлікті қолдау және дамыту департаменті, облыстық экономика басқармасы 2001-2002 жылдары 2.9. Жаңадан құрылған өндірістерді қажетті құжаттармен ресімдеуге (бизнес-жоспарлар, жобалардың қаржылай негіздемесі) көмек көрсету есеп ЦМБ ассоциациясы, кәсіпкерлікті қолдау және дамыту департаменті, Батыс Қазақстан облыстық сауда-өнеркәсіп палатасы, МБЦ Барлық кезең ішінде 2.10. Шағын бизнес субъектілері шығарған халық тұтынатын тауарлардың көрме-саудасын ұйымдастыру көрме ЦМБ ассоциациясы, кәсіпкерлікті қолдау және дамыту департаменті, Орал қаласының әкімі Жылына 2-рет 2.11. Бұқаралық ақпарат құралдарында шағын кәсіпорындар өнімдерін жарнамалауды ұйымдастыру жарнама ЦМБ ассоциациясы, кәсіпкерлікті қолдау және дамыту департаменті, Батыс Қазақстан облыстық сауда-өнеркәсіп палатасы 2001-2002 жылдары 2.12. Дәстүрлі халық кәсіпшіліктерін қайта өркендету орталықтарын қолдау жөніндегі жұмыстарды жалғастыру ұсыныстар Аудандардың және Орал қаласының әкімдері, облыстық мәдениет басқармасы, ауыл шаруашылық департаменті, кәсіпкерлікті қолдау және дамыту департаменті 2001-2002 жылдары 2.13. ШКС шығарған өнімдерді және товарларды сертификаттау мәселесі жөніндегі семинарлар мен "Сапа күндерін" өткізу шаралар жоспары, есеп Орал қаласының әкімі, МБЦ, кәсіпкерлікті қолдау және дамыту департаменті, ЦСМС Тоқсан сайын 2001-2002 жылдары 3. Шағын кәсіпкерлікті қолдау инфрақұрылымын дамыту 3.1. Облыстың барлық аудандарында кәсіпкерлер мен фермерлер (шаруа қожалықтары) ассоциациясын құру жөніндегі көмек көрсету есеп Аудандардың әкімдері, облыстық фермерлік және шаруа қожалықтары ассоциациясы, ЦМБ ассоциациясы, ауыл шаруашылығы департаменті 2001-2002 жылдары 3.2. Қазақстан Республикасының "Қаржы лизингі туралы" Заңына сәйкес лизинг қызметін дамыту жөніндегі кешенді шаралар әзірлеу, лизингтік компаниялардың қызметін ұйымдастыру жөніндегі көмек көрсету есеп МБЦ, ЦМБ, кәсіпкерлікті қолдау және дамыту департаменті, аудандардың және қала әкімдері 2001-2002 жылдары 3.3. Орал қаласында және облыстың аудандарында бос тұрған коммуналдық меншік объектілері базасында бизнес-инкубаторлар құруға жәрдемдесу есеп Халықаралық бизнес орталығы, кәсіпкерлікті қолдау және дамыту департаменті, аудандардың және қала әкімдері, ЦМБ 2001 жыл 4. Шағын кәсіпкерлікті қорғау инфрақұрылымын дамыту 4.1. Кәсіпкерлердің арызын, өтінішін және ұсынысын міндетті түрде қарауды бақылау жүйесін ұйымдастыру кәсіпкерлердің өтініштерін тіркеу журналы, есеп Аудандардың және қала әкімдері, облыстық басқармалар мен комитеттер, құқық қорғау органдары, кәсіпкерлікті қолдау және дамыту департаменті, ЦМБ ассоциациясы ай сайын 4.2. Шағын кәсіпкерлікті қорғауға бағытталған заңдардың қолданылуын бақылауды жүзеге асыру облыс әкіміне ақпарат Кәсіпкерлікті қолдау және дамыту департаменті, облыстық прокуратура, облыстық сот, ІІБ, табиғи монополияны реттеу, бәсекелестікті қорғау және шағын бизнесті қолдау жөніндегі департамент 4.3. Кәсіпкерлікті қорғауға және