О предупреждении и ликвидации чрезвычайных ситуаций в зимний период 2003-2004 годов Күшін жойған

2003-2004 жылдардың қысқы кезеңінде төтенше жағдайлардың алдын алу және жою туралы Жыл сайынғы қатты аяздар мен қарлы борандар автокөлік пен темір жолдарда қар тосқауылдарының пайда болумен байланысты төтенше жағдайлардың, халықтың тіршілігін қамтамасыз ететін және әлеуметтік мәдени бағыттағы объектілерде авариялардың болу қаупін туғызады. Қазақстан Республикасының "Қазақстан Республикасындағы жергілікті мемлекеттік басқару туралы", "Табиғи және техногендік сипаттағы төтенше жағдайлар туралы" заңдарын басшылыққа ала отырып, облыс әкімдігі ҚАУЛЫ ЕТЕДІ:

1. Аудандардың, Орал қаласының әкімдері:

1) шаруашылық объектілері мен халықтың тіршілігін қамтамасыз ететін жүйелерде жұмысты үздіксіз қамтамасыз ету жөнінде қосымша шаралар алсын, осы мақсаттар үшін материалдық-техникалық ресурстар қорын қарастырсын;

2) төтенше жағдайларда жұмыс істеу үшін шұғыл бағдарлау отрядтарының даярлығын арттырсын;

3) көпшілік пайдаланатын жолдардағы шалғай елді мекендермен байланыс орнатылуын тексерсін;

4) меншік иелері кооперативтерімен, авариялық қызметтермен бірлесе отырып, шаруашылық объектілерінен және тұрғындардан жылу мен жабдықтау жүйелеріндегі авариялар туралы хабарлар берілгенде әрекет ету тәртібін жасасын.

2. Батыс Қазақстан облыстық автомобиль жолдары және инфрақұрылым кешені құрылысы басқармасы (Оразов), Батыс Қазақстан облыстық тұрғын үй-коммуналдық, жол шаруашылығы және көлік басқармасы (Имашев):

1) автомобиль жолдарындағы қолда бар жылыту пункттерін әзірлік жағдайға келтірсін, оларды отын қорымен, байланыс құралдарымен қамтамасыз етсін, олардың орналасқан орнын көрсететін жол белгілерін орнатсын;

2) қар неғұрлым көп басқан автомобиль жолдарының учаскесін нақтыласын, сол бағыттарға қажетті қар тазалау техникаларын шоғырландырсын;

3) қар тосқауылдары көп орын алған және көк тайғақ қауіпті автомобиль жолдарын бақылауды қамтамасыз етсін;

4) жүру жағдайлары қанағаттанғысыз болып отырған автомобиль жолдарын дер кезінде тексеруден өткізсін.

3. Батыс Қазақстан облыстық ішкі істер басқармасы (Тыныбеков) ауа райының қолайсыз, стихиялық басқа да жол қозғалысы қауіпі туған жағдайларда автомобиль жолдарында көлік құралдарының қозғалысын уақытша шектеу немесе тоқтату жөнінде шұғыл шаралар алсын.

4. Батыс Қазақстан облыстық денсаулық сақтау басқармасы (Мырзахметов) қар тосқауылдары, қатты аяздар, борандар мен көк тайғақтарда зардап шеккендерге шұғыл дәрігерлік көмек көрсету үшін дәрігерлік құрамалар мен қызметтердің әзірлігін жақсартсын.

5. Батыс Қазақстан облыстық төтенше жағдайлар жөніндегі басқармасы (Маючий):

1) төтенше жағдайларды жою жөніндегі жұмыстарды үйлестіру үшін облыс әкімінің жылжымалы басқару пунктінің әзірлігін қамтамасыз етсін;

2) құтқару жұмыстарын және төтенше жағдайларды жою жөніндегі кезек күттірмейтін жұмыстарды жүргізу үшін жанар-жағар май материалдарының қорын жасасын;

3) қар көшкінінде қалған адамдарды құтқару жөніндегі жұмыстарды орындау мақсатында және қыс кезеңінде жолдардың күтімін бақылау мақсатында құтқару ұтқыр топтарын әзірлесін;

4) қатты дауылдар туралы басқару органдарына, тіршілікті қамтамасыз ететін объектілерге және тұрғындарға дер кезінде хабарлап отырсын.

6. Осы қаулының орындалуын бақылау облыс әкімінің орынбасары С.П.Качалоға жүктелсін.