Об утверждении внутренних Правил кредитования и потребности в кредитных средствах сельхозтоваропроизводителей области для проведения весенне-полевых и уборочных работ 2001 года Қолданыста

Облыстағы ауыл шаруашылығы тауар өндiрушiлерiне 2001 жылғы көктемгi дала және егiн жинау жұмыстарын өткiзу үшiн несие бөлудiң iшкi ережесi мен несиелiк қаржы жөнiндегi қажеттiлiктi бекiту туралы Қазақстан Республикасы Їкiметiнiң 2001 жылғы 10 сәуiрдегi "Қазақстан Республикасы Үкiметiнiң резервiнен қаржы бөлу туралы" № 485, 2001 жылғы 18 мамырдағы "Қазақстан Республикасы Үкiметiнiң 2001 жылғы 10 сәуiрдегi № 485 және 2001 жылғы 18 сәуiрдегi № 503 қаулыларына толықтырулар енгiзу туралы" № 652 қаулыларына сәйкес және облыстағы ауыл шаруашылығы тауар өндiрушiлерiнiң жанар-жағармай материалдарын, тұқым, тыңайтқыш, гербицид, ауыл шаруашылығы машиналарына арналған қосалқы бөлшектер сатып алуын, ауыл шаруашылығы техникасын жалға алуын қамтамасыз ету мақсатында:

1. Облыстағы ауыл шаруашылығы тауар өндiрушiлерiне 2001 жылғы көктемгi дала және егiн жинау жұмыстарын өткiзу үшiн несие бөлудiң iшкi ережесi бекiтiлсiн (№ 1 қосымша).

2. Аудандар мен қалалардың әкiмдерiне бөлiнетiн несиелiк қаржы қажеттiлiгi 61300 мың теңге сомасында бекiтiлсiн (№ 2 қосымша).

3. Несиенi өтеу мерзiмi 2001 жылғы 15 қарашаға дейiнгi мерзiмге белгiленсiн.

4. Осы шешiмнiң орындалуын бақылау облыс әкiмiнiң орынбасары Р. С. Халмұрадовқа жүктелсiн.

Облыс әкiмiнiң 2001 жылғы 28 мамырдағы № 164 шешiмiне № 1 қосымша Облыстағы ауыл шаруашылығы тауар өндiрушiлерiне 2001 жылғы көктемгi дала және егiн жинау жұмыстарын өткiзу үшiн несие бөлудiң iшкi ережесi Осы Ереже Қазақстан Республикасы Үкiметiнiң 2001 жылғы 10 сәуiрдегi "Қазақстан Республикасы Үкiметiнiң резервiнен қаржы бөлу туралы" № 485 қаулысы, Қазақстан Республикасы Үкiметiнiң 2001 жылғы 9 сәуiрдегi № 478 қаулысы, сондай-ақ Қазақстан Республикасы Үкiметiнiң 2001 жылғы 18 мамырдағы "Қазақстан Республикасы Үкiметiнiң 2001 жылғы 10 сәуiрдегi № 485 және 2001 жылғы 18 сәуiрдегi № 503 қаулыларына толықтырулар енгiзу туралы" № 652 қаулылары негiзiнде әзiрлендi және 2001 жылға арналған облыстық бюджеттiң "Ауыл шаруашылығы тауар өндiрушiлерiне көктемгi дала және егiн жинау жұмыстарын өткiзуге несие бөлу" бағдарламасында қарастырылған несиелiк ресурстар есебiнен ауыл шаруашылығы тауар өндiрушiлерiн уақытша қаржылай қолдаудың тәртiбi мен шарттарын анықтайды.

1. Жалпы ережелер

1. Осы Ережеде мынадай ұғымдар пайдаланылады: несие берушi - облыс қалалары мен аудандарының әкiмияттары; бағдарламаға әкiмшiлiк етушi - облыстық ауыл шаруашылығы департаментi; қаржы органы - облыстық қаржы департаментi; бюджет несиесi - аудандық және қалалық әкiмияттардың бюджеттен мерзiмдiлiк, қайтармалы және қамтамасыз ету шарттарымен беретiн ақшасы; заемшы - түпкi заемшы бюджеттен несие алған заңды немесе жеке тұлға; бюджет несиесi бойынша берешек - заемшының бюджет несиесiн өтеу мен қызмет көрсету кестесiне сәйкес белгiлi мерзiмде төлемеген қаржы мөлшерi.

