О подготовке производственного и социального комплекса Костанайской области к работе в осенне-зимний период 2002-2003 годов Күшін жойған

Қостанай облысының өндірістік және әлеуметтік кешенін 2002-2003 жылғы күзгі-қысқы кезеңіндегі жұмысқа даярлау туралы 📌 Ескерту. Күші жойылды - Қостанай облысы әкімдігінің 08.04.2003 № 66 қаулысымен. "Қазақстан Республикасындағы жергілікті мемлекеттік басқару туралы" Қазақстан Республикасы 2001 жылғы 23 қаңтардағы Заңының 27-бабына сәйкес және облыстың өндірістік және әлеуметтік кешенін 2002-2003 жылғы күзгі-қысқы кезеңіндегі жұмысқа уақытында және сапалы даярлау мақсатында Қостанай облысының әкімияты ҚАУЛЫ ЕТЕДІ:

1. Қалалар, аудандар әкімдері, мемлекеттік коммуналдық кәсіпорындар мен ұйымдардың басшылары:

1) 2002 жылғы 1 қазанға дейінгі мерзімде жылу көздерін, электр, газ, жылу және су құбырлары желілерін, сондай-ақ тұрғын және әлеуметтік сала объектілерін 2002-2003 жылғы күзгі-қысқы жағдайдағы жұмысқа даярлау жөніндегі ұйымдастыру-техникалық іс-шаралардың орындалуын қамтамасыз етсін.

2. Қалалар және аудандар әкімдері мынадай ұйымдастыру жұмыстарын жүргізсін:

1) қалалар мен аудандардың кәсіпорындарының жабдықтаушылармен қатты, сұйық және газ түріндегі отынды, электр энергиясын жеткізу мен қатты және сұйық отынның жинақталу кестесінің орындалуына өзара шарт жасауға бақылауды қамтамасыз ету;

2) коммуналдық қызметті тұтынушылардың пайдаланған электр, жылу энергиясы, табиғи газ, су үшін борыштарын 2002 жылғы 1 шілдеге дейін өтеу;

3) Пәтер иелері кооперативтерінің басшыларымен тұрғын үйлерді алдағы күзгі-қысқы кезеңдегі жұмысқа даярлау жөніндегі жөндеу-алдын алу іс-шараларын өткізу жөніндегі ұйымдастыру жұмысын жүргізу;

4) энергетика, өнеркәсіп және сауда департаментіне апта сайын, әр сәрсенбіде қысқа даярлық барысы туралы белгіленген нысан бойынша ақпарат түсіріп отыру.

3. Қаржы департаменті (М.А. Щеглова) алынатын жылу-энергетикалық ресурстарға уақытында төлем төлеу және коммуналдық қызметтер үшін бұрындары жинақталған борыштарын өтеу үшін бюджеттік мекемелерді уақытында қаржыландыруды қамтамасыз етсін.

4. Өндірістік және әлеуметтік кешеннің көзгі-қысқы кезеңнің жұмысына даярлығына бақылау жасау және жедел ұйымдастыру жөніндегі облыстық комиссия құрылсын (қосымша).

5. Қостанай облысы әкімінің 2001 жылғы 30 наурыздағы № 19 "Қостанай облысының өндірістік және әлеуметтік кешенін 2002-2003 жылдардың күзгі-қысқы кезеңіндегі жұмысқа даярлау туралы" шешімінің күші жойылды деп есептелсін.

6. Осы қаулының орындалуына бақылау жасау облыс әкімінің бірінші орынбасары В.В. Мейстерге жүктелсін.

Қазақстан Республикасы Қостанай облысы әкімиятының 2002 жылғы 9 сәуірдегі № 81 қаулысына қосымша Облыстың өндірістік және әлеуметтік кешенін 2002-2003 жылғы күзгі-қысқы маусымға даярлау жөніндегі облыстық комиссияның құрамы Мейстер Виктор Викторович - облыс әкімінің бірінші орынбасары, комиссия төрағасы Кочин Владимир Федорович - энергетика, өнеркәсіп және құрылыс департаментінің директоры, төрағаның орынбасары Комиссия мүшелері Батов Евгений Владимирович - төтенше жағдайлар жөніндегі облыстық басқарманың бастығы Ғалымжанов Едіге Молдахметұлы - Қостанай облыстық денсаулық сақтау басқармасының бастығы Каткенов Құсайын Амангелдіұлы - Қостанай облысы білім департаментінің директоры Нақанов Болат Әуезханұлы - Қостанай облысының жол шаруашылығы және көлік департаментінің директоры Осоченко Владимир Григорьевич - "KEGOC" ААҚ "Сарыбай ЭАЖ" филиалының директоры (келісім бойынша) Сидаш Сергей Борисович - "Қостанайэнерго" ААҚ бас директоры (келісім бойынша) Тайкешов Әубәкір Салкенұлы - "Қостанайгаз" МКК бас директоры Щеглова Мария Александровна - Қостанай облысы қаржы департаментінің директоры