О государственном закупе зерна урожая 2001 года в осенний период Қолданыста

2001 жылғы егіннің астығын күзгі кезеңде мемлекеттік сатып алу туралы Азық-түліктік астықтың мемлекеттік резервін жаңарту, отандық ауыл шаруашылығы тауарын өндірушілерді қолдау мақсатында Қазақстан Республикасының Үкіметі қаулы етеді:

1. Қоса беріліп отырған 2001 жылғы егіннің астығын күзгі сатып алу ережесі бекітілсін.

2. 2001 жылғы егіннің астығын күзгі кезеңде сатып алуды жергілікті жерлерде ұйымдастыруды қамтамасыз ету жауапкершілігі облыстардың әкімдеріне жүктелсін.

3. "2001 жылғы егіннің астығын мемлекеттік сатып алу туралы" Қазақстан Республикасы Үкіметінің 2001 жылғы 31 қаңтардағы N 155 қаулысына (Қазақстан Республикасының ПҮКЖ-ы, 2001 ж., N 4-5, 47-құжат) мынадай өзгерістер енгізілсін: 1-тармақта: 1) тармақшада: бірінші абзацтағы "5 108 000 000 (бес миллиард бір жүз сегіз миллион) теңге сомасына 419 000 (төрт жүз он тоғыз мың) тоннаға" деген сөздер "5 276 553 656 (бес миллиард екі жүз жетпіс алты миллион бес жүз елу үш мың алты жүз елу алты) теңгеге дейін сомаға 448 970 (төрт жүз қырық сегіз мың тоғыз жүз жетпіс) тоннаға" деген сөздермен ауыстырылсын; екінші абзацтағы "3 369 740 000 (үш миллиард үш жүз алпыс тоғыз миллион жеті жүз қырық мың) теңге сомасына 276 000 (екі жүз жетпіс алты мың) тоннаға" деген сөздер "2 686 740 863 (екі миллиард алты жүз сексен алты миллион жеті жүз қырық мың сегіз жүз алпыс үш) теңгеге дейін сомаға 229 970 (екі жүз жиырма тоғыз мың тоғыз жүз жетпіс) тоннаға" деген сөздермен ауыстырылсын; үшінші абзацтағы "1 738 260 000 (бір миллиард жеті жүз отыз сегіз миллион екі жүз алпыс мың) теңге сомасына 143 000 (жүз қырық үш мың) тоннаға" деген сөздер "2 589 812 793 (екі миллиард бес жүз сексен тоғыз миллион сегіз жүз он екі мың жеті жүз тоқсан үш) теңгеге дейін сомаға 219 000 (екi жүз он тоғыз мың) тоннаға" деген сөздермен ауыстырылсын; 2) тармақшада: бiрiншi абзацтағы "305 400 000 (үш жүз бес миллион төрт жүз мың) теңге сомасына 20 000 (жиырма мың) тоннаға" деген сөздер "136 846 344 (жүз отыз алты миллион сегіз жүз қырық алты мың үш жүз қырық төрт) теңгеге дейiн сомаға 9 289 (тоғыз мың екi жүз сексен тоғыз) тоннаға" деген сөздермен ауыстырылсын; екiншi абзацтағы "213 780 000 (екi жүз он үш миллион жетi жүз сексен мың) теңге сомасына 14 000 (он төрт мың) тоннаға" деген сөздер "48 046 344 (қырық сегiз миллион қырық алты мың үш жүз қырық төрт) теңге сомасына 3 289 (үш мың екi жүз сексен тоғыз) тоннаға" деген сөздермен ауыстырылсын; үшiншi абзацтағы "91 620 000 (тоқсан бір миллион алты жүз жиырма мың) теңге сомасына" деген сөздер "88 800 000 (сексен сегіз миллион сегіз жүз мың) теңгеге дейiн сомаға" деген сөздермен ауыстырылсын.

4. Осы қаулы қол қойылған күнiнен бастап күшiне енедi және жариялануға тиiс.

Қазақстан Республикасы Үкіметінің 2001 жылғы 6 қыркүйектегі N 1151 қаулысымен бекiтiлген 2001 жылғы егiннiң астығын күзгi сатып алу ережесi Осы Ереже 2001 жылғы егiннiң астығын күзгi мемлекеттiк сатып алу тәртiбiн айқындайды.

