Об организации отдыха, оздоровления, занятости детей и подростков в летний период 2001 года Қолданыста

2001 жылдың жазғы маусымында балалар мен жас өспірімдердің демалысын, суықтырылуын және жұмыспен қамтылуын ұйымдастыру туралы 📌 Ескерту. Күші жойылды - Қарағанды облысы әкімінің 2002.04.30 N 79 шешімімен. Балалар мен жас өспірімдердің денсаулығын нығайтуды, қауіпсіздігін, кәмелетке толмағандардың демалысын, сауықтырылуын, жұмыспен қамтылуын, бақылаусыз қалуын, құқық бұзушылықтың алдын алуды ұйымдастыру үшін қажетті жағдайлар жасау мақсатында:

1. Балалар мен жас өспірімдердің демалысын, сауықтырылуын және жұмыспен қамтылуын ұйымдастыру мен өткізуді бақылау жөніндегі облыстық комиссияның құрамы бекітілсін (N1 қосымша).

2. Қалалар және аудандар әкімдеріғ басқармалар, кәсіпорындар басшылары кәсіподақ, жастар, балалар және басқа да қоғамдық бірлестіктермен бірлесе отырып, 2001 жылдың жазғы маусымына уақытында дайындалуды қамтамасыз етсін.

3. Қалалар және аудандар әкімдері: - жергілікті бюджетте көзделген қаржылар, сондай-ақ демеушілік және қайырымдылық көмектер қатыстыру есебінен балалар мен жас өспірімдердің демалуын және сауықтырылуын ұйымдастырсын және өткізсін; - ата-анасының қамқорынсыз қалған және мүмкіндігі шектеулі балалардың, аз қамтылған және көп балалы отбасыларының, толық емес және жұмыссыздар отбасылары балаларының демалуы мен сауықтырылуын бірінші кезекте қамтамасыз етсін.

4. Облыстық қаржы басқармасы (С.Н.Нүгербеков) облыстың білім беру мекемелерінде тәрбиеленіп жатқан жетім балалардың қала сыртындағы сауықтыру лагерьлерінде сауықтырылуы үшін мемлекеттік мекемелер шығыстарының сметасы шегінде қаржыландыру жүргізсін.

5. Облыстық білім беру департаменті (Е.П.Бекметов), облыстық туризм және спорт комитеті (В.Л.Громов) жазғы каникул кезінде балалармен және жас өспірімдермен жұмыс істеудегі барлық мектептен тыс ұйымдар мен спорт ұйымдарының жұмысын қамтамасыз етсін.

6. Облыстық еңбек, халықты жұмыспен қамту және әлеуметтік қорғау басқармасы (А.Е.Әбілаев) заңнамаға сәйкес каникул кезінде жас өспірімдер үшін уақытша жұмыс орындарын ұйымдастырсын.

7. Облыстық туризм және спорт комитеті (В.Л.Громов) жазғы каникул кезінде балалар және жас өспірімдер туризмін дамыту үшін жағдай жасасын.

8. Облыстық санитарлық-эпидемиялық станция (С.Т.Сәтеков) балалардың демалу және сауықтыру мекемелеріндегі санитарлық-эпидемиялық жағдайды тиісті бақылаумен қамтамасыз етсін.

9. Кәмелетке толмағандар істері жөніндегі комиссиялар жазғы каникул кезінде кәмелетке толмағандар арасында бақылаусыз қалудың, құқық бұзушылық пен қылмыстың алдын алу жөнінде нақты шаралар қабылдасын.

10. Балансында қала сыртындағы сауықтыру лагерьлері бар кәсіпорындар мен ұйымдар басшылары: - қала сыртындағы сауықтыру лагерьлерін медициналық жабдықтармен, дәрі-дәрмекпен, сапалы тамақтануды қамтамасыз ететін азық-түлікпен, өрт қауіпсіздігі құралдарымен, спорттық және мәдени бұйымдармен қамтамасыз етуге; - кәсіподақ комитеттері және еңбек ұжымдарының келісімімен ақысыз жолдамалар немесе құны жартылай өтелетін жолдамалар санын анықтауға; - облыстық білім беру департаменті (Е.П.Бекметов). облыстық денсаулық сақтау басқармасы (Қ.Қ.Ермекбаев), облыстық мәдениет департаментімен (Р.К.Омарбекова) бірлесе отырып, келісім-шарт негізінде қала сыртындағы сауықтыру лагерьлерін білікті мамандармен толықтыруға назар аударсын.

