О поддержке сельхозтоваропроизводителей на период проведения весенне-полевых и уборочных работ 2001 года Қолданыста

2001 жылғы көктемгі дала және егін жинау жұмыстарын жүргізу кезеңіне ауылшаруашылық тауарөндірушілерді қолдау туралы Қазақстан Республикасы Үкіметінің 2001 жылғы 18 сәуірдегі № 503 «2001 жылғы көктемгі дала және егін жинау жұмыстарын жүргізу кезеңінде ауыл шаруашылығы тауарын өндірушілерді жанар-жағар май материалдармен қамтамасыз ету мақсатында жергілікті бюджеттерді несиелеудің кейбір мәселелері туралы» қаулысын орындау мақсатында Қостанай облысының әкімі ШЕШТІ:

1. Тұқым, тыңайтқыш, гербицидтерді сатып алу, 2001 жылғы көктемгі дала және егін жинау жұмыстарына ауылшаруашылық машиналарды жалдау немесе сатып алу үшін «Ауылшаруашылық тауар өндірушілерді 2001 жылдың көктемгі дала және егін жинау жұмыстарын өткізу үшін несиелеу» бағдарламасы бойынша Қостанай облысының бюджет қаражаты есебінен несиелеу ережелері бекітілсін (1 қосымша).

2. 2001 жылғы көктемгі дала және егін жинау жұмыстарына тұқым, тыңайтқыш, гербицидтерді сатып алу, ауылшаруашылық машиналарды жалдау немесе сатып алу үшін ауылшаруашылық тауар өндірушілерді несиелеу бойынша агенті болып Қостанай облысы әкімінің Қостанай инвестициялық компаниясы» МКК белгіленсін.

3. Гербицидтерді, ауылшаруашылық машиналар үшін бөлшектерді сатып алуға облыс аудандары үшін несие қаражаттарының көлемі бекітілсін (2 қосымша).

4. Осы шешімнің орындалуына бақылау жасау Қостанай облысы әкімінің орынбасары С.А. Құламбаевқа жүктелсін.

Қазақстан Республикасы Қостанай облысы әкімінің 2001 жылғы 18 маусымдағы № 81 шешіміне 1 қосымша Қостанай облысының жергілікті бюджет қаражатынан «2001 жылғы көктемгі дала және егін жинау жұмыстарын өткізу үшін ауылшаруашылық тауар өндірушілерді несиелеу» бағдарламасы бойынша несиелеу Ережелері

1. Жалпы ережелер

1. Осы Ережелер 2001 жылғы көктемгі егіс және егін жинау жұмыстарын өткізу үшін тұқым, тыңайтқыш, гербицидтерді, ауылшаруашылық машиналарғабөлшектерді сатып алу, ауылшаруашылық техникасын сатып алу немесе жалдау үшін ауылшаруашылық тауар өндірушілерді несиелеу тәртібін белгілейді (бұдан әрі – Ережелер).

2. Осы Ережелерде айтылған несиелеу: беру нысаны бойынша – жедел және қайтармалы; мерзімі бойынша – қысқа мерзімді; сыйлықақы беру мөлшері бойынша – пайыссыз.

3. Несиені қайтару мерзімі, тәртібі, нысаны (ақшалай, тауармен, бидаймен және т.б.) бойынша шарттары мен міндеттемелерді қамтамасыз ету Агент және ауылшаруашылық тауар өндіруші араларында жасалатын несиелік келісім-шартта және олардың арасындағы кепіл келісім-шартта анықталады.

4. Кепіл келісім-шартқа отыруды қамтамасыз ету және оны несие алушылар есебінен мемлекеттік органдарда тіркеу аудан әкімдеріне жүктеледі.

2. Қаржыландыру негізі

5. Несиелеу үшін қаражат облыс бюджеттеріне республикалық бюджеттен (бұдан әрі – РБ) бөлінеді.

6. Мәслихаттар шешімдері негізінде көрсетілген мақсаттарға жергілікті бюжеттерден қосымша қаражаттар бөлінуі мүмкін.