2. Бюджеттiк несиелендiру қаржы департаментiнiң несиелiк қаржыны облыстық ауыл шаруашылығы департаментiне беруi арқылы жүзеге асады, ал ауыл шаруашылығы департаментi несиелiк қаржыны түпкi заемшыларға беру үшiн аудандық, қалалық әкiмияттарға аударады. Бюджеттiк несиелердi беру Қазақстан Республикасының заңдарына сәйкес несиелiк шартпен ресiмделедi.

3. Бағдарламаға әкiмшiлiк етушi - облыстық ауыл шаруашылығы департаментi облыс аудандары мен қалаларының әкiмдерiмен несиелiк қаржы бөлу және оның белгiленген мерзiмде қайтарылатындығын қамтамасыз ету туралы келiсiмге отырады.

4. Облыс қалалары мен аудандарының әкiмдерi несиелiк қаржыны түпкi заемшыларға аудару және шоттарына келiп түсуi үшiн қазынашылық органдарында ағымдағы бюджеттiк шот ашады.

5. Түпкi заемшыларға несие сыйақының нөлдiк ставкасымен берiледi.

6. Бюджеттiк несиелендiрудiң мiндеттi шарты несие берушiнiң мүддесiн қорғау, несие тәуекелiнiң туындауын төменгi деңгейге жеткiзу болып табылады.

7. Бюджеттiк несиелендiру процесiнде аудандар мен қалалар әкiмдерi мен түпкi заемшылар арасында несие шарты жасалынады.

2. Бюджеттiк несиелендiрудiң бағыттары

8. Бюджеттiк несиелер ағымдағы жылға арналған тиiстi бағдарламада қарастырылған қаржы мөлшерiнiң шегiнде берiледi. Осы Ережеде қарастырылған бюджеттiк несиелендiрудiң бағыты ауыл шаруашылығы тауар өндiрушiлерiн 2001 жылғы көктемгi дала және егiн жинау жұмыстарын өткiзу үшiн жанар-жағармай материалдарымен, тұқым, тыңайтқыш, гербицидпен, ауыл шаруашылығы машиналарына арналған қосалқы бөлшектермен, сондай-ақ ауыл шаруашылығы техникасын жалға немесе сатып алуын қамтамасыз ету болып табылады.

3. Бюджеттiк несиелердiң түрлерi мен нысандары

9. Бюджеттiк несиелердi беру нысаны бойынша бюджет қаржысының шығыстар нұсқасына сәйкес аудандар мен қалалар әкiмияттарына бюджеттiк несиенi бiр жолға аудару жолымен берiлетiн мерзiмдi несие болып табылады.

10. Бюджеттiк несиелер беру мерзiмi бойынша 2001 жылғы 15 қарашаға дейiн өтелуi тиiс қысқа мерзiмдi несие түрiнде берiледi.

11. Бюджеттiк несиелер ұлттық валюта түрiнде берiледi.

12. Нақты бюджет бағдарламаларының шеңберiнде бюджеттiк несиелендiрудiң шарттары: бюджет есебiнен несиелендiрiлетiн жобалардың ауыл шаруашылығы тауар өндiрушiлерiн көктемгi дала және егiн жинау жұмыстары үшiн жанар-жағармай материалдарымен, тұқым, тыңайтқыш, гербицид, ауыл шаруашылығы машиналарына арналған қосалқы бөлшектермен, сондай-ақ олардың ауыл шаруашылығы техникасын жалға және сатып алуын қамтамасыз етуге бағытталуы; түпкi заемшының банк мекемелерiнде несиелер бойынша, қолданылып жүрген заңдарда қарастырылған салық, зейнетақы және басқа да төлемдер бойынша берешегiнiң болмауы; түпкi заемшының бағдарламаларға әкiмшiлiк етушi және аудандар мен қалалар әкiмияттарының белгiлеген тiзбесi бойынша құжаттар пакетiн ұсынуы; берiлетiн несие сомасының лимитi аудандар мен қалалар әкiмияттарының белгiлеген жұмыс көлемiне қарап белгiленедi.

