Об отборе кандидатов в военно-учебные заведения Республики Казахстан и Российской Федерации в 2003 году Күшін жойған

2003 жылы Қазақстан Республикасы және Ресей Федерациясының әскери-оқу орындарына үміткерлер іріктеу туралы. 📌 Ескерту. Күші жойылды - Ақмола облысы әкімінің 05.01.2005 № 1 шешімімен. Қазақстан Республикасы Қорғаныс Министрлігі 2000 жылғы 24 ақпандағы № 37 «Қазақстан Республикасы Қорғаныс Министрлігінің және өзге мемлекеттердің әскери-оқу орындарына Қазақстан Республикасының азаматтарын қабылдау ережелерінің іске енгізу туралы» (Қазақстан Республикасы әділет Министрлігімен 2000 жылы 24 маусымдағы № 1171 тіркелген) бұйрығына сәйкес азамат жастар арасынан әскери-оқу орындарына түсуші үміткерлерді сапалы және ұйымдасқан түрде іріктеу мақсаттарында облыс әкімі шешім қабылдады:

1. 2003 жылдың 1 наурызы мен 2003 жылдың 10 маусым аралығында Қазақстан Республикасы және Ресей Федерациясының әскери-оқу орындарына жастар арасынан үміткерлер іріктеуді өткізу облыстық, қалалық және аудандық әскери комиссарларға тапсырылсын.

2. Облыс аудандарының, Көкшетау және Степногорск қалаларының әкімдері үміткерлерді тексеру және іріктеуді өткізу үшін, төмендегі құрамда комиссиялар құрсын: Комиссия төрағасы - аудандық, қалалық әскери комиссар. Комиссия мүшелері - әкімдіктің, ішкі істер органдарының, денсаулық сақтау және білім бөлімдерінің өкілдері.

3. Комиссия төрағалары облыс аудандарының және Көкшетау, Степногорск қалаларының әкімдерінің жастарға әскери-кәсіптік бағыт беру және әскери-оқу орындарына үміткерлерді іріктеуді өткізу жоспарын бекітсін. Комиссия төрағасы әскери-оқу орындарында іріктелген үміткерлердің дене шынықтыру дайындығын тексерсін.

4. Облыстық денсаулық сақтау басқармасының бастығы И.М.Комалдинов әскери-оқу орындарына түсуге іріктелген үміткерлерді медициналық куәландырудан өткізу үшін медициналық комиссия жұмысын ұйымдастырсын. Қажетті дәрігер мамандар бөлсін, медициналық комиссияның жұмысына қажетті құрал-жабдықтармен және дәрі-дәрмектермен қамтамасыз етсін, сондай-ақ лабораториялық зерттеулер өткізсін.

5. Облыстық білім басқармасының бастығы Е.А.Дмитриенко үміткерлердің іріктеу комиссиясынан өту күніне дейін қажетті құжаттардың тапсырылуын және қабылдау емтихандарына енетін пәндер бойынша қосымша сабақтардың өткізілуін ұйымдастырсын.

6. Комиссия төрағалары әскери-оқу орындарына түсуге іріктелген үміткерлердің дене-бітімі дайындығын тексерістен өткізсін.

7. Ақмола облысы мен Көкшетау қаласының әскері комиссары А.Ж.Нұрманов жастарға әскери-кәсіптік бағыт беру бойынша мәліметтерді үміткерлерді әскери оқу орындарына іріктеу кезеңінде жүйелі түрде жергілікті басылымдар мен радио арқылы хабарлап отырсын.

8. Осы шешімнің орындалуын бақылау облыс әкімінің орынбасары А.С.Сейітжановқа жүктелсін.