Об установлении ставок платы за загрязнение окружающей среды на 2002 год по Южно-Казахстанской области Қолданыста

Оңтүстiк Қазақстан облысы бойынша 2002 жылға арналған қоршаған ортаны ластағаны үшiн төлем ставкаларын бекiту туралы Қазақстан Республикасының "Қазақстан Республикасындағы жергiлiктi мемлекеттiк басқару туралы" Заңының 6 бабына, Қазақстан Республикасының "Қоршаған ортаны қорғау туралы" Заңының 10 бабына және Қазақстан Республикасының "Салық және бюджетке төленетiн басқа да мiндеттi төлемдер туралы" Кодексiнiң 462 бабына сәйкес облыстық мәслихат ШЕШТI:

1. Оңтүстiк Қазақстан облысы бойынша 2002 жылға арналған қоршаған ортаны ластағаны үшiн төлем ставкалары қосымшаға сәйкес белгiленсiн.

2. Осы шешiм 2002 жылдың 1 қаңтарынан бастап жүзеге асырыла бастайды.

Облыстық мәслихаттың 2002 жылғы 29 қаңтар N 16/175-II шешiмiне қосымша Оңтүстiк Қазақстан облысы бойынша 2002 жылға арналған қоршаған ортаны ластағаны үшiн төлем ставкалары Ластайтын заттарды тастағаны, өндiрiс және тұтыну қалдықтарын белгiленген лимиттер шегiнде орналастырғаны үшiн төлем ставкалары 2002 жылға келесi мөлшерлерде белгiленсiн:

1) Тұрақты көздерден атмосфераға тасталған ластайтын заттардың бiр шартты тоннасы үшiн - 350 теңге;

2) Жылжымалы көздерiнен атмосфераға тасталған ластайтын заттардың бiр шартты тоннасы үшiн - 300 теңге;

3) Табиғи объектiлерге төгiлген шайынды сулардың құрамындағы ластайтын заттардың бiр шартты тоннасы үшiн - 7000 теңге;

4) Қалдықтарды арнайы белгiленген жерге (полигондарда, қалдықтар қоймасына, жинағыштарға және арнайы рұқсат етiлген қоқыс жинайтын орындарға) орналастырғаны үшiн: Қалдықтардың атауы Токсикологиялық зияндылық класы Өлшем бiрлiктері Бiр өлшем бiрлiгi үшiн төлем ставкасы, теңге төтенше қауiптi жоғарғы қауiптi шектеулi қауiптi аз қауiптi зиянды емес I II III IV V тн тн тн тн тн 3200 1600 400 200 100