4. Бюджет несиесiн берудi ұйымдастыру

13. Аудандар мен қалалардың әкiмияттары: түпкi қарыз алушыларды iрiктеп, олардың тiзiмiн бекiтедi; көктемгi дала және егiн жинау жұмыстарын жүргiзу үшiн ауыл шаруашылығы тауар өндiрушiлерiн - заемшыларды жанар-жағармай материалдарымен, тұқыммен, тыңайтқышпен, гербицидтермен, ауыл шаруашылығы машиналары үшiн қосалқы бөлшектермен қамтамасыз ету, ауыл шаруашылығы техникаларын жалға алу немесе сатып алу үшiн қажеттi бюджет несиесiнiң мөлшерiн анықтайды; заемшылардың бөлiнген бюджет несиесiн пайдалануына бақылау орнатады; бюджет несиесiнiң өз уақытында қайтарылуын қамтамасыз етедi.

14. Аудандар мен қалалардың әкiмияттары заемшымен несиелiк шартқа тұрады және оған қатысты құжаттарды (кепiл туралы шартты, кепiлдiктi, бюджеттiк несиенi өтеу кестесiн, т.б.) жасайды;

15. Тізiлген несие шарттары сол күннен бастап үш күндiк мерзiмде қаржы органдарында тiркелуi тиiс.

16. Несиелiк шартта мiндеттi түрде несие берудiң және оны өтеудiң нысаны, мөлшерi, мерзiмi мен басқа да шарттары, мiндеттемелерi, несиенi қайтаруды қамтамасыз ету тәсiлдерi, тараптардың құқықтары мен мiндеттерi, шарт талаптары орындалмаған жағдайдағы санкция, дауларды шешу тәртiбi, шарттың әрекет ету мерзiмi қарастырылуы керек.

17. Тараптардың бюджеттен несие беру барысында туындаған барлық даулары мен түсiнбеушiлiктерi несиелiк шартта белгiленген тәртiппен және Қазақстан Республикасының заңдарына сәйкес шешiледi.

5. Бюджет несиесiн өтеудiң және оған қызмет көрсетудiң тәртiбi

18. Негiзгi қарызды өтеудi жасалынған несиелiк шартқа сәйкес заемшы жүзеге асырады. Бұл орайда мынадай төлемдер ретi белгiленедi: есептеп шығарылған айыппұлдар мен өсiмдер; негiзгi қарыздарды өтеу.

19. Несиелiк шартта тараптардың қалауы бойынша қарызды мерзiмiнен бұрын өтеу құқығы қарастырылуы мүмкiн.

20. Аудандар мен қалалардың әкiмияттары бюджет несиесiнiң мақсатсыз жұмсалу фактiсi анықталған жағдайда заемшыдан дұрыс пайдаланылмаған несие мөлшерiн өндiрiп алуға құқылы.

21. Бюджет несиесi белгiленген мерзiмде қайтарылмаған жағдайда, облыстық қаржы департаментi бағдарламаға әкiмшiлiк етушiнiң қорытындысы негiзiнде және Қазақстан Республикасы қаржы министрлiгiнiң 2001 жылғы 31 қаңтардағы "Республикалық және облыстық бюджеттерден, Астана және Алматы қалаларының бюджеттерiнен берiлген бюджеттiк несиелер бойынша өтелмеген қарыздар мөлшерiн жергiлiктi бюджеттердiң есебiнен шығару ережесiн бекiту туралы" № 46 бұйрығына сәйкес бюджеттiк несиенiң мөлшерiн аудандық және қалалық әкiмияттардың есебiнен шығаруды жүзеге асырады.