дамытуға көмектесу мақсатында, сондай-ақ түрлі тексеру органдарының бюрократтық араласуымен байланысты проблемаларды анықтау үшін кәсіпкерлерді анкеттеуді өткізу анкеттеу, сұрақ ЦМБ ассоциациясы, кәсіпкерлікті қолдау және дамыту департаменті, кәсіпкерлердің салалық қоғамдық бірлестіктері Жылына 2 рет, барлық кезең ішінде 5. Заңдық және нормативтік базаны жетілдіру 5.1. Шағын кәсіпкерлікті реттеу және қолдау саласында әрекет етіп тұрған нормативтік-құқықтық актілеріне талдау жүргізу талдау және ұсыныстар ЦМБ ассоциациясы, кәсіпкерлікті қолдау және дамыту департаменті, табиғи монополияларды реттеу, бәсекелестікті қорғау және шағын бизнесті қолдау департаменті Ұдайы 5.2. Шағын кәсіпкерліктің нормативтік-құқықтық базасын жақсарту жөніндегі ұсыныстар әзірлеу және проблемаларды анықтау әзірлемелер мен ұсыныстар тапсыру ЦМБ ассоциациясы, кәсіпкерлікті қолдау және дамыту департаменті, фермерлік және шаруа қожалықтары ассоциациясы, табиғи монополияларды реттеу, бәсекелестікті қорғау және шағын бизнесті қолдау департаменті Ұдайы 5.3. Шағын кәсіпкерлік бойынша нормативтік-құқықтық актілер туралы енгізілген өзгерістер жөнінде түсінік жұмыстарын жүргізу бұқаралық ақпарат құралдарында жарияланымдар Табиғи монополияны реттеу, бәсекелестікті қорғау және шағын бизнесті қолдау департаменті Ұдайы 6. Кадрлармен және ғылыми-әдістемелермен қамтамасыз ету 6.1. Жастарды, әйелдерді, жұмыс істемейтін азаматтарды кәсіпкерлік қызметтің негіздеріне оқытуды ұйымдастыру (2 мың адам) курстар Облыстық еңбек, жұмыспен қамту және халықты әлеуметтік қорғау басқармасы, "Евразия" институты, "Андас" оқу орталығы, аудандардың және қаланың әкімдері 2001-2002 жылдары 6.2. Шағын кәсіпорындар үшін жалпы ақпараттық желінің ашықтығын жасау, тегін консультациялық қызметтер көрсету, анықтамалықтар, шағын кітапшалар шығару ақпарат тапсыру ЦМБ ассоциациясы, кәсіпкерлікті қолдау және дамыту департаменті, МЦБ 2001 жыл 6.3. Бұқаралық ақпарат құралдарында шағын бизнестің проблемалары мен қол жеткен жетістіктері туралы жариялап отыру (теледидар, радио, газеттер, журналдар т.б.), кәсіпкерліктің өзекті мәселелері туралы материалдар әзірлеу жарияланымдар мен сөздер Кәсіпкерлікті қолдау және дамыту департаменті, облыс әкімінің баспасөз қызметі, ЦМБ ассоциациясы, облыстық басқармалар мен комитеттер Ұдайы 7. Аймақтық дамыту 7.1. Аудандарда, Орал қаласында және Ақсай қаласының жеке өзінде шағын бизнесті дамытудың 2001-2002 жылдарға арналған Бағдарламасын әзірлеу бағдарламалар, есеп Аудандардың және Орал қаласының әкімдері 1-тоқсан 2001 жыл 7.2. Шағын бизнесті дамыту жөніндегі аймақтық Бағдарламаның ойдағыдай іске асырылуын қамтамасыз ету 7.3. Облыстың аудандары бойынша және Орал қаласында шағын кәсіпкерлікті дамыту жағдайына мониторинг жүргізу және рейтингтік бағалау көрсеткішін енгізу жолымен аудандар жұмысын ай сайын бағалау есеп Кәсіпкерлікті қолдау және дамыту департаменті, аудандардың және Орал қаласының әкімдері ай сайын