Об утверждении плана мероприятий по подготовке территориальной подсистемы предупреждения и ликвидации чрезвычайных ситуаций на 2002-2004 годы Қолданыста

Төтенше жағдайлардың алдын алу және жоюдың аумақтық жүйесін дайындау жөніндегі 2002-2004 жылдарға арналған іс-шаралар жоспарын бекіту туралы Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару туралы" Заңының 29-бабына сәйкес және азаматтық қорғаныс пен төтенше жағдайлардың басшы құрамының біліктілігін арттыру, апат-құтқару қызметі құрамалары күштерінің облыс халқын қорғауды, апаттардан, күйреулерден келетін зияндарды азайту жөніндегі іс-шараларды өткізуге даярлығын қамтамасыз ету, ұйымдардың табиғи және техногенді сипаттағы төтенше жағдайлардағы жұмысының тұрақтылығын арттыру мақсатында ШЕШТІМ:

1. Қоса беріліп отырған төтенше жағдайлардың алдын алу және жоюдың аумақтық жүйесін дайындау жөніндегі 2002-2004 жылдарға арналған іс-шаралар жоспары (бұдан әрі - Жоспар) бекітілсін.

2. Қала, аудан әкімдері, ұйымдар мен кәсіпорындар басшылары аталған Жоспарды орындау жөнінде қажетті шаралар қабылдасын.

3. Осы шешімнің орындалуына бақылау жасау облыс әкімінің бірінші орынбасары В.В. Мейстерге және төтенше жағдайлар жөніндегі басқарма бастығы Е.В. Батовқа жүктелсін, ол жыл сайын шілденің 1 жұлдызына және желтоқсанның 20 жұлдызына жоспардың іс-шараларының орындалу туралы облыс әкіміне ақпарат беріп отырсын.

Қазақстан Республикасы Қостанай облысы әкімінің 2002 жылғы 5 сәуірдегі № 38 шешімімен бекітілген Төтенше жағдайлардың алдын алу және жоюға аумақтық кіші жүйені 2002-2004 жылдарға даярлау жөніндегі іс-шаралар жоспары