1. Астықты күзгi мемлекеттiк сатып алу шарттары

1. Сатып алу "Азық-түлiк келiсiм-шарт корпорациясы" жабық акционерлiк қоғамы (бұдан әрi - Корпорация) конкурстық негiзде iрiктеп алған астық сақтауға лицензиясы бар және Қазақстан Республикасының Ауыл шаруашылығы министрлiгi (бұдан әрi - Ауылшарминi) бекiткен тiзiмге енген астық қабылдау кәсiпорындарында ауыл шаруашылығы тауар өндiрушiлерiнен (бұдан әрi - Сатушы) бiр сатушыдан 15 мың тонна астықтан аспайтын көлемде жүзеге асырылады.

2. Мемлекеттiк астық ресурстарын қабылдауға және сақтауға жiберiлген астық қабылдау кәсiпорындарының тiзiмiн Корпорация "Егемен Қазақстан" және "Казахстанская правда" республикалық газеттерiнде жариялайды.

2. Астықты сатып алуды жүргiзу мен оны қаржыландыру тәртiбi

3. Астықты мемлекеттiк сатып алу бағдарламасына қатысуға жiберiлген сатушылардың тiзiмдерiн айқындау үшiн облыс әкiмдерiнiң шешiмдерiмен жұмыс топтары құрылады. Жұмыс топтарының құрамына облыс әкiмдерiнiң ауыл шаруашылығының мәселелерiн қадағалайтын орынбасарлары, ауыл шаруашылығы департаменттерiнiң (басқармаларының), жер ресурстарын басқару жөнiндегi аумақтық органдардың, статистика және салық органдарының, Ауылшарминiнiң облыстық аумақтық басқармаларының өкiлдерi және Корпорацияның облыстық өкiлдiктерiнiң директорлары енгiзiледi.

4. Өз астығын сатуға мүдделi сатушылар жұмыс топтарына:

1) жұмыс тобының атына олар өндiрген астықты сату туралы жазбаша өтiнiштi;

2) кiрiс түбiртегiнiң (КТ-13) және астық қабылдау кәсiпорны белгiлеген тәртiппен берген астықтың сапалы көрсеткiштерiн куәландыратын құжаттың көшiрмесiн;

3) жердi пайдалану құқығын куәландыратын құжаттың нотариалды расталған көшiрмесін ұсынады.

5. Жұмыс топтары Сатушылардың тiзiмдерiн құрастырады. Кезектiлiк бұл ретте берiлген жазбаша өтiнiмдерге сәйкес белгiленедi. Бекiтiлген тiзiмдер Ауылшарминi бекiтетiн нысан бойынша Сатушымен астықты сатып алу-сату шарттарын жасасу үшiн Корпорацияның облыстық өкiлдiктерiне жiберiледi. Шарт тараптардың әрқайсысы үшiн бiр-бiрден екi данада жасалады. Шарт жасасу үшiн Сатушы салық қызметi органдарынан ол қосылған құнға салынатын салықты, заңды тұлғалардан алынатын табыс салығын төлеушi болып табылатындығын растайтын анықтаманы не Сатушы бiрыңғай жер салығын төлеушi болып табылатындығын растайтын құжатты ұсынады.

6. Астықты сатып алу-сату шарттары бойынша ақы төлеу жүргiзу үшiн Сатушылар Корпорацияның облыстық өкiлдiктерiне мынадай құжаттарды ұсынады:

1) қабылдау түбiртегi (КТ-10);

2) астық сапасының сертификаты;

3) салық заңнамасына сәйкес нысан бойынша шот-фактура.

7. Корпорацияның облыстық өкiлдiктерi 6-тармақта көрсетiлген құжаттарды жасасқан шарттармен бiрге ақы төлеу үшiн Корпорацияның орталық кеңсесiне жiбередi. Корпорация құжаттардың келiп түсуiне қарай үш күннен кешiктiрмей Ауылшарминiне ақша алуға өтiнiм бередi. Корпорацияның өтiнiмдерi бойынша Ауылшарминi 2 банктiк күн ішiнде өтiнiм берiлген ақшаны Қазақстан Республикасы Қаржы министрлiгiнiң Қазынашылық органдарында Корпорация ашқан N 1 арнайы шотқа (бұдан әрi - N 1 арнайы шот) аударады. Алынған қаражатты Корпорация 3 банктiк күн iшiнде астықты Сатушылардың шоттарына аударады.

8. Корпорация ақшалай қаражатты астықты Сатушының шотына теңгемен Ауылшарминi Корпорацияның N 1 арнайы шотына ақшалай қаражатты аударған күнгi Қазақстан Республикасы Ұлттық Банкiнiң бағамы бойынша аударады.