О Правилах оказания социальной помощи по возмещению расходов, связанных с проездом больных, направленных на лечение в лечебно-профилактические и другие учреждения здравоохранения Республики Казахстан, на 2001 год Күшін жойған

Қазақстан Республикасының емдеу-сауықтыру және басқа денсаулық сақтау мекемелеріне жіберілген ауруларға жол шығынын өтеу жөнінде әлеуметтік көмек көрсетудің 2001 жылға арналған Ережелері туралы 📌 Ескерту. Күші жойылды - Қостанай облысы мәслихатының 26.12.2001 № 167 шешімімен. «Жергілікті өкілетті органдардың шешімі бойынша азаматтардың жекелеген санаттарына әлеуметтік төлем» облыстық бюджеттік бағдарламаның орындалуына бақылауды жузеге асыру мақсатында, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6-бабының 1-тармағының 9)-тармақшасына сәйкес, Қостанай облыстық маслихаты, ШЕШТІ :

1. Қоса берілген Қазақстан Республикасының емдеу - сауықтыру және басқа денсаулық сақтау мекемелеріне жіберілген ауруларға жол шығынын өтеу жөнінде әлеуметтік көмек көрсетудің 2001 жылға арналған Ережесі бекітілсін.

2. Қостанай облыстық мәслихатының 2000 жылғы 18 шілдедегі «Қазақстан Республикасының емдеу-сауықтыру және басқа денсаулық сақтау мекемелеріне жіберілген ауруларға жол шығынның өтеу жөнінде әлеуметтік көмек көрсетудің 2000 жылға арналған Ережесін бекіту туралы» шешімінің күші жойылды деп есептелсін.

Қостанай облыстық маслихатының 2001 жылғы 26 сәуірдегі № 113 шешімімен бекітілген қосымша 2001 жылға арналған Қазақстан Республикасының емдеу-сауықтыру және басқа денсаулық сақтау мекемелеріне емделуге жіберілген ауруларға жол шығынын өтеу жөнінде әлеуметтік көмек көрсетудің ЕРЕЖЕСІ Осы Ереже «Жергілікті өкілетті органдардың шешімі бойынша азаматтардың жекелеген санаттарына әлеуметтік төлемдер» жөніндегі бюджеттік бағдарлама бойынша 2001 жылға арналған Қазақстан Республикасының емдеу-сауықтыру және басқа денсаулық сақтау мекемелеріне емделуге жіберілген ауруларға жол шығынын өтеу жөнінде әлеуметтік көмек көрсетудің тәртібін реттейді.

1. Жалпы ережелер

1. Қазақстан Республикасының емдеу-сауықтыру және басқа денсаулық сақтау мекемелеріне емдеуге жіберілген ауруларға жол шығынын өтеу жөнінде әлеуметтік көмекті (әрі қарай-әлеуметтік көмек) аудандық, қалалық еңбек, жұмыспен қамту және халықты әлеуметтік қорғау басқармалары (әрі қарай — уәкілетті орган) көрсетеді. Әлеуметтік көмек алуға құқылы және емделуге 2000 жылы барып қайтқандар , егер олар 2001 жылдың 1 шілдесіне дейін уәкілетті органға өтініш жасаған болса, жол жүруге байланысты шығынға өтем алуға құқылы. Атаулы әлеуметтіқ көмек көрсету жөніндегі комиссия азаматтардың әлеуметтік көмек көрсету жөніндегі арызын қарайды және әлеуметтік көмекті тағайыңдау не тағайындаудан бас тарту туралы шешім қабылдайды.

2. Әлеуметтік көмекті Қазақстан Республикасының азаматтары және Қазақстан Республикасында тұрақты тұратын азаматтықтары жоқ адамдар, егер отбасының орта есеппен жан басына шаққандағы жиынтық табысы белгіленген кедейлік шегінен төмен болса алуға құқылы.

3. Әлеуметтік көмектің аталған түрі отбасының табысына қарамастан азаматтардың төмендегі санаттарына көрсетіледі:

1) 18 жасқа дейінгі жасөспірімдерге;

2) 1,2,3 топтағы мүгедектерге;

3) Ұлы Отан соғысынына қатысушыларға, мүгедектерге;

4) Чернобыль АЭС және басқа ядролық апаттардан зардап шеккендерге;

5) жасанды иммунды тапшылық вирусы жұққан немесе осы аурумен ауыратындарға;

6) онкология , гематология ауруларымен ауыратындарға;

7) диабет ауруларына;

8) жүректі, бүйректі, бауырды көшіріп отырғызу операциясынан кейінгі жағдайдағыларға;

9) инфаркт ауруларына (бірінші алты айда)

10) жүрек қақпақшасын протездеу операциясынан жағдайдағыларға (антикоагулянты).

4. Сонымен қатар әлеуметтік көмек, егер дәрігерлік-кеңестік комиссияның тұжырымында ауруды алып жүру қажеттілігі көрсетілсе, ауруды алып жүрген бір адамға беріледі. Аталған жағдай 18 жасқа дейінгі жасөспірімдерге тарамайды, өйткені әлеуметтік көмек ауру балаға, оны алып жүрген ата- ананың біреуіне, асырап алушыға, қамқоршыға, немесе кәмелетке толған жақын туысына беріледі.

