Об организации и обеспечении проведения очередного призыва граждан в Вооруженные Силы, другие войска и воинские формирования Республики Казахстан в апреле-июне 2003 года Күшін жойған

Қазақстан Республикасының Қарулы күштеріне, басқа әскерлеріне және әскери құрылымдарына 2003 жылғы сәуір-маусымда азаматтарды кезекті шақыру жүргізуді ұйымдастыру және қамтамасыз ету туралы 📌 Ескерту. Күші жойылды - Қостанай облысы мәслихаты мен Қостанай облысы әкімінің 12.09.2003 № 324/12-бр бірлескен шешімімен. Қазақстан Республикасының «Қазақстан Республикасындағы жергілікті мемлекеттік басқару туралы» Заңының б-бабы 1 тармағының 14-тармақшасы мен 29-бабы 1-тармағының 11) тармақшасына сәйкес, Қазақстан Республикасының «Жалпыға бірдей әскери міндеттілік және әскери қызмет туралы» 1993 жылғы 19 қаңтардағы Заңын, Қазақстан Республикасы Президентінің «Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2003 жылдың сәуір-маусымында және қазан-желтоқсанында кезекті мерзімді әскери қызметке шақыру туралы» 2003 жылғы 27 наурыздағы № 1047 Жарлығын орындауда, Қостанай облыстық мәслихаты мен Қостанай облысының әкімі ШЕШТІ:

1. Шақыру комиссияларының жұмысы ұйымдастырылсын және 1985 жылы туған, сондай-ақ шақыруды кейінге қалдыру құқығынан айырылған одан жоғары жастағы азаматтардың мерзімдік әскери қызметке кезекті шақырылуы 2003 жылғы сәуір-маусымда жүргізілуі қамтамасыз етілсін.

2. Облыстық шақыру комиссиясының құрамы 1-қосымшаға және облыстық жинақтау пунктіндегі медициналық комиссияның құрамы 2-қосымшаға сәйкес бекітілсін.

3. Қалалар мен аудандар әкімияттары:

1) қалалық және аудандық шақыру және медициналық комиссияларының жұмысын ұйымдастырсын және қамтамасыз етсін, әскери комиссариаттарға қажетті мөлшерде дәрігер-мамандар, техникалық қызметкерлер, қызмет көрсетуші адамдар бөлсін;

2) әскерге шақырылғандарды уақытында хабарландыру және шақыруға келмегендерді іздестіру үшін хабарландыруды және іздестіру тобын құрсын, оларды көлік құралдарымен және жанар-жағармай материалдарымен қамтамасыз етсін;

3) әскери қызметті өтеу үшін жіберілетін әскерге шақырылғандарды салтанатты шығарып салу жөнінде іс-шаралар ұйымдастырсын;

4) әскерге шақырылушыларды хабарландыру, шақыруды жүргізу, медициналық куәландыру және әскерге шақырушыларды аудандық, қалалық шақыру пункттеріне, медициналық комиссияға және әскерге жіберу үшін облыстық жинақтау пунктіне жеткізу жөніндегі іс-шараларды орындауға байланысты шығыстар аудандық, қалалық және облыстық бюджетттердің есебінен қарастырылған қаражат шегінде жүргізілсін;

5) әскерге шақыру учаскелері мен облыстық жинақтау пункттерінде жұмысқа жіберілген әскерге шақыру комиссиялары мүшелерінің, медициналық және техникалық қызметкерлердің және қызмет көрсетуші адамдардың осы азаматтар жіберілген ұйымдарда орташа еңбекақысы, жұмыс орны және алып отырған лауазымы сақталатыны еске алынсын;

6) әскери комиссариаттарға әскерге шақыру пункттеріне жабдықталған орындар және белгіленген талаптарға сәйкес әскерге шақыру пункттеріне жөндеу жүргізу және қайта жабдықтау үшін басқа да құралдарды бөлу жөніндегі шараларды қабылдасын.

4. Облыстық денсаулық сақтау басқармасы (Е.М. Ғалымжанов):

1) аудандық медициналық комиссияларды жетпейтін дәрігер-мамандармен, медициналық құралдар және мүліктермен, оның ішінде флюропленкалар және химиялық реактивтермен жиынтықтылау жөніндегі жұмысты ұйымдастырсын, облыстық медициналық комиссияның құрамында жұмыс істеу үшін 2-қосымшаға сәйкес дәрігер-мамандарды бөлсін;

2) облыстық әскери комиссариатпен (И.Е. Лосьев) бірлесе отырып медициналық мекемелердің әскерге шақырылушыларды алдын ала тексеру шығындарының орнын толтыру және медициналық комиссиялардың дәрігер- мамандарының еңбекақысын облыстық, қалалық және аудандық бюджеттерде қарастырылған қаражат есебінен толтыру жөніндегі жұмысты ұйымдастырсын.

5. "Қазақстан темір жолы" Ұлттық компаниясы" жабық акционерлік қоғамы Қостанай тасымалдау бөлімшесі (А.Н. Қүдайбергенов) облыстық әскери комиссариаттың тапсырыстары бойынша толықтырушылары бар командаларды қызмет орнына жөнелту үшін жолаушылар поездарында қажетті орындар санын бөлсін (келісім бойынша).