11. Қала сыртындағы сауықтыру лагерьлерінде балалар өмірі мен денсаулығын қорғауды қамтамасыз етуге жағдай жасау үшін: - облыстық туризм және спорт комитеті (В.Л.Громов) спорттық, ойын алаңдарының, туристік сапалар, экскурсиялар, серуендер бағыттарының уақытында тексерілуін жүзеге асырсын; - мемлекеттік өртке қарсы қызмет (В.М.Козлов) балалардың сауықтыру лагерьлеріндегі өртке қарсы қауіпсіздікті қамтамасыз етсін; - облыстық судан құтқару қызметі (В.Д.Фаст) суға түсетін орындардың қауіпсіздігіне бақылау орнатсын; - Ішкі істер Бас басқармасы (В.В.Симачев) сауықтыру лагерьлері орналасқан жерлерде құқық тәртібінің сақталуын қамтамасыз етсін, учаскелік инспекторлар бекітіліп, белгіленген тәртіп бойынша балаларды демалыс орындарына және кері қарай автокөлікпен шығарып салуды жүзеге асырсын. - Облыстық “Қазақтелеком” ААҚ телекомуникациялар дирекциясы, кәсіпорындар және ұйымдар басшылары қала сыртындағы лагерьлерді телефон байланысымен және оның үздіксіз жұмыс істеуін қамтамасыз етсін.

12. Қарағанды облыстық теле-радио хабарларын тарату компаниясы (Ә.Ә.Әбдәкімов), “Индустриальная Караганда” (С.М.Кемелбаев), “Орталық Казақстан” (М.С.Сембай) газеттерінің редакциялары балалар мен жас өспірімдердің жазғы демалысын, сауықтырылуын және жұмыспен қамтылуын кеңінен жарияласын.

13. Облыс әкімінің 2000 жылғы 18 сәуірдегі “2000 жылдың жазғы маусымында балалар мен жас өспірімдердің демалысын, сауықтырылуын және жұмыспен қамтылуын ұйымдастыру туралы” N 58 шешімінің күші жойылған деп табылсын.

14. Осы шешімнің орындалу барысы туралы ақпарат 2001 жылғы 1 қыркүйекке тапсырылсын.

15. Осы шешімнің орындалуына бақылау жасау облыс әкімінің орынбасары Е.Л.Тоғжановқа жүктелсін.

Облыс әкімінің 2001 жылғы 16.04 N 64 шешіміне N 1 қосымша Облыстық балалар мен жас өспірімдердің демалысын, сауықтырылуын және жұмыспен қамтылуын ұйымдастыру және өткізуді бақылау жөніндегі комиссия ҚҰРАМЫ

1. Тоғжанов Ералы Лұқпанұлы - облыс әкімінің орынбасары, комиссия төрағасы

2. Бекметов Евгений Петрович - облыстық білім беру департаментінің директоры

3. Бекшенова Бағдат Мұхамедәліқызы - облыстық “Қарағанды” қоғамдық балалар қорының атқарушы директоры (келісім бойынша)

4. Ермекбаев Қанат Кәртайұлы - облыстық денсаулық сақтау басқармасының бастығы

5. Кулагина Татьяна Петровна - облыс әкімі аппаратының ішкі саясат және әлеуметтік сала бөлімінің бас маманы

6. Сәтеков Серікбай Түгелбайұлы - облыстың бас мемлекеттік санитарлық дәрігері

7. Самойлюк Татьяна Филипповна - облыстық білім беру және ғылым қызметкерлерінің кәсіподақ комитетінің төрағасы (келісім бойынша)