2. Әлеуметтік көмек алу

5. Әлеуметтік көмек алуға үміткер (ары қарай-арыз беруші) жазбаша арыз береді және әлеуметтік көмек алу құқығын растайтын құжаттарды тапсырады. Атаулы әлеуметтік көмек көрсету жөніндегі комиссия осы Ереженің 2 тармағында көрсетілген адамдардың келісімімен отбасының әлеуметтік - тұрмыстық жағдайын зерттейді. Арыз беруші бас тартса әлеуметтік көмек алу құқығынан айырылады Комиссия тексеру нәтижесі бойынша акт жасайды, актіге комиссия мүшелері қол қояды. Аталған актімен арыз беруші жазбаша түрде қол қойып танысады.

6. Арыз беруші арызда және құжаттарда көрсетілген мәліметтің толықтығына, растығына зандылықтарға сәйкес жауапты болады.

3. Қажет құжаттар тізбесі

7. Әлеуметтік көмек тағайындау үшін міндетті түрде қажет құжаттар:

1) облыстық денсаулық басқармасының емделуге емдеу-сауықтыру және Қазақстан Республикасының басқа денсаулық сақтау мекемелеріне берген жолдамасы. Жолдама ресми бланкіге ресімделеді, онда қол қойған лауазым иесінің толық атауы көрсетіледі, қол қойылады және ол ажыратылады. Жауапты түлғаның қолы мөрмен расталады:

2) темір жол көлігімен, не автобуспен жүрген қүжаттар ұсынылады.

8. Бұдан басқа төмендегі құжаттар ұсынылады:

1) осы Ереженің 2 тармағында көрсетілген азаматтардың санаттары үшін: жиынтық табысты есептеу тәртібін реттейтін нормативтік құқықтық актілерге сәйкес отбасының кірісінің жоқтығын, не барлығын растайтын құжаттар.

2) 18 жасқа дейінгі жасөспірімдер үшін: туу туралы куәліктің көшірмесі.

3) 1,2,3 топтағы мүгедектер үшін: медициналық-әлеуметтік сараптау комиссияның мүгедектікті анықтау анықтамасының көшірмесі.

4) Чернобыль АЭС және басқа ядролық апаттан зардап шеккен азаматтар үшін: азаматтың көрсетілген әлеуметтік дәрежесін растайтын куәліктін көшірмесі.

5) Ұлы Отан соғысының мүгедектері, қатысушылары үшін: азаматтың көрсетілген әлеуметтік дәрежесін растайтын куәліктің көшірмесі

6) төмендегі аурулары барлар үшін диабет (қантты, қанттысыз), инфарқт (бірінші алты ай); онкологиялық, гематологиялық аурүлар; жүректі, бүйректі, бауырды көшіріп отырғызу операциясынан кейінгі жағдайдағылар; жүрек қақпақшасын протездеу операциясынан кейінгі жағдайдағылар (антикоагулянты); жасанды иммунды тапшылық вирусы жұққан немесе осы аурумен ауыратындар. Аталған аурулармен ауыратындықтары туралы дәрігерлік кенестік комиссиянын анықтамасының көшірмесі.

9. Әлеуметтік көмек тағайындау үшін қажет құжаттардың түпнұсқаларын, не белгіленген тәртіп бойынша куәландырылған көшірмелерін тапсыруға болады.

4. Әлеуметтік көмекті тағайындау тәртібі

10. Комиссия әлеуметтік көмек тағайындау не тағайындаудан тарту туралы шешімді арыз беруші арызымен қоса барлық кұжаттарын тапсырғаннан кейін 10 күн ішінде береді, ол туралы арыз иесіне хабарланады.

11. Жол жүру құжаттары болмаса әлеуметтік көмек көрсетілмейді.

5. Әлеуметтік көмектің мөлшері

12. Қазақстан Республикасының емдеу-сауықтыру және басқа денсаулық сақтау мекемелеріне емделуге жіберілген сырқат адамдарға жүруге байланысты шығынды өтеудегі әлеуметтік көмек, жол жүру құжатының негізіне сәйкес (бару және келу), темір жол көлігі немесе жолаушы автобусымен жол жүру құнының 100 % көлемінде көрсетіледі.

6. Әлеуметтік көмекті төлеу

1З. Әлеуметтік көмекті төлеу жергілікті бюджет есебінен жүргізіледі.

14. Аудандық (қалалық) еңбек, жұмыспен қамту және халықты әлеуметтік қорғау басқармалары әлеуметтік көмек тағайындалған азаматтардың тізімін жасап, есептеп, ай сайын облыстық еңбек, жұмыспен қамту және халықты әлеуметтік қорғау басқармасына береді, облыстық басқарма жалпы тізім жасап, ай сайын облыстық қаржы департаментіне қаржыландыруға тапсырыс беріп отырады.

15. Әлеуметтік көмекті төлеу, тиісті операциялар түріне Қазакстан Республикасының Ұлттық банкісінің лицензиясы бар, заңмен белгіленген тәртіппен конкурсты ұтып алған ұйымдар арқылы іске асырылады.

16. Әлеуметтік көмекті төлеу аудандық (қалалық), енбек, жұмыспен қамту және халықты әлеуметтік қөрғау басқармаларының ұсынылған тізімдеріне сәйкес іске асырулады.