6. Облыстық әскери комиссариат (И.Е. Лосьев):

1) Қазақстан Республикасының 2002 жылғы 16 мамырдағы "Мемлекеттік сатып алу туралы" Заңына сәйкес әскерге шақыру пункттері мен облыстық жинақтау пунктінде азық-түлік тауарларымен сауда жасауды және ыстық асты ұйымдастырсын;

2) әскерге шақырылушыларды тасымалдауды қамтамасыз етсін, ақы төлеу әскерге шақыру кезінде тасымалданғандардың нақты саны туралы тапсырыстар бойынша жүргізсін.

7. Қостанай облысы бойынша Бас ішкі істер басқармасы (Н.М. Дейхин) әскерге шақыру және командаларды жөнелту кезінде:

1) мерзімді әскери қызметке шақырудан жалтарып жүргендерді іздестіру және ұстауды жүргізсін, ұсталгандарды іздестіру және оларды жеткізу жөніндегі шығыстарды өтеуді осы кісілердің есебінен жүргізсін;

2) облыстық жинақтау пунктінде, қалалық және аудандық әскерге шақыру пунктерінде әскерге шақырылушылар арасында қоғамдық тәртіпті қалпында сақтау үшін полицияның тәулік бойгы нарядын бөлсін;

3) әскерге шақырылушыларды облыстың әскери комиссариаттарынан жөнелткен кезде, сондай-ақ Қостанай темір жол стансасында қогамдық тәртіпті қалпында сақтауды қамтамасыз етсін және әскерге шақырылушыларды шыгарып салу үшін әскери комиссариаттардың тапсырыстары бойынша автокөлік бөлсін.

8. Облыстық қаржы департаменті (М.А. Щеглова) әскерге шақыруды ұйымдастыру және жүргізу жөніндегі іс-шараларды қаржыландыруды облыстық әскери комиссариаттың қаржыландыру жоспарында қарастырылған қаражат есебінен 105-063 "Әскери қызметке тіркеу және шақыру жөніндегі іс-шаралар" бағдарламасы бойынша жүзеге асырсын.

9. Атқарылған жұмыстар туралы ақпарат облыс әкімінің аппаратына 2003 жылғы 10 шілдеге дейін берілсін.

10. "Қазақстан Республикасының Қарулы күштеріне, басқа әскерлеріне және әскери құрылымдарына 2002 жылғы қазан-желтоқсандағы азаматтарды кезекті шақыру жүргізуді ұйымдастыру және қамтамасыз ету туралы" Қостанай облыстық мәслихаты мен Қостанай облысы әкімінің 2002 жылғы 16 тамыздағы № 220/7 б шешімінің күші жойылды деп есептелсін.

11. Осы шешімнің орындалуына бақылау жасау облыс әкімінің орынбасары Б.Б. Баймағамбетоваға, облыс әкімінің көмекшісі - екінші бөлімнің меңгерушісі А.В. Синютинге жүктелсін.

Қазақстан Республикасы Қостанай облысы мәслихаты мен Қостанай облысы әкімінің 2003 жылғы 10 сәуірдегі № 277/5-бр бірлескен шешіміне 1-қосымша Облыстық әскерге шақыру комиссиясының ҚҰРАМЬІ Баймағамбетова Бағила Бірмағамбетқызы - облыс әкімінің орынбасары, комиссия төрайымы Лосьев Игорь Евгеньевич - облыстық әскери комиссар, төрайымының орынбасары Куванова Бибігүл Төлегенқызы - әскерге шақыру комиссиясының хатшысы Әскерге шақыру комиссиясының мүшелері Абраменко Алексей Иванович - облыстық әскери комиссариаттың 2-бөлімі бастығының аға көмекшісі, дәрігер-терапевт, медициналық комиссияның төрағасы Дудник Елена Владимировна - облыстық денсаулық сақтау басқармасы бастығының орынбасары Исабеков Төлеген Өмешұлы - облыстық әскери комиссариаттың 2-бөлімінің бастығы Нұрсейітов Дидар Ассатоллаұлы - облыстық IIББ бастығының қызмет жөніңдегі орынбасары

Қазақстан Республикасы Қостанай облысы мәслихаты мен Қостанай облысы әкімінің 2003 жылғы 10 сәуірдегі № 277/5-бр бірлескен шешіміне 2-қосымша Облыстық жинақтау пунктіндегі медициналық комиссияның ҚҰРАМЬІ Абраменко Алексей Иванович - облыстық әскери комиссариаттың 2-ші бөлімі бастығының аға көмекшісі, дәрігер-терапевт, медициналық комиссияның төрағасы Комиссия мүшелері: Акулова Айнагүл Төлешқызы - дәрігер-невропотолог Бауэр Эммануил Иванович - дәрігер-хирург Воропаев Владимир Дмитриевич - дәрігер-ортопед–травмотолог Гончарова Людмила Констатиновна - дәрігер-рентгенолог Жабаев Әділхан Аңсоғарұлы - дәрігер-нарколог Ким Татьяна Сергеевна - дәрігер-терапевт Кужильная Галина Николаевна - дәрігер-окулист Молдахметова Гүлнара Самұратқызы - дәрігер-терапевт Мустафина Лениана Қаратайқызы - дәрігер-стоматолог Садықов Абылай Садықұлы - дәрігер-фтизиатр Сохарева Светлана Владимировна - дәрігер-психолог Тараненко Екатерина Григорьевна - дәрігер-отоларинголог Төлегенова Гульмира Баязитқызы - дәрігер-психиатор Хван Наталья Сергеевна - дәрігер-дерматолог