О социальной защите в 2003 году лиц, входящих в целевые группы Қолданыста

Халықтың нысаналы топтарына кіретін тұлғаларды 2003 жылы әлеуметтік қорғау туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы негізінде, азаматтық-құқықтық қатынастарды сақтау мақсатында, Лисаков қаласының әкімияты ҚАУЛЫ ЕТЕДІ:

1. Қоса берілгендер бекітілсін: Бас бостандығынан айыру орындарынан қайтып оралған тұлғаларға әлеуметтік көмек көрсету ережелері; Халықтың нысаналы топтарына жататын тұлғаларға және кедейшілік шегінде тұратын тұлғаларды құжаттандыруға біржолғы материалдық көмек көрсету ережелері.

2. Осы қаулының орындалуына бақылау жасау Лисаков қаласы әкімінің орынбасары Л.Г. Лесковаға жүктелсін.

Қостанай облысы Лисаков қаласы әкімиятының 2003 жылғы 30 қаңтардағы № 39 қаулысымен бекітілген Халықтың нысаналы топтарына жататын тұлғаларға және кедейшілік шегінде тұратын тұлғаларды құжаттандыруға біржолғы материалдық көмек көрсету ЕРЕЖЕЛЕРІ

1. Жалпы ережелер Осы ережелер халықтың нысаналы топтарына кіретін адамдарды және кедейшілік шегінде тұратын тұлғаларды әлеуметтік қорғау мақсатында жасалған.

2. Материалдық көмек алушылар Материалдық көмек алушылар кейбір жағдайларға байланысты жеке куәліксіз қалған адамдар болып табылады.

3. Біржолғы материалдық көмек тағайындау тәртібі Жеке куәлікті ресімдеуге біржолғы материалдық көмек қала әкімінің атына талап етушінің жеке өтініші және әлеуметтік-тұрмыстық жағдайын тексеру кесімі бойынша тағайындалады.

4. Материалдық көмек мөлшері Біржолғы материалдық көмек жеке куәлік пен фотосурет құны сомасында төленеді.

5. Материалдық көмек төлеу тәртібі Материалдық көмек екінші деңгейдегі банктерде алушылардың жеке есеп шоттарына аудару арқылы еңбек, халықты жұмыспен қамту және әлеуметтік қорғау басқармасы төленеді.

Қостанай облысы Лисаков қаласы әкімиятының 2003 жылғы 30 қаңтардағы № 39 қаулысымен бекітілген Бас бостандығынан айыру орындарынан қайтып оралған тұлғаларға әлеуметтік көмек көрсету ЕРЕЖЕЛЕРІ

1. Жалпы ережелер Бас бостандығынан айыру орнынан қайтып оралған адамдарға орналасу және жеке басының куәлігін алу үшін қалалық бюджетінің қаражатына біржолғы материалдық көмек көрсетіледі.

2. Әлеуметтік көмек тағайындау тәртібі Жеке басының куәлігін және орналасу үшін әлеуметтік көмек бас бостандығынан айыру орнынан босатылған туралы анықтамасы бар адамдарға тағайындалады. Тағайындау үшін қала әкімінің атына жазылған арыз негіз болады.

3. Біржолғы әлеуметтік көмек мөлшері Жеке куәлікті ресімдеуге біржолғы материалдық көмек қала әкімінің атына талап өтініші не әлеуметтік көмек 5000 теңгеден аспайтын сомада төленеді.

4. Әлеуметтік көмек төлеу тәртібі Бас бостандығынан айыру орнынан шыққан адамдарға әлеуметтік көмек қалалық бюджет есебінен екінші деңгейдегі банктарда туыстарының жеке есеп шоттарына аудару арқылы төленеді.