3. Қарыз алушыларды несиелеу тетігі 7. Облыс (аудан) әкімі РБ-тен түскен ақшалай қаражатты және жеке қаражаттарын бюджеттік бағдарлама әкімгері арқылы аудан әкімібекіткен тізбекке сәйкес ауылшаруашылық тауар өндірушілерге ақшалай қаражатты бөлуді тікелей жүзеге асыратын Агентке бөледі.

4. Ауылшаруашылық тауар өндірушілерді несиелеу жөніндегі Агентті анықтау және оның функциялары

8. Тұқым, тыңайтқыш, гербицидтерді, ауылшаруашылық машиналарға бөлшектерді сатып алу, ауылшаруашылық техникасын сатып алу немесе жалдау үшін ауылшаруашылық тауар өндірушілеріне ақшалай қаражатты бөлу жөніндегі Агентті, облыс әкімі мемлекеттік коммуналдық кәсіпорындардың арасынан анықтайды.

9. Агенттің функциялары:

1) ауылшаруашылық тауар өндірушілер - потенциалды қарыз алушылар туралы облыстың аудандары әкімдерінен ақпарат жинау;

2) ауылшаруашылық тауар өндірушілермен несиелеу келісім-шарттарына отыру;

3) несиелеу бойынша ауылшаруашылық тауар өндірушілерге қаражаттық қаржыны тікелей бөлу;

4) қарыз алушылардың несиені қайтаруын қамтамасыз ету және мемлекеттік бюджетке аударуболып табылады.

5. Несие алушы-ауылшаруашылық тауар өндірушілерді анықтау

10. Тұқым, тыңайтқыш, гербицидтерді, ауылшаруашылық машиналарға бөлшектерді сатып алу, ауылшаруашылық техникасын сатып алу немесе жалдау үшін несиелі қаражатты алуға және оларды несиелеу шектеріне құқығы бар ауылшаруашылық тауар өндірушілердің тізбесі, қаржылы көмек алушы үміткер осы Ережелердің 11-тармағының талаптарына сәйкес болған жағдайда аудан және қала әкімдерімен бекітіледі.

11. Ауылшаруашылық тауар өндіруші, іс-әрекеті ауылшаруашылық өнім өндіру үшін жерді пайдаланумен байланысты және өндірістің негізгі құралы жер болып табылатын, заңды немесе жеке тұлға болып табылу керек.

6. Несиелеу шегін анықтау

12. Аудандар бойынша несиелі қаражаттардың ең көп көлімі облыстық бюджеттен бөлінген қаражаттарды есепке ала отырып, бекітілген облыс үшін жоғары шектер шеңберінде облыс әкімімен бекітіледі.

13. Ауылшаруашылық тауар өндірушілер үшін несиелеу шегі осы ауданға белгіленген шегінен туындата отырып анықталады.

7. Қорытынды ережелер

14. Агенттің бөленетін несиелі қаражаттарды мақматты пайдалануға және оларды белгіленге мерзімдерде өтеуіне бақылау жасауды бағдарламалардың әкімгері жүзеге асырады, соңғы қарыз алушының несиелік қаражаттарды мақсатты пайдалануына және өтеуіне бақылау жасауды Агент жүзеге асырады.

15. Жергілікті атқарушы органдардың жергілікті бюджет қаражатты есебінен жасалатын несиелік келісім-шарттары, жасалғаннан кейінгі үш күндік мерзімде, Қостанай облысының қаржы департаментінде міндетті түрде тіркелуге жатады.

Қазақстан Республикасы Қостанай облысы әкімінің 2001 жылғы 18 маусымдағы № 81 шешіміне 2 қосымша Гербицидтер мен ауылшаруашылық машиналар үшін бөлшектерді сатып алуға арналған несиелік қаражаттардың көлемі № Аудан атауы Несиелеу көлемі мың теңге 1 Алтынсарин 7000 2 Сарыкөл 5000 Барлығы 12000