22. Заемшы бюджеттiк несие бойынша негiзгi қарыздарын несиелiк шартта көрсетiлген мерзiмде қайтармаған жағдайда, жинақталған қарызға кешiктiрiлген әрбiр күн үшiн несие бойынша қарыздың 0,1 пайызы мөлшерiнде айыппұл қосылады.

23. Заемшыда бюджеттiк несие бойынша қарыз жинақталған жағдайда және оны несиелiк шартта белгiленген мерзiмде өтей алмаса, аудандар мен қалалардың әкiмияттары қарызды қайтаруды қамтамасыз ететiн мынадай тиiстi шараларды қолданады: кепiлгерге (тапсырушыға) заемшының қарыздарын заңдарда белгiленген тәртiпте өтеу жөнiндегi өз мiндеттемелерiн орындау жөнiндегi құжаттарды жiберудi; қолданыстағы заңдарға сәйкес кепiл жөнiндегi шарт негiзiнде заемшының кепiлге қойған мүлкiн өткiзудi; заемшының төлем талабын заемшы несие берушiнiң пайдасына шешу үшiн жолын берген өзге тұлғаға ұсынуды; қарызды өндiрiп алуды сот тәртiбiмен жүзеге асыруды, сот арқылы заемшыны Қазақстан Республикасының "Банкроттық туралы" Заңына сәйкес банкрот деп жариялауға дейiн баруды.

24. Бюджет есебiнен берiлген несие аудандар мен қалалар әкiмияттарының облыс бюджетiне бюджеттiк несие мөлшерiн толық қайтарғаннан кейiн өтелдi деп саналады.

6. Бюджеттiк несиенi есепке алу және бақылау

25. Барлық бюджеттiк несиелер аудандық және қалалық әкiмияттардың жасалынған несиелiк шарттар жөнiндегi, бюджеттiк несиелердiң қаржы департаментi белгiлеген нысанда және мерзiмде нақты берiлуi, қызмет көрсетiлуi және өтелуi туралы жүйелi беретiн есептерiнiң негiзiнде облыстық ауыл шаруашылығы департаментiнiң орталықтандырылған есебiне алынуы тиiс.

26. Бюджеттiк несиелердiң игерiлуiне, мақсатты пайдаланылуына, уақтылы және толық қайтарылуына бақылау жасауды бағдарламаға әкiмшiлiк етушi жүзеге асырады.

27. Бюджеттiк несиелердiң тиiмдi пайдаланылуына баға берудi облыстық ауыл шаруашылығы департаментi жүргiзедi.

28. Бағдарламаға әкiмшiлiк етушi бақылау мақсатында аудандық және қалалық әкiмияттардан бюджеттiк несиеге байланысты қажеттi ақпараттарды талап етуге құқылы.

29. Несиелердi қайтару тәртiбi 501510 "Жергiлiктi бюджеттен берiлген түрлi несиелердi жабу" коды бойынша аудару арқылы жүргiзiледi.

Облыс әкiмiнiң 2001 жылғы 28 мамырдағы N 164 шешiмiне № 2 қосымша Аудандар мен қалалардың 2001 жылғы көктемгi дала және егiн жинау жұмыстарын өткiзуi үшiн жанар-жағармай, тұқым, тыңайтқыш, гербицид, ауыл шаруашылығы машиналарына қосалқы бөлшектер сатып алуға, ауыл шаруашылығы техникасын жалға немесе сатып алуға несие қаржысының қажеттiлiгi № Аудандар мен қалалардың аты мөлшерi (млн. теңге) 1. Бәйдiбек 4.0 2. Қазығұрт 5.0 3. Ордабасы 5.0 4. Отырар 2.7 5. Сайрам 6.0 6. Сарыағаш 6.0 7. Созақ 2.0 8. Төлеби 5.0 9. Мақтарал 8.0 10. Түлкiбас 4.0 11. Шардара 6.0 12. Арыс қаласы 2.0 13. Кентау қаласы 0.6 14. Түркiстан қаласы 5.0 Облыс бойынша 61.3